Qasım Hacıyev: "Hansısa erməninin slavyan sivilizasiyanı yaratması iddiasına düşmək dəliliyin son həddidir"
Ermənilər indi də slavyan sivilizasiyasına iddia edirlər. Bundan əvvəl deyirdilər ki, guya Şumer sivilizasiyasını yaradıblar, indi də onları Qafqaza gətirib burda dövlət sahibi edən ruslara qarşı hədyanlar danışırlar.
Buna qədər Rusiyanın bir sıra vilayətlərinin, iri şəhərlərinin "erməni ərazisi" olduğunu bildirirdilər. Erməni tarixçilərindən biri belə iddia irəli sürüb ki, nəinki rus sivilizasiyasının, hətta slavyan sivilizasiyasının da yaradıcısı erməni olub. Guya həmin şəxs də IX əsrdə Konstantinopol (İstanbul) universitetinin rektoru olub (?). Guya Kiril və Mifodiy onun tələbəsi olublar və ondan öyrəndikləri əsasında sonradan kiril əlifbasını yaradıblar. Guya bu erməni "rektor"un adı da Lev Armenin olub…
"Bu həm cəfəngiyatdır, həm də gülməlidir"
AMEA-nın Qafqazşünaslıq İnstitutunun Qafqaz tarixi şöbəsinin müdiri, professor Qasım Hacıyev "Bakı-Xəbər"ə bildirdi ki, bu, dəliliyin son həddidir. "Görürsüz ki, bunlar indi nəyə əl atırlar, heç onlarla əlaqəsi olmayan bir məsələyə əl uzadırlar. Bu "tarixçinin" iddiasına qulaq asan hər bir adam onun nə qədər cəfəngiyat olduğunu görür. Onların özünün əlifbası olub ki, başqasına da əlifba yaratmaq öyrətsinlər? Bu həm cəfəngiyatdır, həm də gülməlidir. Heç bir əsası olmayan məsələdir.
Ermənilər vaxtilə özlərindən Mesrop Maştoç uydurdular, başqalarını yaratdılar, başqa "erməni müəlliflərini" ortaya atdılar. Guya biri əlifba, biri tarix yaradıb. Guya nə zamansa Maştoç ilk erməni əlifbasını yaradıb. Bunlar hamısı cəfəngiyatdır. Halbuki, XIX əsrdə ermənilər həbəş əlifbasını oğurlayıb "erməni əlifbası" kimi qələmə veriblər. Elə bil ki, korlar bazarıdır. Gülünc bir haldır. Mesrop Maştoç adında da əlifba yaradıcısı olmayıb. Nikita Emil özü etiraf edir ki, Mesrop Maştoç da, Mesrop Xorenli də, bunlar hamısı uydurma adlardır, belə dilçi, tarixçi olmayıb, bunları ermənilər yaradıb. Görün bunlar nə qədər saxtakarlıq ediblərsə, qədim dövrdən əl çəkib bilinən şeyləri saxtalaşdırırlar".
Slavyanların tarixinin məlum olduğunu deyən Q.Hacıyev qeyd etdi ki, ermənilərin indi də özlərini slavyanlara yamaq etməsi gülünc görsənir. "Slavyanlar hara, ermənilər hara? Ermənilərin XIX əsrə qədər slavyanlar yaşayan ərazilərdə izləri-tozları olmayıb. Qədim dövrdə Aral dənizinin sahillərində yaşayıb ordan ön Asiyaya gəliblər. Sonra da başqa yerlıərə gəliblər. XIX əsrdə də Çar Rusiyası onları gətirib Azərbaycan ərazisinə çıxarıb. Dünya tarixində ermənilərin adı ilə bağlı heç nə yoxdur. Ermənilərin heç dövləti də, əlifbası da, atributları da, ədəbiyyatı da, tarixi də, vətəni də yoxdur. Bundan başqa onlara nə deyim ki? Dünyada elə bir şey qalmayıb ki, ona saxtakarlıqla yanaşmasınlar. Odur ki, hansısa erməninin slavyan sivilizasiyasını yaratması iddiasına düşmək dəliliyin son həddidir"-deyə Q.Hacıyev əlavə etdi.
İradə SARIYEVA
