Sosial mənzillərdə yaşamaq imkansız azərbaycanlıya neçəyə başa gələcək...

Tarix: 04.08.2016 / 02:21
Bölmə: İqtisadiyyat

Ramil Osmanlı: "Belə sosial evlərin aylıq ödəniş haqqı 100-150 manat civarında olacaq"

"Aztəminatlı ailələrə sosial mənzillər 20, 30, 40, 50 illik veriləcək və..."

Məlum olduğu kimi, Azərbaycan Prezidenti yanında Mənzil İnşaatı Dövlət Agentliyi (MİDA) ölkə vətəndaşlarının güzəştli şərtlərlə mənzilə sahib olmasını təmin etmək məqsədilə ilk layihəsinin icrasına başlayır.

Agentlikdən verilən məlumata görə, artıq ilk şəhərciyin salınacağı ərazi müəyyən edilib. Vətəndaşların mənzil-məişət şəraitinin yaxşılaşdırılması məqsədilə inşa olunacaq ilk mənzillər Bakı şəhəri, Yasamal rayonu, xarici dairəvi avtomobil yolunun kənarında yerləşən və sahəsi 11,6 hektar təşkil edən ərazidə tikiləcək. Nazirlər Kabinetinin qərarı ilə sözügedən ərazi Dövlət Agentliyinin tabeliyində olan və çoxmənzilli binaların tikintisinin sifarişçisi qismində çıxış edən MİDA MMC-nin sərəncamına verilib.

Maraq doğuran məqamlardan biri də sosial mənzillərdə aylıq ödənişin nə qədər olması ilə bağlıdır. Hələlik bu məsələ ilə bağlı konkret qərar qəbul olunmayıb. Bir müddət əvvəl Milli Məclisin komitə sədri Hadı Rəcəbli mətbuata açıqlamasında bildirmişdi ki, vətəndaşlar ayda cəmi 80-100 manat ödəməklə ev sahibi ola biləcək. Sosial evlər təkcə paytaxtda deyil, regionlarda da inşa ediləcək. Nə ilkin ödəniş olacaq, nə də ki, girov qoymaq. Aylıq kirayə pulu qədər vəsait ödəməklə mənzil sahibi olmaq mümkün olacaq.

Bütün bu deyilənlərin fonunda, sosial mənzillərin alınması zamanı aylıq ödəniş təxminən nə qədər olacaq?

Sözügedən məsələni dəyərləndirən əmlak məsələləri üzrə ekspert Ramil Osmanlının fikrincə, agentliyin yaradılması sırf sosial mənzil fondunun yaradılması zərurətini nəzərdə tutur: "Orada agentliyin vəsaitlərindən istifadə satınalma yolu ilə həyata keçiriləcək. Bu isə o deməkdir ki, vəsaitlər məhz dövlət hesabına təmin olunacaq. Yəni agentlik bu sahədə fəaliyyət göstərən ayrı-ayrı mənzil-tikinti kooperativləri (MTK) arasında satınalma müqavilələri üzrə tenderlər təşkil edəcək. Bu tikintinin də həyata keçirilməsi, təbii ki, satınalmalar haqqında Azərbaycan Respublikasının qanunvericiliyinə müvafiq olaraq aparılacaq. Hesab edirəm ki, belə bir agentliyin yaradılması məhz bu zərurətdən yaranıb. Agentlik sırf bu sahəyə ayrılacaq dövlət vəsaitlərinin satınalma yolu ilə idarə olunmasını həyata keçirəcək. Aztəminatlı ailələrə sosial mənzillər 20, 30, 40, 50 illik veriləcək və həmin dövr üzrə aylıq minimal ödənişlər ödəniləcək. İlkin olaraq proqnozumuza görə, belə sosial evlərin aylıq ödəniş haqqı 100-150 manat civarında olacaq. Burada artıq agentliyin hansı qiymət meyarını seçəcəyi o qədər də əhəmiyyətli deyil. Əsas olan aylıq ödənişlərin hansı səviyyədə olacağıdır. Belə sosial mənzillərin aylıq ödəniş haqqı 150 manatı aşmayacaq.

Hazırkı iqtisadi şəraitlə əlaqədar və əsas məqsədin aztəminatlı ailələrin mənzil probleminin həlli olduğunu nəzərə alsaq, aylıq ödənişlərin həddi 150 manatdan yuxarı olmamalıdır".

Vidadi ORDAHALLI

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...