20/09/2020 04:19
728 x 90

Yalan heç vaxt həqiqət ola bilməz - Əminə YUSİFQIZI yazır

img

Bu fikri mən deməmişəm Paşinyan. Ulularımız söyləyib bu fikri və həmişə də təsdiqini tapıb. Ona görə də dürlü-dürlü yalanların, cəfəng fikirlərin, boş xəyalların elə arzu olaraqda qalacaqdır.

Mən anayam. Və bir ana kimi də vətənimi, oğullarımı qorumalı, təkcə məhəbbətimlə, sevgimlə yox, silahımla, sözümlə onların yanında olmalıyam. Çünki qadınlar çiyin-çiyinə sıralananda onların arasından kimsə keçə bilməz. Ancaq nə gözəl ki, İlham Əliyev kimi Ali Baş Komandanımız, vətən uğrunda canından keçən oğullarımız var. Biz analara isə vətən savaşında mərdliklə vuruşanlara dua etmək qalır.

Azərbaycan torpaqlarını işğal edən Ermənistanala, mənfur düşmənlə bu gün də bütün cəbhə boyu mərd oğullarımız üz-üzə durub və qəhrəmancasına mübarizə aparırlar.

Ulularımızdan əmanət olaraq aldığımız, üzərində xoşbəxt yaşadığımız yurdumuzu, qoruya bilmək, yaşatmaq və gələcək nəsillərə ötürmək üçün onu müdafiə etməyə hər an hazır olmalıyıq və qoruyacağıq.

Mən, Prezident, Ali Baş Komandan İlham Əliyevin ordumuzun güclənməsi və möhkəmlənməsi üçün göstərdiyi diqqət və qayğını xüsusi qeyd etmək istəyirəm. Aparılan ardıcıl və məqsədyönlü siyasət nəticəsində Silahlı Qüvvələrimizin hərbi-texniki təchizat səviyyəsi, nizam-intizamı və döyüş ruhu kifayət qədər yüksəkdir. Ən mühüm məqamlardan biri də bundan ibarətdir ki, bu gün Azərbaycan cəmiyyətində Silahlı Qüvvələrimizə böyük inam var. Onlar hər bir vətəndaşın qürur mənbəyidir. Bu, olduqca vacib amildir. Çünki ordu cəmiyyətdə daxili özünə inamı, dövlətə etimadı gücləndirən əsas faktorlardan biridir.

Bu gün Silahlı Qüvvələrimizin dünya reytinqində 50-ci pillədə qərarlaşması biz anaları da çox sevindirir. Dağlıq Qarabağ münaqişəsinin həlli və ərazi bütövlüyümüzün bərpası Azərbaycan dövlətinin prioritet hədəfidir.

Mübariz İbrahimov kimi, Fərid Əhmədov kimi qəhrəman oğullarımızın yolunun davamçısı və torpaqlarımızı işğaldan azad edənlərin sırasında olmaq gənclərimizin ən böyük arzusudur. Müharibədə döyüş də var, şəhidlik də var. Ancaq Vətənə görə döyüşmək, torpaqlarımız üçün döyüşmək, ölümdən qorxmadan döyüşmək lazımdır. General-mayor Polad Həşimov, polkovnik İlqar Mirzəyev, Mübariz İbrahimov, Fərid Əhmədov kimi oğullarımız şəhidliyi özləri seçmişdi. Vətən üçün seçmişdi, xidmətdə olan əsgərlərə, çağırışçılara vəsiyyət kimi seçmişdi. Onların şəhidliyi əsgərlərə nümunədir.

Aprel döyüşləri ermənilərin məğlubedilməz ordu mifini sındırdı və bir daha göstərdi ki, Silahlı Qüvvələrimiz hərəkətə keçərsə, ermənilər darmadağın olacaqlar. Qısa bir zamanda, 4 gün ərzində 300-dən çox erməni əsgəri məhv edildi, 500-dən çoxu ağır yaralandı, 30 tank, 15-dən çox artilleriya qurğusu və mühəndis istehkam qurğuları məhv edildi.

Əsgərlərimiz, gizirlərimiz, zabitlərimiz və generallarımız vətən uğrunda, birliyimiz və bərabərliyimiz uğrunda, Azərbaycan dövlətinin əbədi yaşaması uğrunda, gələcək nəsillər uğrunda gözlərini belə qırpmadan şəhidlik mərtəbəsinə yüksəlirlər. Bunun ən son nümunəsini 12 iyulda Azərbaycan – Ermənistan sərhədinin Tovuz rayonu istiqamətində Ermənistanın atəşkəs müqaviləsini pozaraq hücuma keçməsi zamanı gördük.

Ermənistan bu təxribatın səbəbkarı kimi Azərbaycanı göstərməyə cəhd etsə də buna nail ola bilmədi. Çünki həqiqət göz qabağında idi. Və düşmən 100 nəfərə yaxın canlı qüvvəsini və texnikasını itirdi.

Ali Baş Komandan vətən uğrunda şəhid olan bütün hərbi qulluqçulara qayğı ilə yanaşır, onların qisası alınıb və alınacaq, qanları yerdə qalmayacaq,- deyir.

Bildiyiniz kimi, 14 iyulda Bakıda Silahlı Qüvvələrə və Ali Baş Komandana çoxminlik dəstək yürüşü həyata keçirildi. Xalq Ali Baş Komandanının, ordunun yanında olduğunu, onu dəstəklədiyini ən yüksək səviyyədə göstərdi. 55.130-dan çox vətəndaş Silahlı Qüvvələrin Ali Baş Komandanı İlham Əliyevin çağırışına səs verərək könüllü orduya yazılmışlar.

Sevindirici haldır ki, yenə də Türkiyə  Azərbaycana dəstək nümayiş etdirən ilk ölkə oldu. Türkiyənin Xarici İşlər Naziri Mövlud Çavuşoğlu dedi: “Ermənistan ağlını başına yığsın, Azərbaycan tək deyil. Biz Türkiyə Cümhuriyyəti və türk milləti olaraq bütün imkanlarımızla Azərbaycanın yanındayıq. Azərbaycanın ərazi bütövlüyünün qorunmasına əlimizdən gələn dəstəyi verəcəyik”.

Vətənimizi qanda boğmaq istəyən, qisas hissi ilə alışıb yanan Paşinyan, Paşinyanı ruhlandıranlar, alçaq ermənilər. Siz heç kimsiniz. Siz xalq deyilsiniz. Gündən-günə qüdrəti artan dövlətimizə qarşı bu hücumların mənası yoxdur. Yuri Nikulinin bu sözləri çox xoşuma gəlir. Deyir ki, hər zaman alçaq insanlardan qisas almayın, sadəcə xoşbəxt olun və onlar özləri gəbərəcəklər.

Biz xoşbəxtik, Paşinyan. Bunu gözəl görürsünüz. Ancaq can versəniz də, gəbərmirsiniz. Bunu bizim boynumuza qoyursunuz. Madam ki, belədir söz veririk, edərik. Bu xalqın intiqamından çəkinin. Bu xalq bütün varlığıyla Ali Baş Koımandanını, vətəninin hər qarışının sevir və onların uğrunda canlarını fəda etməyə hazırdırlar. Və sənə bir tövsiyəm var Paşinyan, anaların ahından qorx!

Əminə YUSİFQIZI,
YAP Yevlax rayon təşkilatı Qadınlar Şurasının sədri 

 

Son xəbərlər