"Təəssüf ki, beşinci kalon həm dövlət idarəetmə sistemində, həm də parlamentimizdə hələ də geniş şəkildə təmsil olunur". Bu fikirlər Ermənistanın "armenianreport" portalında yer alıb.
Portal qeyd edir ki, Ermənistanda "beşinci kolon"un – Rusiyaya işləyən və onun maraqlarına xidmət edən daxili düşmənlərin mövcud olması barədə dəfələrlə deyilsə də durum dəyişməyib: "Bizim kiçik məmləkətimizin, demək olar ki, hər bir sakini açıq və ya bacarıqsız şəkildə müəyyən şüarlar arxasında gizlənənlərin, Rusiyaya işləyən və ya işləməkdə davam edənlərin adlarını bilir. Bunlar hamısı ikinci və üçüncü prezidentlər dövründən olan məmurlar, deputatlardır. Bunlar Köçəryan və Sarkisyanın özləridir. Və daha kiçik fiqurlar da var. Məsələn, elə Andranik Tevanyan. Rusiyayönlü "Ana Ermənistan" müxalifət blokunun lideri olan bu şəxs son vaxtlar bir çox soydaşlarımızın üzünü demokratik dünya ictimaiyyəti qarşısında qızardıb. Və bunun bir səbəbi var. Zarafat deyil – özünü "Ana Ermənistan" müxalifət blokunun lideri adlandıran Rusiyayönlü "beşinci kolon"un bu mənfur nümayəndəsi bir neçə əlaltısı ilə birlikdə Donetskdə Rusiyanın işğal etdiyi Ukrayna ərazilərinə səfər edib. Təsəvvür edin, "Sputnik-Armeniya", "RİA Novosti" və digərlərinin həyəcanla xəbər verdiyi kimi, "yerli parlamentarilərlə görüşən" bu əclaf "Donetsk Xalq Respublikası"na baş çəkib. "Bu, görünməmiş səfərdir, çünki əvvəllər Ermənistandan heç bir siyasi nümayəndə heyəti "Donetsk Xalq Respublikası"na səfər etməyib. Səfərimizlə Ermənistanda Ermənistan-Rusiya münasibətlərinin möhkəmləndirilməsini müdafiə edən qüvvələrin olduğu mesajını veririk", - deyə Tevanyan jurnalistlərə bildirib. "Birgə görüş zamanı Ermənistan nümayəndə heyətinin üzvləri və "Donetsk Xalq Respublikası" parlamentariləri əlaqələrin inkişafının vacibliyini vurğuladılar, həmçinin Ermənistanda Ukrayna kimi mənfi nəticələrin inkişafının qarşısının alınması ilə bağlı fikir mübadiləsi apardılar", - Rusiya KİV-i yazır. Tevanyanın hərəkətləri əsl pislikdir. Şəxsən bizim də yüz minlərlə soydaşımız kimi, sadəcə olaraq, başqa sözüm yoxdur. Bizi, erməniləri, Ermənistanımızı o rüsvay etdi, dünya ictimaiyyətinə yaraşmayan şəkildə təqdim etdi. Axı bütün demokratik dünya Rusiyanın təcavüzü ilə üz-üzə qalan Ukraynaya fəal şəkildə yardım etdiyi bir vaxtda Ermənistandan olan erməni soyadlı bir şəxs Rusiyanın işğalı altında olan Donetskə açıq səfər edir və hətta oradan hansısa mesaj göndərməyə cəsarət edir. Deyir ki, guya Ermənistanda "erməni-rus münasibətlərinin gücləndirilməsinin tərəfdarı olan qüvvələr var". Bu, ABŞ və Aİ-nin bizə demokratikləşmə üçün böyük maliyyə tranşları ayırdığı, Avropa ilə viza rejiminin liberallaşdırılması prosesinin getdiyi və ümumilikdə Ermənistanın Aİ-yə daxil olması məsələsinin gündəmə gətirildiyi bir vaxtda baş verir. Bunlar fonunda belə bir iyrənc zərbə...
Bununla belə, korrupsioner bir şəxsdən, Köçəryanın əlaltısından başqa nə gözləmək olardı? Axı o, 2021-ci ildə Köçəryanın "Hayastan" partiyalar blokunun siyahısı ilə Milli Məclisə daxil olub. Alma isə ağacdan uzağa düşmür - Köçəryan da, Sarkisyan da özlərinə uyğun deputatlar toplayıblar. Həmin deputatlar eyni manqurtlar, rusiyapərəstlər, ruslar başlarına sığal çəkdiyinə görə özlərini və Ermənistanı satmağa hazır olanlardır. Əmr etsələr, ana-bacılarını, arvadlarını rusların altına qoymağa hazırdırlar. Axı, yaşlarına baxmayaraq, onlar hələ də Moskvadan gələn əmrləri yerinə yetirməyə öyrəşmiş qısa şalvarlı oğlanlardır. Təəssüflər olsun ki, ölkəmizdə hələ də belə iyrənclər kifayət qədərdir. Paşinyan 6 ildən artıqdır ki, bütün dövlət qurumlarını onlardan təmizləyir, amma orada hələ görüləsi işlər çoxdur. Xoşbəxtlikdən, hökumət ordusunu "beşinci kolon"dan təmizləməyə nail oldu. Paşinyanın vaxtilə aydınlaşdırdığı kimi, orduda "beşinci kolon" dedikdə, o öz hərəkətlərində və ideyalarında öz dövlətinin siyasətindən daha çox, başqa ölkələrin yeritdiyi siyasətə üstünlük verən insanlar toplusunu nəzərdə tutur. Və burada mübahisə etmək çətindir - ordumuzda Köçəryana və Ohanyana şəxsən sadiq olan və Moskvanın əmri ilə işləməyə hazır olan kifayət qədər orta və yuxarı rütbəli zabitlər yox idimi? Onlar bütün bu illər ərzində çalışıblar.
Bəli, Paşinyan ordunu çox təəssüf ki, çox gec təmizlədi. Ancaq heç olmamaqdansa, gec olmaqdan yaxşıdır. Təəssüf ki, "beşinci kolon" həm dövlət idarəetmə sistemində, həm də parlamentimizdə hələ də geniş şəkildə təmsil olunur. "Hayastan" və "Şərəfim var" parlament blokunun üzvləri nə qədər dəyərlidir? Haranı qazsan, rus casusu çıxacaq. Tarixi geri qaytarmaq üçün onları Milli Məclisə sıxışdıran Köçəryan və Sarkisyan olub. Onlarla isə hələ də ölüm-dirim mübarizəsi ilə qarşılaşırıq. Əgər bizi məğlub etsələr, o zaman Ermənistan öz gələcəyini itirəcək, bizi yenidən Moskvanın boğucu qucağına sürükləyib Tevanyanın baş çəkdiyi əclaf qurumun simasına çevriləcəyik. Köçəryan, Sarkisyan, Ohanyan, Tevanyan və digər Moskvayönlü insanların Ermənistanda gələcəyi olmamalıdır - nə siyasi, nə də ki, fiziki olaraq. Yalnız daxildən rusiyapərəst təsirin aradan qaldırılması ilə biz kürəyimizdən bıçaq qorxusu olmadan demokratik millətlər ailəsinə qoşula biləcəyik".
Nahid SALAYEV
