Zərdüşt Əlizadə: "Ermənistana əsas milli təhlükə erməni xalqinın milli şüurudur"
"Strateji qərarlar Təhlükəsizlik Şurasında qəbul edilir və sənədləşdirilir". "Armenpress" xəbər verir ki, bunu baş nazir Nikol Paşinyan Milli Assambleyanın ənənəvi hökumət saatında "Ermənistan" fraksiyasından olan deputat Seyran Ohanyanın Ermənistan Respublikasının prioritetlərinin hansı fundamental sənədlərdə təsbit edildiyi və hansı addımların atılması ilə bağlı sualını cavablandırarkən deyib.
O qeyd edib ki, Təhlükəsizlik Şurası, xüsusilə təhlükəsizlik sahəsində dövlətin strateji sənədlərini işləyib hazırlamaq və həyata keçirmək öhdəliyi götürüb.
"Hesab edirəm ki, 2021, 2022, 2023 və 2024-cü illərdə bu müzakirələrdə çox mühüm söhbətlər aparılıb. Hökumətin hesabatında isə siyasət düzəlişlərinin məzmunu və onların səbəbləri göstərilir. Bu zalda bu düzəlişləri müzakirə etmək imkanımız da oldu", - Paşinyan bildirib.
O qeyd edib ki, hökumət milli təhlükəsizlik strategiyasının hazırlanması üzərində intensiv və ictimailəşdirmədən, yəni məxfi şəkildə işləyir.
Bizimlə söhbətində məsələyə münasibət bildirən politoloq Zərdüşt Əlizadə bildirdi ki, istənilən ölkənin milli təhlükəsizliyi ictimailəşdirmədən, hansısa beyin mərkəzlərinin və dövlət qulluğunda çalışmış görkəmli alimlərin köməyi ilə hazirlanır: "Bu baximdan Paşinyan Ohanyanin sualına düzgün cavab verib ki, bu sizlik deyil. Amma diqqət yetirsək, Ermənistana əsas milli təhlükənin erməni xalqinın milli şüuru olduğunu görərik. Ermənistanin milli təhlükəsizliyinin əsas şərti onun qonşuları ilə normal münasibətlərinin olmasıdır. Ermənistan iki güclü qonşusu ilə - Azərbaycan və Türkiyə ilə düşmən münasibətdədir. Bu nədən irəli gəlir? Nə Azərbaycan, nə də Türkiyə Ermənistanın ərazisinə iddiali deyil, onu məhv etmək istəmir. Amma Ermənistan bir tərəfdən "qərbi Ermənistanı" təblig edir, digər tərəfdən isə Qarabağı özünə birləşdirmək istəyir.
Təhlükənin mənbəyi erməni xalqınin yanlış düşüncəsindədir. Bu düşüncəni də onlara Rusiya və Qərb imperiyaları aşılayıb. Onlara təlqin ediblər ki, türklər sənin düşmənindir. Əslində türklər onların düşməni deyil, dostu olub. Dörd yüz il ermənilər türk imperiyasinin daxilində yağ-bal içində və təhlükəsiz yasayiblar. Azərbaycanda da həmçinin, ermənilər təhlukəsiz və yağ-bal içində yaşayıblar. Amma imperiyalar onlara türkləri düşmən kimi təlqin ediblər ki, münaqişə yaratsınlar və bu münaqişə vasitəsilə də bölgəni idarə etsinlər. Buna da nail olublar. İndi artiq erməni cəmiyyətində bir çoxları bunu basa düsür, amma bu milli əsatirdən qurtulmaq üçün hələ onlar özlərində təpər, cəsarət tapa bilmir. İndi sadə ermənidən soruşsan Azərbaycan sizin üçün nədir, deyəcək ki, düşmən dovlətdir.
- Axi niyə düşmən dövlətdir?
- Bəs Qarabaği bizdən alıblar...
Qarabağ bəyəm sizin idi? Beynəlxalq hüquqa görə Qarabağ Azərbaycan torpağıdır, ermənilər ora sonradan köçürülub, hətta bu barədə bir abidə də var idi, ermənilər özləri qoymuşdu, sonra onu dağitmışdılar. Yəni ermənilər belə sadə həqiqətləri anlamalıdırlar ki, onların milli təhlükəsizliyi yanlışlıqdan yaxa qurtarsin və reallaşsın. Nə vaxtsa sağalsalar, şəfa tapsalar, məlum olacaq ki, Ermənistanin milli təhlükəsizliyinin birinci zamini Türkiyə Cumhuriyyətidir, ikinci zamini isə Azərbaycan Respublikasıdir. Bunu anlasalar, erməni xalqına heç bir təhlükə yoxdur".
Dəniz NƏSİRLİ
