Aprelin 10-dan mayın 10-dək Bakı şəhərində keçiriləcək ilk Bakı Şoppinq Festivalı alış-veriş həvəskarlarının sevdiyi mağazaları özündə birləşdirir. Alıcıların həvəslə alış-veriş etdiyi tanınmış brend mağazalarında qeydə alınan böyük endirimlər şoppinq həvəskarlarının lap ürəyincədir.
Bakı Şoppinq Festivalının alıcılara təqdim etdiyi endirimlər bu yaz günlərini daha da qızmar edəcək.
Məlumat üçün bildirək ki, Bakı Şoppinq Festivalı ildə iki dəfə olmaqla, hər il keçiriləcək.
Bakı şəhərində keçirilən ilk Şoppinq Festivalında "Albatros", "Alexander McQueen", "Bally", "Balenciaga", "Burberry", "Burberry kids", "Chloe", "Corneliani", "Dsquared", "Dolce & Gabbana", "Dolce & Gabbana Junior", "Diesel", "Diane Von Furstenberg", "Emilio Pucci", "Emporium man", "Emporium Young", "Emporio-Armani", "Emporio Armani", "Ermenegildo Zegna", "Escada", "Etro", "Fendi", "Giorgio Armani", "Givenchy", "Guess Guess by Marciano", "Gucci", "Gucci Kids", "Hugo Boss", ISAIA, "Jimmy Choo", "Kiton", "Lanvin", "Pal Zileri", "Ralph Lauren", "Roberto Cavalli", "Marina Rinaldi", "Marni", "Max&Co", "Max&Co 2", "Weekend Max Mara", "Salvatore Ferragamo", "Stella McCartney", "St. John, Scoop", "Tory Burch", BISQUE, "Valentino", "Red Valentino", TODS, "Celio", "Mango", "Next", "Soliton", "Ideal", MAC, "VIP Avia", "Carlo", "Pazolini", "La Perla", "Knock Knock Interiors" və CHELEBI mağazaları iştirak edir.
Qeyd edək ki, festivala qoşulan mağazaların sayı hər gün artmaqdadır.
Festivala yerli və xarici vətəndaşlarla yanaşı, tanınmış şəxslər də maraq göstərir. Onların arasında tanınmış müğənnilər, siyasətçilər, ümumiyyətlə, hər sahədən olan insanlar var.
Bakıda olan Rusiyanın "Skolkovo" texnoparkının baş direktoru Renat Batırov da bu günlərdə paytaxtımızda təşkil olunmuş Şoppinq Festivalına qatılmaq fikrindədir. O, festivalın rəsmi BAKUSHOPFEST.COM saytına müsahibəsində bildirib ki, bu cür festivalın keçirilməsi onun sevimli şəhəri olan Bakı üçün çox doğru ideyadır. Şoppinq festivallarının turist axınına təkan verdiyini deyən R.Batırov Dubay və Andorrada keçirilən festivalları nümunə göstərərək bildirib: "Bir daha əmin ola bilərsiniz ki, belə reklama xərclənən hər bir dollar, ƏDV olaraq alıcılara qaytarılan hər bir vəsait sonra 100 dəfələrlə artıqlaması ilə ölkəyə qayıdır. Bu festivalın əsas vacib cəhəti odur ki, ölkə iqtisadiyyatında turizm gəlirlərinin həcmini kəskin şəkildə artırır. Çünki bütün xidmət sektoru inkişaf edir - hotellər, restoranlar və aviaşirkətlərin də gəlirləri artır".
Tez-tez Azərbaycanın qonağı olan Moldova İctimai Palatasının sədri, Bakı Beynəlxalq Multikulturalizm Mərkəzinin Moldova filialının rəhbəri Aurelia Qriqoriu Bakı Şoppinq Festivalında iştirak etmək niyyətindədir. O, festivalın rəsmi saytına müsahibəsində festivalın işinə uğurlar arzulayıb və bu tədbirin Azərbaycana investisiya cəlb edilməsi üçün yaxşı fürsət olduğunu bildirib. Bundan başqa, Aurelia Qriqoriu "Tax free" sisteminin ölkəyə turist, həmçinin, şoppinq-turlar təşkil edən şirkətləri cəlb etmək üçün imkan yaratdığını söyləyib. Onun sözlərinə görə, aprelin 23-26-sı tarixlərində Bakıda səfərdə olacaq və mütləq festivala qatılacaq.
Ticarət festivalında Azərbaycanın tanınmış mədəniyyat nümayəndələri də iştirak edir. Onlardan tanınmış bəstəkar Murad Arif, müğənni Günay İbrahimli, Sabir Əhmədov, Azad Şabanov, Emiliya Yaqubova, Nurlan Növrəsli və Nura Suri festivalda iştirak ediblər. Onlar Bakıda Şoppinq Festivalının keçirilməsinin ölkə üçün əhəmiyyətli olduğunu düşünürlər.
Festivala xarici vətəndaşlarla yanaşı, yerli sakinlər də maraq göstərir. Festivalın keçirildiyi ərazilərdə universitet tələbələri ilə yanaşı, orta yaşlı şəxsləri daha çox müşahidə etmək olar.
Günel CƏLİLOVA
