Bu çox böyük ehtimalla, Edita Qozyanın şəxsi fantaziyasıdır
Paşinyanın saxta və qondarma bir iddia olduğunu etiraf ediyi "erməni soyqırımı"nı ermənilər hələ də həyasızcasına təbliğ etməkdə, adına saxta muzeylər təşkil etməkdə davam edirlər.
Muzeylərdə köhnə ayaqqabı, guya "soyqırıma məruz qalmış" erməninin şəxsiyyətini təsdiq edən sənəd, cırıq qadın paltarı, köhnə məişət əşyaları və s. nümayiş etdirilir ki, bu əşyaları istənilən yerdən tapmaq olar. Məsələn, muzeydə guya soyqırıma məruz qalmış erməni qadına məxsus olduğu iddia edilən ayaqqabının materialı dəri əvəzləyicisi olan dermantindən və padoşdan ibarətdır. Hansı ki, dünyada bu materiallardan ayaqqabı istehsalında 1970-80-ci illərdə istifədə etməyə başlayıblar. 1914-cü ildə ermənilər bu ayaqqabını hardan alıbmış? Əlbəttə, bu saxtakarlıqdır.
Erməni mediasınin məlumatına görə, "Erməni Soyqırımı Muzey-İnstitutu"nun direktoru Edita Qozyan iddia edib ki, "Erməni Soyqırımı Muzeyi"ni hər il 100.000-ə qədər turist ziyarət edir.
Edita Qozyan bildirib ki, ziyarətçilər arasında türklər də var. Onların sayı hər il bir neçə yüzə çatır. Ötən il muzeyi 300 türk turist ziyarət edib.
Bu nə dərəcədə doğru iddiadır ki, Paşinyanın etiraf etdiyi kimi, İosif Stalinin siyasi məqsədlər üçun uydurduğu qondarma soyqrım muzeyini 300 turk ziyarət edib?
Bu məsələnin mahiyyətinə aydınlıq gətirmak üçün kiçik bir xatırlatma etmək kifayətdir.
Birincisi, 2023-cü ildə Ermənistan parlamentində çıxışı zananı Nikol Paşinyan soyqırım qurbanlarının adli siyahısını tələb etmişdi. Çünki baş nazir şübhə edirdi ki, 1914-cü ildə Türkiyədə heç bir milyon erməni yaşamayıbsa, bu qədər erməninin soyqırıma məruz qalması dogru ola bilməz. İkincisi isə, bu ilin yanvar ayının sonunda Ermənistanın baş naziri Nikol Paşinyan ermənilərin Osmanlı İmperiyasındakı "soyqırımı" məsələsinin yenidən araşdırılmasının zəruriliyi barədə Sürixdə növbəti dəfə bəyanat verdi.
"Biz erməni "soyqırımı"nın tarixinə qayıtmalıyıq. Nəyin baş verdiyini və niyə baş verdiyini anlamalıyıq. Biz bunu necə, kimin köməyi ilə dərk etdik? 1939-cu ildə "soyqırımı" gündəliyi yox idi, amma artıq 1950-ci ildə o, gündəliyə daxil oldu", - Paşinyan bildirib.
Daha əvvəl o qeyd etmişdi ki, bu məsələ sovet dövründə süni şəkildə kəskinləşdirilib, çünki Türkiyə NATO-ya üzv olub.
Üstəgəl, Stalin Turkiyənin Qars vilayətinin SSRİ-yə birləşdirilməsini istəyirdi. Türkiyə isə buna razı olmadı və bu iki dövlət arasında konfilikt dərinləşdi. Nəticədə isə təhlükəsizliyini təmin etmək üçün Türkiyə NATO-ya daxil oldu. SSRİ isə ona qarşi "erməni soyqırımı" iddiasını gündənə gətirdi. Bu gün isə bu məsələ emənilərin işinə yarayır.
2024-cü ildə isə xarici işlər naziri Ararat Mirzoyan bəyan edib ki, erməni "soyqırımı"nın beynəlxalq aləmdə tanınması məsələsi İrəvanın xarici siyasətinin prioriteti deyil.
Bu soyqırımın saxta və qondarma olduğu, guya 2014-cü iidə baş verdiyi iddia edildiyi halda, 36 il sonra, 1950-ci ildə gündəmə gətirildiyi Ermənistanın dövlət başçısı tərəfindən etiraf edilirsə, bu soyqırımı "özündə ehtiva edən muzeyin" fəaliyyətindən danışmaq absurd və gülüncdür. Turkiyə hökuməti illərdir təklif edir ki, tarixçilərdən ibarət komissiya yaradılsın və bu soyqırım məsələsi araşdırılsın. Türkiyə belə bir soyqırım törədibsə təzminat ödəsin, törətməyibsə ermənilər bu mövzunu qapatsın. Amma Ermənistan hər dəfə bundan yayınır.
Ola bilsin ki, Edita Qozyan "Erməni Soyqırımı Muzeyi"ni çox maraqlı təşkil edib, onun piarını qurub, eksponatlara baxışı əyləncəli sonluqla tamamlayib, ona görə də həmin muzeyə çoxly ziyarətçi cəlb edə bilib.
Yeri gəlmişkən qeyd edək ki, "Erməni Soyqırımı Muzeyi" İrəvanın ən görkəmli yerində, əyləncə mərkəzləri olan məkanda yer alır ki, bu da onu turistlər üçün cəlbedici edir. Məsələn, Bakıdakı İcəri Şəhərdə təşkil edilən istənilən muzeyə bütün turistlər girəcək. Ermənilər də "Erməni Soyqırımı Muzeyi" üçün belə cəlbedici yer seçiblər. Bu səbəbdən o muzeyin ziyarətçilərinin cox olmasi təbiidir.
O ki qaldı türklərin bu muzeyi ziyarət etməsinə, bu təsadüfən baş verə bilər. Digər tərəfdən, ermənilər bu statistikanı şişirdə də bilər. Bir də ki, hər hansı muzeyə gələn ziyarətçilərin milki kimliyinin soruşulmasinin şahidi olmusunuzmu? Şəxsən mən muzeylərdə belə bir sorğunun aoarılmasının şahidi olmamışam. Bu, çox böyük ehtimalla, Edita Qozyanın şəxsi fantaziyasıdır.
Akif NƏSİRLİ
