Bakıda bütün hündür binaların seysmik yoxlanmasına alman mütəxəssislər cəlb olundu

Tarix: 05.08.2016 / 01:33
Bölmə: İqtisadiyyat

Cahangir Qocayev: "Son zamanlar tikilən evlər..."

"Armatur təkrar emaldan hazırlanıbsa, sement keyfiyyətsizdirsə, onda monolitliyin də xeyri olmayacaq"

Bakıda çoxmərtəbəli binaların zəlzələyə davamlılığı yoxlanacaq. Bunu mətbuata açıqlamasında Respublika Seysmoloji Xidmət Mərkəzinin direktoru Qurban Yetirmişli keçirdiyi mətbuat konfransında deyib.

Onun sözlərinə görə, proses alman mütəxəssislərlə birgə aparılacaq: "Proses Almaniyanın geoloji təşkilatı ilə birgə aparılacaq və iki il ərzində davam edəcək. Bununla bağlı yekun danışıqlar sentyabrın 19-21-də Almaniyada olacaq və bundan sonra nə zamandan prosesə başlayacağımıza qərar verəcəyik".

Q.Yetirmişli deyib ki, Respublika Seysmoloji Xidmət Mərkəzi Bakıda tikilən bütün yeni çoxmərtəbəli binalaran, eləcə də digər sənaye əhəmiyyətli tikintilərə əvvəlcədən ərazinin seysmikliyi barədə rəy verir: "Bundan sonra Fövqəladə Hallar Nazirliyi tikintiyə ciddi nəzarət edir. Ümumiyyətlə, binalar 9 ballıq zəlzələyə hesablanaraq tikilir".

Bütövlükdə sözügedən yoxlamaların nə kimi nəticələri ola bilər?

Memarlıq və tikinti işləri üzrə ekspert Cahangir Qocayevin fikrincə, elə binalar var ki, onun konstruksiyası nəzəri cəhətdən zəlzələyə davamlıdır, amma inşa zamanı orada texnoloji proses pozulub, qaydalara düzgün əməl edilməyib: "Bu baxımdan həmin bina zəlzələyə davamlı olmaya bilər. Ona görə də binaların seysmik davamlılığını dəqiq müəyyən etmək üçün inventarizasiya aparılmalı, binalar pasportlaşdırılmalıdır. Son dövrlərdə tikilən binalar, evlər sovet dövründə inşa edilənlərə nisbətən daha möhkəm və dayanıqlıdır. Bakıda 2000-ci ildə baş verən zəlzələ bir çoxlarının fikirlərini puça çıxardı. Çünki çoxları elə bilirdi ki, sovet vaxtı tikilən binaların əksəriyyəti davamlı deyil. Amma onlar zəlzələyə tab gətirdi. Bununla belə, son dövrdə tikilən binalar, xüsusən də fərdi tikililər zəlzələyə daha davamlıdır. Çünki əvvəllər kifayət qədər tikinti materialı yox idi və ya keyfiyyətli deyildi. Ona görə də nisbətən köhnə binalar seysmik davamlılıq baxımından tələblərə cavab vermirdi. Elə bu səbəbdən də baş verən zəlzələlər ciddi fəsadlara yol açırdı. Məsələn, vaxtilə məshəti türklərinin Azərbaycana köçürülməsi zamanı salınan qəsəbələrdə evlərin çoxu tezbazar tikildiyindən, az sonra orada çatlar əmələ gəldi. Yəni inşaat zamanı texnoloji proseslər gözlənilməmişdi. Ancaq son zamanlar tikilən evlər daha çox etibarlıdır. Çünki onların inşası əsas etibarilə monolit tökmə üsulu ilə icra olunur. Fasiləsiz tökmə olanda isə bina lap möhkəm olur, davamlılıq birəbeş artır, bina bağlı bir qutuya çevrilir. Ancaq bu yalnız nəzəri cəhətdən belədir. Praktiki baxımdan isə onun keyfiyyəti yalnız mütəxəssis tərəfindən yerində yoxlayanda bəlli olur. Çünki armatur təkrar emaldan hazırlanıbsa, sement keyfiyyətsizdirsə, onda monolitliyin də xeyri olmayacaq. Ona görə də inventarlaşma aparılması zəruridir. Tikiliyə, onun dayanıqlığına, keyfiyyətinə yalnız inşaatçı qiymət verə bilər. Bina, ev yararsızdırsa, onlar sökülməli, həmin binanın sakinləri və ya ev sahibləri dövlət tərəfindən müvafiq qaydada mənzillə təmin edilməlidir. Yəni evlər, binalar qəzalıdırsa, o tikililər dövlət ehtiyacı üçün camaatdan alınmalı, insanlar təhlükəli yerlərdən köçürülməlidir".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...