Yarımçıq binalar probleminin həlli üçün əlverişli zaman yetişir

Tarix: 06.03.2014 / 15:17
Bölmə: İqtisadiyyat

Məlum olduğu kimi, paytaxtda həyata keçirilən son söküntü işləri mənzil bazarında həm böyük bahalaşmaya, həm də həddən artıq tələbin yaranmasına səbəb olub. Hazırda mənzil bazarında ekonom-klass evlərin qıtlığı hiss olunur. Söhəbt qiyməti 70-80 min dollaradək olan evlərdən gedir. "Əmlak Bazarı İştirakçıları" İB-nin icraçı direktoru Ramil Osmanlı da kütləvi söküntü işlərinin əmlak bazarında qiymətlərə təsiri ilə bağlı açıqlama verərkən qeyd edib ki, budəfəki söküntü kifayət qədər böyük bir ərazini əhatə edəcək: "Artıq fevral ayı üçün 4-5%-lik qiymət artımı müşahidə olunub. Digər tərəfdən, əhaliyə kompensasiya ödənişləri başlandıqdan sonra bazarda mənzilə olan tələbat ciddi şəkildə artacaq və bu da, təbii ki, qiymətlərə öz təsirini göstərəcək. Söküntü və bazardakı tələbin çoxalması nəticəsində mənzil bazarında qiymətlərin artması təbii prosesdir. Açığını desək, son bir ildə əmlak bazarında baş verən hadisələr göstərir ki, qiymət artımı ilə bağlı kifayət qədər qeyri-mütənasib vəziyyət yaranıb. Yəni tələb həm təbii, həm də ki, süni şəkildə artır, lakin təklifin ipoteka kreditləri hesabına azalması müşahidə edilir. Bir növ bazarlarda mənzil qıtlığı mövcuddur. Maklerlər ev tapmırlar satmağa. Bu isə təbii olaraq bazarda müəyyən qədər mürəkkəb bir vəziyyət formalaşdırıb". Hazırda evlərə böyük tələbin artması fonunda ekspertlər yarımçıq mənzil probleminin də öz həllini tapa biləcəyini istisna etmirlər. Yəni belə evlər tamamlanaraq satışa çıxarıla bilər. Xatırladaq ki, son bir neçə ildə daşınmaz əmlak sektorunda diqqət cəlb edən məqamlardan biri də tikintisi yarımçıq qalan binalarla bağlıdır. Bütün Azərbaycan üzrə belə binaların sayı kifayət qədərdir. Hökumət müəyyən vaxtlarda bu məsələnin həllinə əl qoymaq istəyib. Xatırladaq ki, bu məsələ hələ 5 il əvvəl gündəmə gəlmişdi. Onda Azərbaycan tərəfinin Amerikanın "Eksimbank" və OPİK şirkətindən iri məbləğdə kredit almaq barədə danışıqlar apardığı məlum olmuşdu. Həmin pullar hesabına həm ipoteka kreditləri, həm də yarımçıq tikililərin başa çatdırılması üçün sahibkarlara kredit ayrılacağı bildirilirdi. Ekspertlər bildirirdi ki, yeni kreditlərin verilməsi tikinti sektorunda canlanma yarada bilər. İlkin məlumatlara görə, yarımçıq binaların başa çatdırılması üçün kreditlər sahibkarlara uzun müddətə - 7-10 illiyə verilməli idi. Lakin həmin vaxtdan təxminən 5 il keçsə də, bu barədə heç bir xəbər yoxdur. Lakin indiki vəziyyət - mənzillərə artan tələb və qiymət bahalığı nəhayət belə yarımçıq bina probleminin çözümünə rəvac verə bilər. Digər tərəfdən o da bəllidir ki, yarımçıq binaların inşasının tamamlanması da mühüm şərtdir. Onu da bildirək ki, qonşu Rusiyada yarımçıq binalar məsələsini həll etmək üçün sahibkarların üzərinə bir sıra öhdəliklər qoyulması planlaşdırılır. Belə ki, Moskva meriyasına görə, yarımçıq binaların sahibləri həmin obyektləri üç il ərzində tamamlamasalar, məhkəmə hökmü olmadan belə, həmin binalar hərraca çıxarılacaq. Hələlik belə bir qanun Moskva dairəsinə şamil edilib. Ekspertlər belə bir addımın ölkəmizdə də atılmasını məqbul bilir. Qeyd edilir ki, Azərbaycanda da daşınmaz əmlak sahibi yarımçıq tikintini müəyyən edilmiş müddət ərzində başa çatdırmadığı təqdirdə tikilinin onun əlindən alınması kimi tədbirə əl atılması mümkündür Bununla yanaşı, ekspertlər vurğulayır ki, yarımçıq bina problemi əhalinin mənzilə olan ehtiyacının müəyyən qədər qarşılanması baxımından da mühüm əhəmiyyət kəsb edir. Yeri gəlmişkən, açıqlanan son demoqrafik məlumatlardan belə məlum olur ki, Azərbaycan əhalisinin sayında artım var. Əhalinin sayının artması isə, öz növbəsində, mənzillərə tələbatın artmasını şərtləndirir. Lakin maraqlı məqam ondan ibarətdir ki, əhalinin sayının artmasının əksinə olaraq istifadəyə verilən mənzillərin sayı və sahəsi ildən-ilə azalmaqdadır. Halbuki, mənzilə tələbatı olanların sayı ildən-ilə artır. Bu mənada yarımçıq bina probleminin həllinin sərtləşdirilməsi mənzil ehtiyacının qarşılanmasında vacib rol oynaya bilər. Xüsusən də nəzərə alınsa ki, elə indinin özündə mənzillərə böyük ehtiyac yaranır.

Tahir TAĞIYEV

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...