Tikinti şirkətləri yenə şişirdilmiş qiymətlərə keçdilər

Tarix: 05.03.2014 / 11:34
Bölmə: İqtisadiyyat

Bilindiyi kimi, son söküntü işləri ilə bağlı olaraq ölkədə, xüsusən də paytaxt Bakıda mənzillərin qiyməti sürətlə artır. Bahalaşmanın cari il ərzində bu gedişlə 20 faizdən də yüksək bir hədlə ifadə olunması gözlənir. Ekspertlər isə qeyd edir ki, əslində, bahalaşmanı tətikləyən əsas amillərdən biri də mənzillərin şişirdilmiş qiymətlərlə satılmasıdır. Bəzi tikinti şirkətləri indiki böyük tələbatı nəzərə alaraq yenidən şişirdilmiş qiymət siyasətindən istifadə edirlər. Real vəziyyət isə bunun üçün əlverişli zəmin yaradır. Belə ki, Bakıda söküntü işlərinin geniş vüsət alması əmlak bazarında mənzilə tələbatı daha da artırıb. Təbii ki, bu amildən istifadə edən bəzi işbazlar mənzil bazarında süni şəkildə qiymət artımları həyata keçirirlər. Ekspertlər hesab edir ki, əmlak bazarında mənzillərin hər kvadratmetrinə düşən qiymət bəzən satıcılar tərəfindən iki dəfəyədək şişirdilir. Elə daşınmaz əmlak bazarında aktivliyin hələ də arzuedilən səviyyəyə çatmamasında bu amil özü də vacib rol oynayır. Əksər ekspertlər bildirir ki, Bakıda mənzillərin mövcud qiyməti heç bir iqtisadi qanunauyğunluğa sığmır. Ona görə də mənzilin maya dəyərindən neçə dəfə baha satıldığı araşdırılmalıdır. Belə təkliflər də səslənir ki, mənzil bazarında ədalətli qiymət prinsiplərinə əməl etmək üçün dövlət siyasəti müəyyənləşməlidir. Mütəxəssislər deyir ki, dövlət tikinti sektoruna birbaşa yardımlar etmədiyindən, həmçinin şirkətlərin banklardan ucuz və uzunmüddətli kredit əldə etmək imkanları məhdud olduğundan, tikinti şirkətlərinin daha çox sayda mənzil inşa etməsi reallaşmır. Satışa çox mənzil çıxarılmaması isə qiymətlərin yüksək olmasını şərtləndirir. Hazırda tikinti şirkətlərinin əksəriyyəti likvid deyil. Buna görə də həmin şirkətlərin fəaliyyəti sektorda canlanmanın yaranmasına gətirib çıxarmır. Özü də belə şirkətlər məhz daha çox qazanc əldə etmək üçün mənzilləri şişirdilmiş qiymətlə satmağa üstünlük verir. Təbii ki, mənzil bazarında qiymətlərin qalxmasında maklerlərin fəaliyyəti də əsas rol oynayır. Demək olar ki, mənzil bazarında hegemonluq hələ də maklerlərin əlindədir. Onların bazara təklif etdiyi mənzillər keyfiyyətindən, texniki göstəricilərindən, smeta dəyərindən asılı olmayaraq daha baha qiymətə başa gəlir. Bu zaman əsas göstərici olaraq mənzillərin paytaxtın mərkəzində olması, ətrafında tibb və səhiyyə ocaqlarının yerləşməsi təqdim olunur. Əslində isə bəzən belə binalarda avtomobil dayanacağı, gəzinti meydançası, binanın giriş-çıxışı, təchizatı və sair göstəriciləri adi sosial tələblərə cavab vermir. Sadəcə, həmin binaların gələcək prespektivləri şişirdilir. Bu baxımdan təkrar mənzil bazarındakı bəzi evlərin qiyməti hələ də yeni tikili binalardakı mənzillərdən üstün olaraq qalır. Bundan başqa qiymətlərə təsir edən amillərdən biri də onun Dövlət Komissiyası tərəfindən qeydə alınması ilə bağlıdır. Məlumdur ki, hazırda paytaxtda kifayət qədər hazır bina var ki, hələ də istismara qəbul edilməyib. Qeydə alınan evlər isə daha baha qiymətə təklif olunur. Bundan başqa, bahalaşmaya dünya bazarlarında, xüsusən də qonşu ölkələrdə gedən qiymət artımı da təsir edir. Məsələn, ötən il Türkiyədə daşınmaz əmlakın, o cümlədən mənzillərin qiyməti orta hesabla 12,5% artıb. Bu göstəriciyə görə qardaş ölkə Avropada liderliyini saxlayır. Ekspertlər 2014-cü ildə də təxminən eyni bahalaşma tempinin qalacağını, qiymət artımının 10-15% civarında dəyişəcəyini proqnozlaşdırır. Ümumiyyətlə isə mənzil bazarında aparılmış araşdırmalar göstərir ki, Türkiyə yaşayış evlərinin bahalaşması dinamikasına görə dünyada 6-cı yeri tutur. Ondan əvvəlki yerlərdə isə 28,5%-lik qiymət artımı ilə Dubay əmirliyi, 21,6%-lik artımla Çin, 16,1%-lik artımla Honkonq, 15,4%-lik artımla Tayvan, 13,5%-lik artımla isə İndoneziya qərarlaşıb. Türkiyədən sonra 7-ci yeri isə 11,9%-lik bahalaşma tempi ilə Braziliya tutub. Konkret Türkiyəyə gəlincə, bu ölkədə mənzil bazarına investisiya qoymaq üçün ən münasib ərazi İstanbul şəhəri hesab olunur. Bütün bunlar regionun digər ölkələrinə, o cümlədən Azərbaycana da təsirsiz ötüşmür.

Tahir TAĞIYEV

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...