22/10/2020 22:21
728 x 90

Lerikdə bir ana var... - FOTO

img

Ağabanu Ağayeva yaşadığı Lerik rayonu, Siyov kəndində el-obaya məhəbbəti, qohum-qonşuya  səmimi, mehriban rəftarı, yurduna, ailəsinə sədaqəti ilə böyük hörmət sahibidir. Kənddə hami onu aydan arı, sudan duru bir ağbirçək kimi tanıyır. Bu mərd, vüqarlı, incə qəlbli qadının  xeyirxah əməlləri daim insanların  həyatına işıq saçır.

Ağabanu ana vətən, el qarşısında mənəvi borcunu bilən 9 övlad böyüdüb. Oğlu Azad Bayramov  Qarabağ  döyüşlərində vətən qarşısında borcunu şərəflə verərək şəhidlik zirvəsinə ucalıb. 20 yaşında əbədiyyətə qovuşan Azad qəlblərdə yaşamaqla hər an ehtiramla xatırlanır.

Ağabanu ananın kəndi Azadla bərabər daha iki şəhid verib. Mehman Yəhya oğlu Qafarov  Ağcabədinin Avşar kəndində gedən müharibədə qəhrəmanlıq nümunəsi göstərərək həlak olub. Onun 23 illik ömür yolu başdan-başa vətənə sevgidir. Canı bahasına səpdiyi qəhrəmanlıq toxumları indi yüzlərlə ürəkdə cücərir. Siyovluların üçüncü şəhidi Qədir İslam oğlu Ramazanov  19 yaşında şirin canından keçməklə vətən sevgisinin hər şeydən uça olduğunu sübut etdi. Qədirin Beyləqanda erməni dığalarına qarşı döyüşü əsl qəhrəmanlıq nümunəsi kimi tarixə yazılıb.

Ağabanu ana hər üç şəhidin şərəfinə kəndin ən görkəmli yerində xatirə kompleksi tikdirib. İndi siyovlular üçün ən müqəddəs yer məhz buradır: hər dəfə buraya gələndə şəhidlik zirvəsindən  gələcəyə boylanan oğulları ilə qürur duyur, həyatlarına dəyər qatma üçün onların vətənə, torpağa olan sevgisindən özlərinə pay götürürlər...

Zəfər ORUCOĞLU
Azərbaycan Jurnalistlər Birliyinin üzvü

Son xəbərlər