«Biz yenə görüşəcəyik» - deyən xalq yazıçısının 85 illiyi...

Tarix: 15.07.2015 / 02:24
Bölmə: Mədəniyyət

Sabir Əhmədlinin vəfatından sonra ikinci kitabının təqdimatı keçirildi

Cəbrayıl deyəndə yada Şərq çinarları, Sovet İttifaqı Qəhrəmanı Cəmil Əhmədov, xalq yazıçısı Sabir Əhmədli düşür. Sizi bilmirəm, mənim ağlımdan ilk bu adlar keçir. Sabir Əhmədli XX-XXI əsr Azərbaycan nəsrinin bənzərsiz siması olmaqla yanaşı, şəxsi keyfiyyətinə, xarakterinə görə də fərqlənib həmişə.

S.Əhmədlinin vəfatından sonra ikinci kitabı -»Biz yenə görüşəcəyik» çap olunub. Bu il həm də görkəmli yazıçının 85 yaşı tamam olur. «Biz yenə görüşəcəyik» Sovet İttifaqı Qəhrəmanı Cəmil Əhmədovun 90, Sabir Əhmədlinin isə 85 illiyinə həsr edilib. Kitabda nəsil şəcərəsindən, doğma Cəbrayıldan, qəhrəman qardaşdan, qəlbinə dərin yara vuran oğul itkisindən, olub-keçənlərdən bəhs edib xalq yazıçısı.

Dünən Beynəlxalq Mətbuat Mərkəzində «Biz yenə görüşəcəyik» kitabının təqdimat mərasimi keçirildi. Tədbirin aparıcısı Fazil Güney kitab haqqında məlumat verərək bildirdi ki, S.Əhmədli bir yazıçı kimi, vətəndaş kimi hər zaman vicdanla xalqa, dövlətə, dövlətçiliyə xidmət edib. O həmçinin qeyd etdi ki, S.Əhmədlinin yazdıqları cahanşümul ədəbiyyata xidmət edib, onun toxunduğu mövzular bəşəri mövzular olub. O dedi ki, bu baxımdan, S.Əhmədlinin yaratdığı ədəbiyyat həm məzmununa, həm ideyasına, həm də yazı manerasına görə seçilir və uzunömürlü olacaq.

Həmkarı, dostu barədə danışan millət vəkili, xalq şairi Sabir Rüstəmxanlı isə qeyd etdi ki, tədbirdə S.Əhmədlinin həyat yoldaşı Şaban xanım, övladları, yaxın qohumları iştirak edir. O eyni zamanda bildirdi ki, S.Əhmədli kimi yazıçının yubileyi Azərbaycan Yazıçılar Birliyinin «Natəvan» klubunda qeyd edilməlidir. S.Rüstəmxanlının sözlərinə görə, S.Əhmədlinin 85 illik yubileyinin geniş səviyyədə keçirilməsi üçün əlaqədar qurumlara müraciət edəcək: «XX əsrin ikinci yarısında Azərbaycan nəsrinin çox gözəl nümunələrini yaradan azsaylı yazıçılar sırasında Sabir Əhmədli də var. Onun «Yaşıl teatr», «Yamacda nişanə», «Yasamal gölündə qayıqlar üzür» və başqa əsərləri ədəbiyyatımızın orijinal nümunələridir. Yəni onun mövzuları özünəməxsus olardı, yazı dəst-xətti də tamam fərqli idi. Sabir müəllim 17-18 roman yazan nadir müəllifdir. Onun haqqında saysız xatirələrim var, bəzilərini yazmışam, bəzilərini yazacağam, ona borcluyam. O, bir yazıçı kimi Azərbaycan nəsrinə nə gətirib? Bu barədə saatlarla danışmaq olar. Sovet dövründə yazdığı «Dünyanın arşını» romanı ilə böyük bir saxtakarlığı ifşa edirdi. Kağız üzərində plandoldurma məsələsini qabardırdı və buna görə də ona yuxarıdan hücumlar olurdu. Onunla necə tanış olmuşam? Sabir müəllimin «Aran» romanından sonra «Görünməz dalğa» romanı çap olunmuşdu və Bakı Dövlət Universitetində əsərin müzakirəsi gedirdi. Əsər haqqında danışırdılar, amma heç kəs mətləbə yaxınlaşmırdı. Mən də danışdım, əsərin mahiyyətini açdım çıxışımda. Sonradan mənim «Ədəbiyyat və İncəsənət» qəzetində işə düzəlməyimdə əməyi oldu, birgə işlədik, dostluq etdik. O, çox mərd, əyilməz, sözübütöv insan idi. O, «Ədəbiyyat və İncəsənət» qəzetində özü istədiyi kimi işləyirdi. Güzəştsiz adam idi, amma istedadı olana dayaq olurdu».

S.Rüstəmxanlı həmçinin qeyd etdi ki, S.Əhmədli ömrünün son çağlarında onunla görüşmək, söz demək istəyib: «Vəfatından əvvəl zəng etdi ki, «gəl, səninlə işim var, sənə söz deyəcəyəm». Amma günü-günə satıb «bu gün gedərəm, sabah gedərəm» dedim. Bir də xəbər gəldi ki... dedilər ki, vəfat edib. O mənə nə isə deyəcəkdi...».

Millət vəkili, yazıçı Aqil Abbas da Sabir Əhmədli ilə bağlı xatirələrini bölüşdü: «Sabir müəllim Binəqədi qəbiristanlığında dəfn ediləndə məzarı üstündə çıxış edib dedim ki, Sabir Əhmədli Binəqədi qəbiristanlığını şərəfləndirdi. O harada yatırsa, ora vətən torpağıdır, ora bir Fəxri Xiyabandır. O harada uyuyursa, ora ziyarət yeridir. Sabir Əhmədli bir nasir kimi Azərbaycan ədəbiyyatı tarixində qalacaq, bu bir həqiqətdir. Xarakterində olan ağırlıq, ciddilik əsərlərinin dilinə də sirayət edib. O, heç bir yazıçıya bənzəmirdi. Sabir Əhmədlinin «Yamacda nişanə» əsərinin dili o qədər gözəldir ki, sanki bir poema oxuyursan. «Yasamal gölündə qayıqlar üzür» əsərində, Sabir Rüstəmxanlı da daxil olmaqla, yazıçı və şairlər obrazlarını yaradıb, hamı orada var. Onu da qeyd edim ki, mənim ilk hekayəmi «Ədəbiyyat və İncəsənət» qəzetində Sabir Əhmədli çap edib. O dövrdə bu qəzetdə çap olunmaq böyük bir hadisə idi. O, Məmməd Arazla da bərk dost idi. Xatirələr çoxdur. Sabir müəllim yalnız mənim deyil, çox gənclərin yaradıcılıq həyatında böyük rol oynayıb. O həmişə canlı qalacaq, yamacda nişanə kimi yaşayacaq...».

Digər çıxış edənlər də S.Əhmədlinin yaradıcılığından, ədəbiyyatımızda tutduğu mövqedən, vətəndaşlığından danışdılar.

İradə SARIYEVA

DİGƏR XƏBƏRLƏR

Tarix: 14.08.2026 / 14:03

Əfsanədən gerçəkliyə uzanan 5 minillik tarix - Troya

Tarix: 13.08.2026 / 22:41

Macarıstanda Yupiterə həsr olunmuş qurbangah aşkarlandı

Tarix: 13.08.2026 / 18:49

Müharibə aparan ölkələrə "Avroviziya” qadağası - Təşkilatçılar qərar verdi...

Tarix: 13.08.2026 / 16:00

Məşhur rejissorların teatr premyeraları və əfsanəvi tamaşaları Bakı Beynəlxalq İncəsənət Festivalında nümayiş olunacaq

Tarix: 11.08.2026 / 12:34

Pianonun düymələrində saxlanmış bir Vətən: Züleyxa Abdullayevanın səsi insanlara bu cür çatır

Tarix: 10.08.2026 / 12:48

Yunus Oğuz – Tarixi romanın müasir nəfəsi

Tarix: 09.08.2026 / 11:50

50 illik yubileyidir, yoxsa bu da yeni zarafatıdır...

Tarix: 07.08.2026 / 12:34

Türkiyənin UNESCO-nun Dünya İrsinin İlkin Siyahısına daxil edilən unikal tarixi abidəsi - Kadıkalesi

Tarix: 06.08.2026 / 22:08

Azərbaycan Mədəniyyəti sosial platforması Yayfest-də uğurla çıxış edib...

Tarix: 05.08.2026 / 20:10

Rayon teatrlarında direktorlar və müavinlər seçilir, ya təyin edilir...

Tarix: 05.08.2026 / 14:15

Musiqi terapevti soydaşımızdan Türkiyədə unudulmaz sənət gecəsi...

Tarix: 04.08.2026 / 20:47

Xarici sərmayiçilər kinomuza 12 milyon dolları necə yatırıb?...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 13.08.2026 / 21:44

Ərdoğan “Məkkə sazişi”nin arxasındakı sirri açdı - Ekspertlər şübhə ilə baxır...

Tarix: 13.08.2026 / 20:16

Avropa Birliyinin Naxçıvan dəmir yollarında marağının görünən və görünməyən tərəfləri...

Tarix: 13.08.2026 / 15:30

İrəvanda Azərbaycan təbii qazına qarşı ikitərəfli kampaniya başladı...

Azərbaycanda vətəndaş cəmiyyətinin inkişafında rəqəmsallaşma və innovasiyalar ön plana çıxır