2017-ci ilin yanvar-mart aylarında Səbail rayonu üzrə sənaye müəssisələri tərəfindən 5947,4 milyon manatlıq (bu göstəriciyə Azərbaycan Beynəlxalq Əməliyyat Şirkətinin məlumatları da daxildir) məhsul istehsal edilib və xidmətlər göstərilib.
Sənayenin qeyri-dövlət sektorunun sənaye məhsulunun ümumi həcmində xüsusi çəkisi 99,8 faiz təşkil edib.
2017-ci ilin yanvar-mart aylarında istehlakçılara 5958,4 milyon manatlıq, o cümlədən sənaye müəssisələrinin öz istehsalı olan 5945,5 milyon manatlıq məhsul göndərilib və xidmətlər göstərilib.
2017-ci ilin aprel ayının 1-i vəziyyətinə sənaye müəssisələrinin anbarlarında 172,7 milyon mantlıq hazır məhsul yığılıb qalıb. 2017-cı ilin yanvar-mart aylarında nəqliyyat müəssisələri tərəfindən görülən iş və xidmətlərin həcmi 94.6 milyon manat olub ki, bu da keçən ilin müvafiq dövrünə nisbətən 25.8 faiz çoxdur. Görülmüş iş və xidmətlərin 93.4 faizi qeyri-dövlət müəssisələri tərəfindən yerinə yetirilib.
Nəqliyyat üzrə əldə olunan gəlirin 6.0 faizi quru yol nəqliyyatının, 87.1 faizi hava nəqliyyatının, 6.9 faizi köməkçi və əlavə nəqliyyat fəaliyyəti göstərən müəssisələrin payına düşür.
2017-ci ilin yanvar-mart aylarında rabitə müəssisələri tərəfindən görülmüş iş və xidmətlərin dəyəri 28.5 milyon manat olub ki, bu da keçən ilin müvafiq dövrü ilə müqayisədə (müqayisəli qiymətlərlə) 90.5 faiz təşkil edir.
Görülmüş iş və xidmətlərin 62.8 faizi dövlət, 37.2 faizi isə qeyri dövlət müəssisələri tərəfindən yerinə yetirilib.
2017-ci ilin yanvar-mart ayları ərzində bütün maliyyə mənbələri hesabına əsas kapitala yönəldilmiş investisiya 2071.4 milyon manat olub ki, bu da keçən ilin müvafiq dövrü ilə müqayisədə 2.4 faiz azalıb. İstifadəyə verilmiş investisiyanın 2057.1 milyon manatı və ya 99.3 faizi qeyri-dövlət mülkiyyətli müəssisələrin payına düşür.
Tikinti quraşdırma işlərinə yönəldilmiş investisiyanın həcmi 1465.7 milyon manat olub. Əvvəlki ilin müvafiq dövrü ilə müqayisədə tikinti quraşdırma işləri 4.4 faiz artıb.
2017-ci ilin yanvar-mart ayları ərzində rayon üzrə 213.1 milyon manatlıq əsas fondlar istifadəyə verilib.
Fəaliyyət göstərən tikinti müəssisələrinin yanvar-mart aylarında yerinə yetirdikləri podrat işlərinin həcmi 362.6 milyon manat olub ki, bu da əvvəlki ilin müvafiq dövrünə nisbətən 3.5 faiz artıb.
Qeyri-dövlət mülkiyyətində olan tikinti müəssisələrinin yerinə yetirdiyi işlərin həcmi 354.4 milyon manat (97.7 faiz), dövlət mülkiyyətində olan tikinti müəssisələrinin yerinə yetirdiyi işlərin həcmi isə 8.2 milyon manat (2.3 faiz) olub.
İlin əvvəlindən yerinə yetirilmiş işlərin 284.3 milyon manatını (78.4%) yeni tikinti, yenidənqurma, genişləndirmə, texniki vasitələrin yenidən təchiz edilməsi, 0.2 milyon manatını (0.1%) əsaslı təmir, 0.3 milyon manatını (0.1%) cari təmir, 77.8 milyon manatını (21.4%) sair işlər təşkil edib. 2017-ci ilin yanvar-mart ayları ərzində Səbail rayonu üzrə 77 yaşayış evi istifadəyə verilib ki, onların ümumi sahəsi 19273.1 kv.m, dəyəri isə 16253.8 min manat təşkil edir.
2017-ci ilin birinci rübündə pərakəndə ticarət dövriyyəsi 2016-ci ilin eyni dövrünə nisbətən müqayisəli qiymətlərlə 44.2 faiz artaraq 240.3 milyon manat olub. İstehlak məhsullarının 24.6 faizi hüquqi şəxs statuslu müəssisələrdə, 75.1 faizi hüquqi şəxs yaratmadan ticarət fəaliyyəti göstərən fərdi sahibkarların obyektlərində, 0.3 faizi isə məhsul bazarında realizə olunub.
2017-ci ilin yanvar-mart aylarında rayonun ticarət şəbəkəsindən satılmış ərzaq məhsulları, içkilər və tütün məmulatlarının dəyəri 55.3 milyon manata, qeyri-ərzaq məhsullarının dəyəri isə 185.0 milyon manata bərabər olub, ümumi dövriyyənin həcmində ərzaq və qeyri-ərzaq məhsullarının xüsusi çəkisi müvafiq olaraq 23.0 və 77.0 faiz təşkil edib.
2017-ci ilin birinci rübündə elektron pərakəndə ticarət şəbəkəsindən 2.2 milyon manat həcmində istehlak məhsulları realizə olunub. Satış hüquqi şəxs statuslu müəssisələr tərəfindən həyata keçirilib.
2017-ci ilin birinci rübü ərzində ictimai iaşə dövriyyəsi 2016-ci ilin eyni dövrü ilə müqayisədə 0.6 faiz azalaraq 46.5 milyon manat olub. Özəl sektor üzrə dövriyyənin 71.5 faizi hüquqi şəxs statuslu müəssisələrin, 28.5 faizi isə bu sahədə sahibkarlıq fəaliyyəti ilə məşğul olan fərdi sahibkarların payına düşüb.
2017-ci ilin yanvar-mart aylarında ödənişli xidmətlərin həcmi 2016-cı ilin eyni dövrünə nisbətən 38.3 faiz artaraq 82.2 milyon manat olub. Ümumi həcmin 80.0 faizi hüquqi şəxslərin müəssisələrində əldə edilib və bu müəssisələrdə əhaliyə 65.8 milyon manatlıq ödənişli xidmətlər göstərilib.
Əhaliyə göstərilmiş xidmətlərin 17.5 faizi dövlət müəssisələrinin payına düşüb. Özəl sektorun müəssisələri tərəfindən əhaliyə 67.9 milyon manatlıq ödənişli xidmətlər göstərilib.
2017-cı ilin aprel ayının 1-i vəziyyətinə Səbail rayonu ərazisində 484 nəfər işsizlik statusu alıb ki, bu da keçən ilə nisbətən 33.4 faiz azalıb.
İşsizlik statusu alan 484 nəfərdən 100 nəfərə müavinət təyin olunub. İşsizlik statusu alanlardan 196 nəfəri qadındır. 2015-ci ildən 2017-cı ilin aprel ayının 1-dək işsizlik statusu alanların dinamikası aşağıdakı kimidir:
2017-ci ilin yanvar-mart ayları üzrə Səbail rayonunda çalışan işçilərin sayı 115974 nəfər, orta aylıq əmək haqqının məbləği isə 1417.7 manat olub ki, bu da keçən ilin müvafiq dövrü ilə müqayisədə 7.5 % çoxdur.
2017-ci ilin I rübündə Səbail rayonu ərazisində 1128 yeni iş yeri açılıb. Bunlardan hamısı daimi iş yerləridir. Açılmış daimi iş yerlərindən 30-u yeni müəssisə, 638-i mövcud müəssisə və təşkilatda, 460-ı fərdi sahibkarlıqla məşğul olan fiziki şəxslərdə açılıb.
2017-ci ilin aprel ayının əvvəlinə Səbail rayonu üzrə daimi əhalinin sayı 101.1 min nəfər (bundan əlavə rayonda 9264 nəfər məcburi köçkün məskunlaşıb) olub.
Səbail rayonunda 2017-ci ilin yanvar-mart aylarında 251 doğum və 101 ölüm qeydə alınıb.
2016-cı ilin müvafiq dövrü ilə müqayisədə əhalinin hər min nəfərinə doğulanların sayı 5.9-dan 10.1-ə, təbii artım 2.3-dən 6.0-ya, ölənlərin sayı isə 3.6-dan 4.1-ə qalxıb.
Səbail rayonunda 2017-ci ilin yanvar-mart aylarında 118 nikah və 47 boşanma halları qeydə alınıb ki, keçən ilin müvafiq dövrü ilə müqayisədə əhalinin hər min nəfərinə boşananların sayı 1.8-dən 1.9-a qalxıb, nikahların sayı isə 9.6-dan 4.7-ə enib.
Ş.Seyidov, Səbail Rayon Statistika Şöbəsinin rəisi
