Məhəmməd Əsədullazadə: “Yəhudilərə nifrət də bundan irəli gəlir”
Hazırda 3 milyondan da az olan Ermənistan əhalisinin 99.8 faizini etnik ermənilər təşkil etməkdədir. Hətta Ermənistan üçün strateji tərəfdaş sayılan rusların sayı bu gün ölkədə 2500-dən çox deyil. Hansı ki, onların da əksəriyyəti Rusiya hərbi bazalarında xidmət edən hərbi qulluqçular və onların ailə üzvləridir.
Qonşu respublikalarla müqayisə aparsaq, Rusiya ilə düşmən münasibətlərində olan Gürcüstanda 20 dəfə, Azərbaycanda isə Ermənistandan 100 dəfə çox rus yaşamaqdadır.
Reallıq ondan ibarətdir ki, illərdən bəri Ermənistanda millətçilik və şovinizm siyasətinin dövlət səviyyəsində həyata keçirilməsi nəticəsində bu cür vəziyyət yaranıb. SSRİ-nin dağılması ilə ölkədə daha da güclənən irqçilik və şovinist ideyalar, Azərbaycana qarşı irəli sürülən əsassız ərazi iddiası nəticəsində başlanan qanlı toqquşmalar o zaman arxasız və köməksiz olan yerli azərbaycanlıların öz ata-baba torpaqlarını tərk etmələri ilə nəticələndi ki, bununla da Ermənistanda etnik tərkibin dəyişdirilməsinin başlanğıcı qoyulmuş oldu. Amma Ermənistan və onun xəstə təfəkkürlü irqçi rəhbərliyinə bu da bəs eləmədi. Ölkə müstəqillik əldə etdikdən sonra digər xalqların da qovulmasına, siyasi və psixoloji təzyiqlərə, dini və irqi ayrıseçkiliyə məruz qalmalarına, onların təhsil, iş, əmlak hüquqlarının pozulmasına başlandı. Nəticədə bu da digər milli azlıqları ölkəni tərk etmək məcburiyyəti qarşısında qoydu.
Gör ermənilərin xisləti nə qədər mənfurdur ki, onlar dünyada sayı az olan yəhudiləri belə ölkədə görmək istəmirlər. Məsələ ondadır ki, “Pew Research Center” təşkilatı yəhudilərə olan münasibəti öyrənmək məqsədilə Mərkəzi və Şərqi Avropanın 18 ölkəsində sosioloji sorğu keçirib. Sorğunun nəticələrinə görə, ən çox antisemitizm Ermənistanda müşahidə olunub. Belə ki, Ermənistan əhalisinin 32 faizi yəhudiləri öz ölkəsində görmək istəmir. Bu bir daha ermənilərin iç üzünü açır. Nəzərə almaq lazımdır ki, Azərbaycanda 1918-ci ilin 31 mart soyqırımı zamanı erməni daşnakları həm də yəhudiləri qətlə yetirirdilər. O baxımdan bütün bunlar heç də təsadüfi deyil və ermənilərin məkrli niyyətini bir daha ortaya qoyur.
Sözügedən məsələni “Bakı-Xəbər”ə şərh edən politoloq Məhəmməd Əsədullazadənin sözlərinə görə, bu bir daha ermənilərin faşist xislətini ortaya qoyur: “Ermənilər daim yaşadıqları ərazilərdə öz qonşularına qarşı ayrıseçkilik və düşmən siyasəti aparıblar. Rusiyanın dəstəyi ilə qurulan hazırkı Ermənistanda tarix boyu azərbaycanlılar yaşayıb və ərazilər tarixi Azərbaycan torpaqlarıdır. İndiki Ermənistan monoetnik ölkədir və yezidi kürdlərdən savayı bu ölkədə etnik qrup qalmayıb. Onların da sayı çox azdır. Barmaqla sayıla biləcək yunan və rus var. Halbuki, bir vaxtlar Ermənistanda azərbaycanlılar böyük say üstünlüyünə malik olublar. 1948 və 1988-ci illərdə azərbaycanlıların kütləvi deportasiyası nəticəsində Ermənistanda demoqrafik vəziyyət ermənilərin xeyrinə dəyişdi. Hazırkı Ermənistanda çoxmillətlilikdən və multikulturalizmdən söhbət gedə bilməz. Bu millət faşizm ideyalarına sadiq olduğu üçün, digər xalqlarla birlikdə yaşamır. Yəhudilərə nifrət də bundan irəli gəlir. Yəhudilər barədə deyə bilərəm ki, onlar hiyləgər millət deyil. Onlar ermənilərdən fərqli olaraq obyektivdirlər. Ona görə də ermənilər yəhudiləri xoşlamırlar. Ermənistanda dövlət siyasəti etnik ayrıseçkilik üzərində qurulub. Erməni kilsəsi də daim digər xalqlara dözümsüz yanaşaraq, düşmənçilik siyasəti aparıb və bu idelogiyanı dövlət siyasətinə çeviriblər. Ermənistanın necə bir dövlət olduğu, onun Azərbaycana qarşı işğalçılıq siyasəti və etnik təmizləmə apardığı göz qabağındadır. Yaxın tariximizdən aydın olur ki, Ermənistanın törətdiyi Xocalı soyqırımı erməni millətinin dözümsüzlüyünün və digər xalqlara qarşı düşmən siyasətinin bariz nümunəsidir. Ermənistan bu siyasəti aparmaqla regionda tədricini gücləndirəcək”.
Vidadi ORDAHALLI
