Sosial mənzil tikintisi başladı, kimlər mənzil ala biləcək...

Tarix: 03.08.2016 / 02:34
Bölmə: İqtisadiyyat

Rəşad Əliyev: "Sosial evlərin verilməsi qaydaları hələ müəyyənləşməyib"

"Həmin evləri ancaq o şəxslər almalıdır ki, onların ümumiyyətlə mənzil almağa imkanı yoxdur"

Məlum olduğu kimi, Azərbaycan Prezidenti yanında Mənzil İnşaatı Dövlət Agentliyi ölkə vətəndaşlarının güzəştli şərtlərlə mənzilə sahib olmasını təmin etmək məqsədilə ilk layihəsinin icrasına başlayır.

Məlumata görə, artıq ilk şəhərciyin salınacağı ərazi müəyyən edilib. Vətəndaşların mənzil-məişət şəraitinin yaxşılaşdırılması məqsədilə Bakı şəhəri, Yasamal rayonu, xarici dairəvi avtomobil yolunun kənarında yerləşən və sahəsi 11,6 hektar təşkil edən ərazidə ilk mənzillər inşa olunacaq. Nazirlər Kabinetinin qərarı ilə sözügedən ərazi Agentliyin tabeliyində olan və çoxmənzilli binaların tikintisinin sifarişçisi qismində çıxış edən MİDA MMC-nin sərəncamına verilib.

Şəhərcikdə çoxmənzilli binalarla yanaşı, vətəndaşların zəruri sosial ehtiyaclarının ödənilməsini təmin etmək məqsədilə müvafiq sosial infrastrukturun (məktəb, uşaq bağçası və s.) yaradılması, habelə məişət və xidmət obyektlərinin istifadəyə verilməsi də nəzərdə tutulur. Seçilmiş ərazidə çoxmənzilli binaların tikintisinə başlanması üçün artıq şəhərsalma əsaslandırmasının hazırlanması başa çatmaq üzrədir. Tezliklə tikintinin işçi layihəsinin hazırlanmasına başlanacaq və layihələndirmə işləri bitdikdən sonra dərhal inşaata start veriləcək. İlkin hesablamalara görə, salınacaq şəhərcikdə 2 minə yaxın mənzil tikiləcək.

Maraq doğuran məqamlardan biri də sosial mənzillərin konkret olaraq hansı kateqoriyadan olan şəxslərə verilməsindən ibarətdir. Aztəminatlı deyəndə konkret kimlər nəzərdə tutulur? Müəllimlər, həkimlər bura aid edilirmi?

Bir müddət əvvəl mətbuata açıqlama verən Milli Məclisin deputatı Musa Quliyev demişdi ki, sosial evlər mənzil almaq imkanı və imtiyazları olmayan, gəlirləri orta və ortadan aşağı olan insanlar üçün nəzərdə tutulur. Onun sözlərinə görə, mənzilə ehtiyacı olanların bir qismi ipoteka kreditləşməsi vasitəsilə mənzilə tələbatını ödəməyə çalışır, şəhid ailələri, məcburi köçkünlər isə dövlət tərəfindən mənzillə təmin edilir: "Amma digər kateqoriyalı insanların mənzillə təminatında çox ciddi çətinliklər var. Sosial evlər məhz bu kateqoriyadan olan insanlar, yəni mənzil almaq imkanı və imtiyazları olmayan, gəlirləri orta və ortadan aşağı olan insanlar üçün nəzərdə tutulur".

Maraqlıdır, ekspertlərin bununla bağlı fikirləri necədir?

Sözügedən məsələni dəyərləndirən əmlak məsələləri üzrə ekspert Rəşad Əliyevin fikrincə, sosial evlərin verilməsi qaydaları hələ müəyyənləşməyib: "Bu qaydaların müəyyənləşməsi istiqamətində hələ ki, baza hazırlanır. Bazara təsirinə gəlincə isə, qeyd etmək lazımdır ki, sosial evləri hər kəs ala bilməyəcək. Həmin razılığa gəlinən qaydalardan müəyyənləşəcək ki, o mənzillər kimlərə veriləcək. Qaydalar məntiqlə elə hazırlanmalıdır ki, ehtiyacı olanlar bundan yararlana bilsin. Həmin evləri ancaq o şəxslər almalıdır ki, onların ümumiyyətlə mənzil almağa imkanı yoxdur. Həmin şəxslər mənzil ala bilmirsə, məntiqi nəticəyə gəlirik ki, bazardakı qiymətlərə təsir etməyəcək. Amma yenə də bu, işin şəffaflığından, evlərin verilməsi prosesinə nəzarətdən asılı olacaq. Ən əsas məsələ isə evlərin hansı həcmdə və hansı proseslərdə verilməsidir. Çünki həmin mənzillərin sayı bilinmədən nəsə demək olmaz. Ümumilikdə hesab edirəm ki, bunun bazara heç bir təsiri olmayacaq. Bundan əlavə, bu məsələdə müəyyən psixoloji amillər də var. Sosial evlərin qiymətləri sərfəli olsa, insanlarda fikir yaranacaq ki, ucuz ev tapmaq mümkündürsə, bundan niyə yararlanmayım. Fikrimcə, xoşagəlməz halların aradan qaldırılması üçün kifayət qədər inzibati tədbirlərə ehtiyac var".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...