Qərblə Rusiya Qarabağ həlli rəqabətinə başlayıb(?)

Tarix: 07.04.2016 / 01:12
Bölmə: Siyasət

Vüqar Zifəroğlu: "4 günlük müharibənin od-alovu fəaliyyətsiz Minsk Qrupunun öz "donunu əritməsi" üçün əslində bəs etməlidir"

"Bu, Ermənistan daxilindəki siyasi proseslərə və eləcə də sosial narazılıqların artmasına öz təsirini göstərəcək"

Dağlıq Qarabağ m

ünaqişəsi zonasında aprelin 2-dən başlayan hərbi əməliyyatlarda qarşılıqlı razılıq əsasında növbəti atəşkəs əldə olundu. Belə görünür, bunda ən çox düşmən tərəf maraqlı idi.

Məsələ ondadır ki, işğalçı tərəf hər gün daha ağır itkilərlə üzləşməkdə idi. Azərbaycan Prezidenti İlham Əliyev atəşkəsə bir şərtlə razılıq verildiyini bəyan etdi: "İşğalçı tərəf bundan istifadə eləməsin və ərazilərimizdən rədd olub getsin!"

Bununla belə, 4 günlük müharibənin ölkə üçün əsas pozitiv nəticəsi o oldu ki, Azərbaycan 22 illik atəşkəs dövründə ilk dəfə hərbi gücə əl ataraq, itkilər bahasına da olsa, dünyaya, işğalçıya, onun havadarlarına nümayiş etdirdi ki, dövlət, millət olaraq öz ərazilərinin işğalı ilə barışmayıb və heç vaxt barışmayacaq. Ermənilərin havadarlarına mesaj və dərs verdi ki, növbəti və daha əlverişli regional şərtlər yetişən kimi ona daha sarsıdıcı və sonuncu həlledici zərbəni endirəcək. Çox şey Minsk Qrupu həmsədrlərinin hansı nəticə çıxaracağından asılı olacaq. Onlar BMT TŞ-nin, Avropa Şurası və Avropa Parlamentinin, NATO Parlament Assambleyasının, İslam Əməkdaşlıq Təşkilatının, digər mötəbər təşkilatların Dağlıq Qarabağa dair dünya birliyinin iradəsini əks etdirən qətnamələrini saymayacaqsa, o zaman həlledici savaş özünü çox gözlətməyəcək. Diqqətçəkən məqamlardan biri də ondan ibarət oldu ki, sözügedən hərbi əməliyyatlardan sonra Qərblə Rusiya arasında rəqabət başlayıb. Bu həm diplomatik, həm də digər sahələrdə özünü göstərir. Aprelin 2-dən sonra Qərbin nüfuzlu mətbuat orqanları baş verənləri obyektiv işıqlandırdı. Qərb və Rusiya rəsmiləri diplomatik müstəvidə atəşin dayandırılması ilə bağlı çağırışlar etməyə başladı. Sanki tərəflər təşəbbüsü əla almaq üçün bir-birilə rəqabətə girdilər. Bütövlükdə, belə vəziyyət nə dərəcədə işin xeyrinədir?

Məsələyə münasibət bildirən "Oğuz" Araşdırmaçılar Qrupunun sədri Vüqar Zifəroğlu bunu bir neçə kontekstdən dəyərləndirdi: "Aprelin ilk günləri Qarabağdakı hərbi əməliyyatlar, heç şübhəsiz, son dərəcə ciddi nəticələri və məqamları ilə yadda qaldı. Bu məqamlar heç də tək əldə etdiyimiz hərbi üstünlük və qazanmış olduğumuz qələbə ilə bağlı deyil. Ümumiyyətlə, aprel əməliyyatları bizə nə verdi və təsiri nə oldu? Hərbi nöqteyi-nəzərdən ermənilərin ilk- birinci müdafiə xəttinin yarılması son dərəcə ciddi psixoloji məqam idi. 1994-cü ildən sonra ilk dəfə idi ki, müdafiə xətti yarılırdı və bu bizim qələbəmizlə nəticələndi. Ermənistanın yaratmış olduğu psixoloji mifi Azərbaycan ordusu darmadağın etdi. Bu isə, heç şübhəsiz, Ermənistan daxilindəki siyasi proseslərə və eləcə də sosial narazılıqların artmasına öz təsirini göstərəcək. Bu əməliyyatlar onu sübut etdi ki, Qarabağ münaqişəsi heç də "dondurulmuş" sayıla bilməz və hər an ciddi şəkildə alovlanaraq Cənubi Qafqazda müharibə ocağının yaranmasına səbəb ola bilər. Hər halda, 4 günlük müharibənin od-alovu fəaliyyətsiz Minsk Qrupunun öz "donunu əritməsi" üçün əslində bəs etməlidir. Qərbin münasibəti maraqlı oldu. Rusiya ilə müqayisə etsək görərik ki, Qərb daha sakit davrandı. Verilən açıqlamalarda da atəşkəsə çağırış tonu, məsələn, Rusiya rəsmilərinin isterik ajiotajından fərqlənirdi. Burda həmçinin diqqəti çəkən məqam Qərb mediası ilə bağlıdır. Ruslardan fərqli olaraq yayımlanan xəbərlərin əksəriyyətində Qarabağın Azərbaycan ərazisi olduğu və eləcə də toqquşmanın səbəbkarı kimi ermən tərəfinin olduğu vurğulanırdı. Beş aparıcı dünya informasiya agentliyindən biri - "Associated Press"in yayımladığı xəbər buna misal ola bilər".

Vidadi ORDAHALLI

DİGƏR XƏBƏRLƏR

Tarix: 16.08.2026 / 18:24

Hindistanın 80 ili: Transformasiya, tərəfdaşlıq və sivilizasiya özünəinamı yolu

Tarix: 16.08.2026 / 15:06

Ukraynanın üçüncü prezidenti Yuşşenko Bakıya gəldi…

Tarix: 15.08.2026 / 20:53

ABŞ Departamenti 907-ci düzəlişlə bağlı Konqresə bildiriş göndərdi...

Tarix: 15.08.2026 / 17:56

E3 ölkələri Ukrayna ilə bağlı mümkün Tramp-Putin razılaşmasına qarşı hərəkətə keçdi - Avropanın Moskva ilə əlaqə qurmaq cəhdləri alınmır…

Tarix: 15.08.2026 / 13:54

Saakaşvili həmvətənlərinə çağırış etdi - “Payıza qədər… dayanmaq vaxtı deyil!”

Tarix: 15.08.2026 / 08:15

FAZ müxbirinə Rusiyada cinayət işi açıldı - “Milli zəmində düşmənçilik çağırışı…”

Tarix: 15.08.2026 / 06:44

Lavrovdan Serbiya prezidentinə mesaj - “AB onu lağa qoyur…”

Tarix: 15.08.2026 / 06:33

Ardıcıl istefalar İYİ Partiya liderini özündən çıxardı - “siyasi şərəfsizlik bataqlığında boğulacaqsınız…”

Tarix: 15.08.2026 / 06:18

Lavrov ABŞ-dan cavab gözləyir - sərt ritorika da öz yerində…

Tarix: 15.08.2026 / 05:56

Tramp Hörmüz boğazını ABŞ ərazisi elan edəcək - müharibə bitdikdən sonra…

Tarix: 14.08.2026 / 22:54

Türkiyənin BƏƏ ilə S-400 danışıqları dalana dirəndi… ABŞ-dan qəti mesaj - S-400-dən qurtulmadan F-35 olmayacaq…

Tarix: 14.08.2026 / 21:26

Zəngəzur dəhlizinə görə İran Ermənistana hərbi zərbələr endirəcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 13.08.2026 / 21:44

Ərdoğan “Məkkə sazişi”nin arxasındakı sirri açdı - Ekspertlər şübhə ilə baxır...

Tarix: 13.08.2026 / 20:16

Avropa Birliyinin Naxçıvan dəmir yollarında marağının görünən və görünməyən tərəfləri...

Tarix: 13.08.2026 / 15:30

İrəvanda Azərbaycan təbii qazına qarşı ikitərəfli kampaniya başladı...

Azərbaycanda vətəndaş cəmiyyətinin inkişafında rəqəmsallaşma və innovasiyalar ön plana çıxır