Şou əhli Vergilər Nazirliyinin qanuni tələbinə hələ də şıltaqcasına müqavimət göstərir

Tarix: 04.08.2016 / 02:08
Bölmə: İqtisadiyyat

Artıq xeyli müddətdir müğənnilərin vergi ödəməməsi barədə geniş müzakirələr gedir. Dünyanın məşhur müğənniləri ödədiyi vergi ilə gündəmə gəlsə də, Azərbaycanda bu sahədə vəziyyət fərqlidir.

Belə ki, toy şənliklərindən kifayət qədər gəlir əldə edən müğənnilər sadəcə olaraq simvolik məbləğdə vergi ödəyir. Vergilər Nazirliyinin dəfələrlə etdiyi xəbərdarlığa baxmayaraq, bu problem hələ də qalır. Hətta elə müğənnilər var ki, onlar toy şənliklərində iştirak etməsinə baxmayaraq, dövlətə vergini ödəməkdən yayınır.

Toyda iştirak edib mahnı oxuyan müğənnilər vergidən yayınmasının səbəbi kimi həmin toyda pulsuz oxuduğunu göstərir. Bəzi müğənnilər iddia edir ki, guya onlar dost və ya toy sahibinə hədiyyə etmək məqsədilə həmin məclisdə pulsuz oxuyub. Müğənnilər onu da iddia edir ki, toyda pulsuz oxumasına baxmayaraq, onlardan filan məbləğdə vergi ödənilməsi tələb olunur.

Qeyd edək ki, müğənni toy sahibinə hədiyyə olaraq bir və ya iki mahnı oxuya bilər. O halda ki, müğənninin özü də qonaq kimi həmin məclisdə iştirak etsin. Ancaq ən azı toyda 1 saat oxuyan müğənnilərin məclisdə pulsuz iştirak etməsi real görsənmir.

Öz əmlak və gəlirləri ilə efirdə lovğalanan müğənnilər bu səviyyəyə toy hesabına gəldiyini dəfələrlə öz açıqlamalarında bildirib. Ən az gəliri olan şəxs

rahat şəkildə vergini ödəyirsə, maşınlarının sayı və markası ilə öyünən müğənnilər niyə vergi ödəməməlidir?

Məlumat üçün bildirək ki, iki ay öncə Vergilər Nazirliyi vergi borcu olan şou-biznes nümayəndələrinin siyahısını rəsmi saytında açıqlamışdı. "Qara siyahı"da xalq və əməkdar artistlərinin və tanınmış 50 müğənninin adı daəyer almışdı.

İqtisadçı-ekspert Samir Əliyev bizimlə söhbətində bildirdi ki, vergi çox vacib məsələlərdən biridir. Gəliri olan hər bir şəxs vergini ödəməlidir: "Müğənnilik gəlirli sahələrdən biri hesab olunur. Müğənnilərin yaşayış səviyyəsi orta statistik azərbaycanlı ailəsinin yaşayış səviyyəsindən kifayət qədər yüksəkdir".

S.Əliyevin sözlərinə görə, vergi tutma, vergidən yayınmanın qarşısının alınması çox mühüm məsələdir. Heç bir vergi ödəyicisi vergidən kənarda qalmamalıdır: "Digər bir məqam isə məsələyə ədalətli vergi ödəmə kontekstindən yanaşılmasıdır. Bu baxımdan müğənnilərin vergi ödəmə məsələsi çox vacibdir. Bu həm həmin vəsaitə nəzarət, həm də büdcəyə daxil olan vəsaitin artması baxımından xeyli vacibdir. Əgər bir vətəndaş orta aylıq əməkhaqqı olan 480 manatdan vergi ödəyirsə, nəyə görə bir toya 5-10 min manata gedən müğənni vergi ödəməsin? Ola bilsin ki, bəzi müğənnilər vergiləri ödəsin. Lakin mətbuatda gedən məlumatlar onu göstərir ki, müğənnilərin ödədiyi vergi məbləği simvolik bir rəqəmdir. Qeyd edim ki, hətta müğənnilərin arasında da ayrıseçkilik var. Elə müğənni var ki, onun qazancı elə də çox deyil. Lakin elələri də var ki, onların qazancı məlumdur və bir toya 5-10 min manata gedirlər. Bir günə 5-10 min qazanan adamın vergisini aylıq hesablasaq, kifayət qədər böyük bir rəqəm alınar. Bu qədər qazancı olan şəxslərin ödədiyi vergiyə baxsaq, ayda 100-200 manatı keçməz. Bu baxımdan şou-biznes nümayəndələrinin vergi ödəməsi çox vacib bir məsələdir. Bu həm də bir ədalət məsələsidir. Daha çox qazanan daha çox vergi ödəməlidir".

Həmsöhbətimiz xarici ölkələrdə fəaliyyət göstərən müğənnilərin qazanc yerinin tamam fərqli olduğunu dilə gətirdi: "Dünya praktikasında müğənnilər adətən konsertlərdən və albom satışından gəlir əldə edir. Bu disklər satıldıqda dövlət tərəfindən rəsmi olaraq vergi də tutulur. Yaxud da konsert biletlərinin satışından əldə olunan gəlirin vergisi ödənilir. Bizdə isə bu təcrübə hələlik formalaşmayıb. Müğənnilər daha çox toylardan pul qazanır. Bu adətən MDB ölkələrinə, xüsusən də Azərbaycana xas olan bir xüsusiyyətdir. Bunun həlli üçün ya standart bir ödəniş olmalıdır, yaxud da qazanılan gəlirə görə vergi tutulmalıdır. Birinci məqamda tutaq ki, aya 400-500 manat qazanmayan müğənni aya 100 min qazanan müğənni ilə eyni məbləğdə vergi ödəməli olur. Bu isə bir qədər ədalətli hesab olunmur. Əgər qazanca görə vergi ödəmə tətbiq olunsa, daha ədalətli olar. Belə olduqda, yuxarıda qeyd etdiyim kimi, daha çox qazanan daha çox ödəyir. Həmçinin qeyd etməliyəm ki, vergi ödəyicilərinin vergiyə olan münasibəti məsələsi də var. Əslində müğənnilər ödədiyi verginin miqdarı ilə fəxr etməlidir. Bizdə isə müğənnilər vergidən yayınma halları ilə fəxr edir. Hələlik bu qüsurlu yanaşma qalmaqdadır. Düşünürəm ki, bu sistemi qurmaq da çox çətin məsələdir. Belə bir sistemi qurmaq üçün gəlirlərin bəyannaməsi olmalıdır. Müğənni bəyan etməlidir ki, mən filan qədər qazanmışam və onun ətrafında vergi təyin olunmalıdır".

İqtisadçının fikrincə, müğənnilərin nə qədər qazanc əldə etməsi və bunun müqabilində nə qədər vergi ödənilməsinin məsuliyyəti şadlıq evlərinin üzərinə düşməlidir: "Vergi orqanlarının üzərinə böyük məsuliyyət düşür. Onlar şadlıq evlərində monitorinq keçirsələr, qazanc əldə edən müğənnilərin kim olduğunu bilər. Və yaxşı olar ki, vergidən yayınan müğənnilər sərt şəkildə cəzalandırılsın. Hansısa bir müğənni cəzalandırılarsa, bu, digərlərinə örnək olar".

Günel CƏLİLOVA

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...