İcbari tibbi sığorta yenə də mühasirədə...

Tarix: 05.03.2014 / 11:33
Bölmə: İqtisadiyyat

Kifayət qədər önəmli sayılan icbari tibbi sığortanın cari il ərzində tətbiqi gözlənilsə də, bu istiqamətdə aparılan hazırlıq işləri məsələnin, ən yaxşı halda, gələn il ərzində reallaşa biləcəyini göstərir. Xatırladaq ki, bu günlərdə Nazirlər Kabinetində baş nazirin müavini Əli Əhmədovun sədrliyi ilə səhiyyənin maliyyələşdirilməsinin təkmilləşdirilməsi və icbari sığortanın tətbiq edilməsi məsələsinə dair geniş müşavirə keçirilib. Ə.Əhmədov ölkədə səhiyyə islahatlarının daha da inkişaf etdirilməsini nəzərdə tutan icbari tibbi sığortanın tətbiq edilməsi sahəsində işlərin sürətləndirilməsinin zəruri olduğunu vurğulayaraq, aidiyyəti qurumlara müvafiq tapşırıqlar verib. Müşavirədə müzakirə olunan məsələ ilə əlaqədar təkliflər nəzərə alınmaqla xüsusi işçi qrupun yaradılması qərara alınıb. Lakin məsələ burasındadır ki, sığorta şirkətləri hazırda bu məsələyə çox da böyük maraq göstərmir. Çünki fərdi və şirkət səviyyəsində bağlanan tibbi sığorta müqavilələri bu istiqamətdə sığorta şirkətlərinin xərclərinin xeyli artıdığını göstərir. Digər tərəfdən, bu sığortanın tətbiqi üçün qanunvericiliyin, o cümlədən normativ-hüquqi aktların uyğunlaşdırılması vacib sayılır. Belə ki, səhiyyə nazirinin 1 fevral 2008-ci il tarixli qərarına əsasən, dövlət xəstəxanalarında tibbi xidmət pulsuzdur. Lakin icbari tibbi sığortanın tətbiqi realaşarsa, onda bu məsələyə də yenidən baxılmalıdır. Yəni Səhiyyə Nazirliyinin qərarlarının Azərbaycanın bu sahədəki qanunvericiliyinə uyğunlaşdırılması olduqca vacibdir. Digər tərəfdən, sığorta ödənişlərinin işə götürənlə işçi arasında bölüşdürülməsi mexanizmlərinin aydın formalaşdırılması lazımdır. Sığortanın yalnız işçinin üzərinə düşməsi işçi üçün sosial çətinlik yarada bilər. Ekspertlər onu da qeyd edir ki, işə götürənin icbari tibbi sığortanın ödənilməsinə məsul edilməsi işçilərlə müqavilə bağlanması məsələsini xeyli yubandıracaq. İşə götürənlər işçilərlə müqavilə bağlamaqda maraqlı olmayacaq. Buna görə də, bir sıra Avropa ölkələrində olduğu kimi, icbari tibbi sığortanın işə götürən və işçi arasında bölüşdürülməsi məqsədəuyğun hesab olunur. Bütün bu qeyd olunan məsələlərin isə cari il ərzində çözülə biləcəyi inandırıcı sayılmır. Məhz bu səbəbdən icbari tibbi sığortanın, ən yaxşı halda, gələn il tətbiqi mümkün sayılır. İstənilən halda isə bu sahəni tənzimləyən qanunun qəbulu da vacib sayılır. Millət vəkili Musa Quliyev də deyir ki, hər bir inkişaf etmiş ölkədə icbari tibbi sığorta qəbul edilib və bu üsul ən optimal yoldur. Onun sözlərinə görə, icbari tibbi sığortanın qəbul olunması Azərbaycan səhiyyəsinin bütövlükdə inkişafına səbəb olacaq: "Əhalinin səhiyyə xərclərinin dövlət və işə götürənlər tərəfindən ödənilməsinə şərait yaradacaq. İcbari tibbi sığortanın qəbul olunması tibb müəssisələrinin inkişafına, həmin müəsisələrin maddi-texniki bazasının gücləndirilməsinə və ən əsası, tibb işçilərinin əmək haqlarının artırılmasına xidmət edəcək. İcbari tibbi sığortanın tətbiq olunması ilə bağlı səhiyyə xidmətlərinin keyfiyyəti yaxşılaşacaq. Müxtəlif səhiyyə ocaqları arasında sağlam rəqabət formalaşacaq. Hər bir səhiyyə xidməti çalışacaq ki, daha keyfiyyətli xidmət göstərsin. Bir sözlə, əhalinin tibbi xidmətlərinin keyfiyyəti yaxşılaşacaq". O da bəllidir ki, bu sığorta növünün tətbiqinin yalnız səhiyyə deyil, eyni zamanda digər sektorlara, o cümlədən əhalinin xərclərinin strukturuna da müsbət təsirləri var. İqtisadçı-ekspert Vüqar Bayramov da qeyd edir ki, icbari sığortanın tətbiq edilməsi səhiyyənin maliyyələşdirmə bazasını dəyişməklə bu sahədəki neqativ halların azaldılmasına səbəb olacaq. Eləcə də, sözügedən islahat vətəndaşların səhiyyə xərclərinin azalması səbəbindən pullarına qənaət etməsinə və o cümlədən, aztəminatlı və ya işsiz statusu olan insanların səhiyyə xidmətindən yararlanmasına imkan yaradacaq. Bir sözlə, icbari tibbi sığorta bütün vətəndaşların məcburi olaraq sığorta olunması deməkdir. Bu zaman işsiz statusu olan və ya ünvanlı sosial yardım alan ailələr üçün sığorta haqları dövlət tərəfindən ödənilir. Vətəndaş isə səhiyyə xidmətinə ehtiyacı olan zaman sığorta sənədini göstərməklə pulsuz olaraq müalicə oluna biləcək.

Tahir TAĞIYEV

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...