Azərbaycan Dünya Turizm Təşkilatının barometrində...

Tarix: 03.08.2016 / 01:34
Bölmə: İqtisadiyyat

Dünyada müşahidə olunan qlobal iqtisadi böhran şəraitində əksər dövlətlərin xüsusi diqqət mərkəzində saxladığı sahələrdən biri də turizmdir. Çünki böhrana baxmayaraq, bu sahə inkiaşf edir və ölkələrə daha çox gəlir gətirir. Belə bir vaxtda Dünya Turizm Təşkilatının (DTT) "Beynəlxalq turizm barometri" nəşrinin son nömrəsində may-avqust aylarında şimal yarımkürəsində beynəlxalq turistlərin sayının 500 milyona çatacağı bildirilib.

Qeyd olunur ki, 2016-cı ildə beynəlxalq turizm, ümumiyyətlə, 3,5-4,5 faiz artacaq ki, bu da DTT-nin turizmin inkişafına dair 2010-2020-ci illər üzrə proqnozlarını doğruldur. "Beynəlxalq turizm barometri" nəşrində qeyd edilib ki, 2016-cı il beynəlxalq turizmdə yaxşı göstəricilərlə başlayaraq 5 faiz artıb. Yanvar-aprel aylarında beynəlxalq turizmin imkanlarından 348 milyon insan yararlanıb, bu isə ötən ilin müvafiq dövrü ilə müqayisədə 18 milyon çoxdur.

Hazırda turizmin sürətlə inkişaf etdiyi ölkələrdən biri qismində isə Azərbaycanın adı çəkilir. Xüsusən də son bir ildə bu sahədə daha dinamik inkişaf qeydə alınır. Elə bu il də Azərbaycana gələn turistlərin sayı ötən illərlə müqayisədə xeyli artıb. Bakının mərkəzi küçələrində ərəb, iranlı turistə, eləcə də digər millətlərin nümayəndələrinə rast gəlmək olar. Ərəblərin sayı digərləri ilə müqayisədə çoxluq təşkil edir. Rus turistlərin də Azərbaycaan gəlişində əhəmiyyətli artım müşahidə olunur. Araşdırmalar göstərir ki, Rusiya turistləri istirahətə daha az vəsait xərclənəcək ölkələri seçirlər. Bunu turizm üzrə araşdırmalar aparan "Skyscanner"in tədqiqatı da təsdiq edir. Tədqiqatın nəticələrinə əsasən, Rusiyadan ailəvi səyahətçilərin ən böyük artımı, 2015-ci illə müqayisədə, Gürcüstanda qeydə alınıb. Siyahıda ikinci yerdə 31%-lik artımla Azərbaycan gəlir. Qeyd olunur ki, ötən illərlə müqayisədə Azərbaycana üz tutan rus turistlərin sayı artıb. Bildirilir ki, Rusiya turistlərini aşağı qiymətləri, qastronomik bolluğu, gözəl təbiəti, dil baryerinin olmaması ilə Qafqaz ölkələri daha çox cəlb edir.

Son illər ərzində ölkəmiz üçün prioritet turizm bazarı olan İran üzrə təbliğat işinin səmərəli təşkili, elektron vizanın tətbiqi, eləcə də devalvasiyadan sonra xarici valyuta ekvivalentində qiymətlərin ucuzlaşması, həmçinin, İranla Azərbaycan arasında olan ortaq tarixi mədəni dəyərlər və coğrafi baxımdan qonşu ölkələr olmağımız bu ölkədən olan turistlərin Azərbaycana səfərini stimullaşdırır. Cari ilin ilk beş ayı ərzində İrandan Azərbaycana 74 min 890 nəfər səfər edib. Bu da ötən ilin analoji dövrü ilə müqayisədə 23% artım deməkdir. İlin sonunadək rəqəmlərin daha da artması gözlənir. Ərəb ölkələrindən gələn turistlərin sayı da sürətlə çoxalır. Bu isə nəticədə ölkə iqtisadiyyatına da ciddi təsir edir. Beynəlxalq Turizm Agentliyinin araşdırmalarına görə, bir turist bir həftə ərzində 500-1000 dollar arasında vəsait xərcləyir. İqtisadçı Natiq Cəfərli bildirir ki, rəqəm müxtəlif ölkələrdəki qiymət fərqinə, yaşam səviyyəsinə görə dəyişir: "Avropa ölkələrində xərclər 1000 dollara daha yaxındır. Azərbaycan tipli ölkələrdə isə təxminən 500 dollar civarındadır. Təbii ki, bu vəsait büdcəyə getmir. Bu birbaşa sahibkarların, ayrı-ayrı xidmət sahələri ilə məşğul olan şəxslərin qazancına müsbət təsir edir. Turistlərdən qazananlar sırasına kafe, restoran işlədənlər, otel sahibləri, taksi xidməti ilə məşğul olan sürücülər daxildir. Eləcə də turistlərin gəlməsi, xüsusilə orta və xırda sahibkarlara dəstək olacaq. Çünki kiçik çayxana və yeməkxanalarda çay içən, nahar edən turistlərin verdiyi hesab birbaşa onların cibinə təsir göstərir".

Daha bir maraqlı məqam odur ki, istirahətini ölkə daxilində keçirmək istəyənlərin də sayı artır. Araşdırmalar da göstərir ki, Azərbaycanda ölkə daxilində qrup halında səyahət etmək istəyənlərin sayı artıb.

Dövlət Statistika Komitəsinin məlumatlarına görə, Azərbaycanda turoperator və səyahət agentlikləri tərəfindən təkcə ötən il qrup halında səfərlər üçün 3 739 turizm yollayışı satılıb. Bu rəqəm ötən illərə nisbətən çoxdur. Ölkədən kənara səyahət etmək üçün isə Azərbaycan vətəndaşlarına satılan turizm yollayışlarının sayı azalıb.

Tahir TAĞIYEV

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...