01/11/2020 01:50
728 x 90

Bərdə polisindən “Facebook” istifadəçisinin ittihamlarına əsaslı cavab – İlkinin psixi durumu...

img

DİN Mətbuat Xidmətinin Bərdə regional qrupunun baş inspektoru, polis baş leytenantı Aslan Qiyaslı İlkin Muradov adlı “Facebook” istifadəçisinin sosial şəbəkədə canlı yayımda polisin ünvanına səsləndirdiyi suçlamalarla bağlı “Bakı-Xəbər”ə açıqlama verib.

Açıqlamada deyilir:

- Dünən İlkin Muradov adlı şəxs “Facebook” sosial şəbəkəsindəki səhifəsində yaşadığı Füzuli rayonunun Qayıdış qəsəbəsindən canlı yayım açaraq, idarə etdiyi avtomobilin əsassız olaraq polis əməkdaşları tərəfindən cərimə meydançasına yerləşdirildiyini, özünün isə rayon Polis Şöbəsinə aparıldığını bildirib.

İlkin Muradov kimdir?

O, anası Gülfüyyə Əliyeva ilə birlikdə yaşayır. Dəfələrlə anası DİN-in “102 - Zəng Mərkəzi”nə və Füzuli RPŞ-yə müraciət edərək oğlu tərəfindən döyüldüyünü bildirib.

Onunla aparılan profilaktik söhbətlər zamanı İlkinin psixi durumunun yerində olmadığı, əsəb gərginliyindən əziyyət çəkdiyi açıq-aşkar hiss olunub. Ona görə də, 2019-cu ilin fevral ayının 25-dən ailə münaqişəli ailə kimi qeydiyyata götürülərək profilaktiki tədbirlər aparılıb. Lakin bütün bunlardan nəticə çıxarmayan İlkin anasını döyməkdə davam edib. Məhz anasının şikayəti əsasında o, bu il yanvarın 13-də məhkəmənin qərarı ilə 20 gün, mayın 5-də isə 30 gün inzibati qaydada həbs olunub.

Sentyabrın 14-də İlkin Muradovun sürücülük hüququ olmadan idarə etdiyi “VAZ-2106” markalı avtomobil polis əməkdaşları tərəfindən saxlanılaraq duracağa yerləşdirilib. İki gündən sonra anası Gülfüyyə Əliyeva yenidən “102 - Zəng Mərkəzi”nə müraciət edərək oğlu İlkin tərəfindən döyüldüyü bildirib. Onların hər ikisi RPŞ-yə dəvət olunub. Lakin sonradan ana oğlunun bağışlanması üçün ərizə yazıb.

Odur ki, belə psixi pozğunluğu olan, doğmaca anasını döyən birisinin danışığına, iddialarına inanmaq, dediklərini ciddiyə almaq sadəlövhlük olardı.

Son xəbərlər