18/09/2020 22:06
728 x 90

“Xalq qəzeti”nin əməkdaşının Türkiyədə çap olunmuş məqaləsinin sədası Amerikadan da gəldi...

img

“Xalq qəzeti”nin əməkdaşı, Əməkdar jurnalist Namiq Əhmədovun mətbuatımızın dövlətçilik və türkçülük ənənələri haqqında Azərbaycan  və Türkiyə mətbuatında dərc edilən silsilə yazıları bu yaxınlarda 145 yaşı tamam olmuş milli jurnalistikamızın xalqımızın məfkurə axtarışı və istiqlal mübarizəsində önəmli iştirakını əks etdirən elmi araşdırma kimi hər iki ölkədə diqqəti cəlb edib.

Müəllifin Türkiyənin nüfuzlu ali məktəblərindən olan Egey Universitetinin “Egey Sosial Elmlər Dərgisi”ndə həmin mövzuda dərc edilən məqaləsi isə Amerikada nəşr edilən “Beynəlxalq Avropa araşdırmaları jurnalı”ının redaksiya heyətində maraq doğurub.

Jurnaldan Namiq Əhmədova göndərilən məktubda deyilir: “Hörmətli Namiq Əhmədov. Jurnalımızın redaksiya heyəti adından Sizi səmimi qəlbdən salamlayırıq. Egey Universitetinin “Egey Sosial Elmlər Dərgisi”ndə dərc edilmiş “Azərbaycan mətbuatında Türkiyə və türkçülük mövzusu (Sovet hakimiyyətinin ilk illərində “Kommunist” qəzeti qaynaqlarına bir baxış)” - “Azerbaycan basınında Türkiye ve türkçülük konusu (Sovyet hâkimiyetinin ilk yıllarında “Kommünist” qazetesi kaynaklarına bir bakış)” sərlövhəli məqaləniz bizi çox maraqlandırdı. Zəngin tədqiqat təcrübəniz və mükəmməl akademik nailiyyətlərinizi nəzərə alaraq, sizi jurnalımıza məqalələr yazmağa və redaksiya heyətinin üzvü və ya rəyçi kimi kollektivimizə qoşulmağa dəvət edirik. Akademik bilgilərinizi və bu sahədə zəngin təcrübənizi nəzərə alaraq, İdarə Heyətimiz bu vəzifəyə uyğun bir namizəd ola biləcəyinizi düşünür. Ümid edirik ki, redaksiya heyəti üzvlərindən və ya rəyçilərdən biri kimi mövqeyiniz elmi tədqiqatların inkişafına kömək edəcək.Yaxşı xəbərlərinizi gözləyirik.

Dərin hörmətlə,  “Beynəlxalq Avropa araşdırmaları jurnalı”nın redaktoru”.

Xatırladaq ki, “Beynəlxalq Avropa araşdırmaları jurnalı” Amerikanın elmi ictimaiyyəti arasında populyar nəşr kimi tanınır. Bu məcmuə Avropa tədqiqatlarında cari araşdırmaların yer aldığı onlayn jurnaldır. Redaksiyası Nyu-Yorkda yerləşir. Daha ətraflı məlumat üçün aşağıdakı linkə baxa bilərsiniz: http://www.ijoes.org/submission/tl2Rz.

Tahir AYDINOĞLU,
“Xalq qəzeti”

Son xəbərlər