19/09/2020 22:08
728 x 90

Paşinyanın 38 mininə qarşı 380 min rüsvayçılığı – müstəqil mənbələr virusa yoluxanların 10 dəfə çox olduğunu deyir

Əli Orucov: “Ermənistan rəhbərliyi virusa yoluxanların real sayını ona görə gizlədir ki, sosial etirazlardan qorxur”

img

Məlumdur ki, Ermənistanda COVID-19 pandemiyasından ölənlərin sayı artıb. Ermənistanda son sutka ərzində daha 196 nəfər yeni növ koronavirusa (COVID-19) yoluxub. Ölkədə koronavirusa yoluxanların ümumi sayı 38 mini keçib. Ən son məlumata görə, virusa yoluxma nəticəsində ölənlərin sayı 768 nəfərə çatıb.

Ermənistanda koronavirusa yoluxanların sayı rəsmi olaraq 38 mini keçdiyi göstərilsə də, əslində, bu rəqəmin dəfələrlə böyük olduğu deyilir. “Qraparak” nəşrinin Ermənistan Səhiyyə Nazirliyində olan mənbəsinin məlumatına görə, əslində, bu rəqəm 10 dəfə böyükdür, bu isə Ermənistanda ən azı 380 min adamın koronavirusa yoluxması deməkdir. Qəzet bunu belə izah edib: “Çünki testlər xüsusən son aylarda səhv göstərir, bundan əlavə, hamını test etmirlər, ağır hal deyilsə və yüngül simptomlar varsa, əsasən test etmirlər”.

Hər zaman olduğu kimi, Paşinyan hakimiyyəti koronavirusla mübarizədə də aciz durumda qalıb. Ölkədə acınacaqlı vəziyyət, əhalinin sosial durumunun ağırlaşması, kasıblıq, sosial təminatın pisləşməsi və şəraitsizlik virusun yayılmasını sürətləndirib. Artıq koronavirus işğalçı ölkənin ordusuna da yol açıb.  Məlumata görə, Ermənistan ordusunda xidmətdə olan hərbi qulluqçuların yaxınları yaranan vəziyyətlə əlaqədar təşvişə düşüblər. Onların sözlərinə görə, rəsmi qurumlar virusa yoluxan hərbçilərin sayını da gizlədirlər.

Görünən odur ki, Ermənistanda koronavirusa yoluxanların həqiqi sayı dəfələrlə çoxdur, amma Paşinyan hakimiyyəti hər vasitə ilə bunu gizlətməyə çalışır.

  • “Dünya dövlətləri bəşəri bəlaya qarşı mübarizə yolları axtardığı bir vaxtda Paşinyan cəmiyyəti boş vədlərlə “yedizdirir”

Sözügedən məsələ ilə bağlı fikirlərini “Bakı-Xəbər”lə bölüşən AMİP funksioneri Əli Orucov Paşinyan hakimiyyətinin ölkədə virusa yoluxanların həqiqi sayını gizlətməsini bir sıra amillərlə əlaqələndirdi: “Ermənistan rəhbərliyi virusa yoluxanların real sayını ona görə gizlədir ki, sosial etirazlardan qorxur. O, ölkədə mövcud olan gərginlik fonunda bunun ciddi panikaya səbəb olacağının fərqindədir. Bu səbəbdən bütün vasitələrlə həqiqi rəqəmləri ictimaiyyətdən gizlədirlər. Məsələ ondadır ki, Ermənistanda sanitar-epidemioloji vəziyyət çox acınacaqlı durumdadır. Ancaq hakimiyyət bütün bunları nə qədər gizlətməyə çalışsa da, erməni mediası zaman-zaman bu faktları ictimailəşdirir. Fakt ondan ibarətdir ki, Paşinyan hakimiyyəti virusa qarşı mübarizəni təşkil edə bilmir. Bütün bunlar onu göstərir ki, pandemiya ilə mübarizədə ölkə əhalisinin acınacaqlı durumu Ermənistan rəhbərliyini zərrə qədər də olsun maraqlandırmır. İşğalçı ölkə üçün əsas olan, sadəcə, öz prinsipləri, məkr qoxan təxribatları, kimlərinsə diqtəsi ilə sifarişlər icra etməsidir. Dünya dövlətləri bəşəri bəlaya qarşı mübarizə yolları axtardığı bir vaxtda Paşinyan cəmiyyəti boş vədlərlə “yedizdirir”. Digər tərəfdən, Ermənistanın virusla mübarizədə resursları da çox məhduddur. Söhbət bununla bağlı lazım olan maliyyə, tibbi və digər resurslardan gedir. Çox güman ki, qarşıdan gələn payız mövsümündə pandemiya Ermənistanda daha da yayılacaq. Çünki proseslərin gedişi göstərir ki, Ermənistan hakimiyyəti koronavirusla bacara bilmir”.

Müşahidələr onu deməyə əsas verir ki, Ermənistanı gözləyən əsl fəlakət hələ qabaqdadır.

Vidadi ORDAHALLI

Son xəbərlər