Elektronlaşdırma əmək kitabçalarını tarixin arxivinə göndərir

Tarix: 05.03.2014 / 11:30
Bölmə: İqtisadiyyat

Xəbər verildiyi kimi, əmək kitabçaları ləğv olunacaq. Əmək və əhalinin sosial müdafiəsi naziri Səlim Müslümov mətbuata açıqlamasında bildirib ki, hazırda əmək müqavilələrinin elektronlaşdırılması ilə əlaqədar qəbul edilən qanuna və Nazirlər Kabinetinin tapşırıqlarına uyğun olaraq nazirlik tərəfindən müvafiq tədbirlər həyata keçirilir. Nazirin sözlərinə görə, məsələ ilə bağlı bütün müvafiq proqram təminatları hazırdır. "Qaydaların layihələri hazırlanıb və hazırda bu digər mərkəzi icra hakimiyyəti orqanları ilə razılaşdırılır. Düşünürəm ki, yaxın günlərdə artıq əmək müqavilələrinin elektronlaşdırılmasına başlanacaq ki, bu da Azərbaycanda əmək kitabçalarının ləğv edilməsi deməkdir. Belə ki, əmək kitabçalarının yerinə elektron bildirişlər tətbiq ediləcək. Bundan sonra cəmiyyətdə hər bir işəgötürən yeni işçi ilə müqavilə bağlayan zaman onun haqqında istənilən məlumatı bu bazadan ala biləcək. Dünyada hər bir sivil ölkədə tətbiq olunan bu qaydalar Azərbaycanda da fəaliyyətə başlayacaq". İqtisadçı-ekspert Samir Əliyev bildirdi ki, sənədləşmə işləri elektronlaşdığından, əmək kitabçasının tətbiqi indiki dövrlə bir o qədər də uyğunlaşmır: "Bu baxımdan əmək kitabçalarının ləğvi inkişaf istiqamətində atılan addımdır. Fərdi uçota əsaslanan pensiya sistemində insanlara Dövlət Sosial Müdafiə Fondundan şəhadətnamələr verilir ki, bu şəhadətnamə unikal qeydiyyat nömrəsinə malikdir. Hər bir şəxsin öz unikal nömrəsi olacaq. Neçə yerdə işləməyindən asılı olmayaraq, həmin işlər üzrə maaşlar, gəlirlərdən Dövlət Sosial Müdafiə Fonduna ayırmalar olur. Bütün ayırmalar nəticədə bir nömrə altında cəmləşir". İqtisadçı hesab edir ki, pensiya sistemində müəyyən islahatların aparılmasına böyük ehtiyac var. Bu islahatlar da ondan ibarətdir ki, sovet dönəmində insanlar nə qədər çox çalışırdısa, yüksək məbləğdə də pensiya alırdılar. Bu gün dünyada pensiya sistemi elə qurulub ki, insanın nə qədər işləməyi yox, hökumətə nə qədər pul köçürməyi rol oynayır. Ola bilsin ki, kimsə qısa müddət ərzində işləyib və 25 faiz hökumətə pul köçürüb. Bu gün insanın sosial sığortaya köçürdüyü məbləğ sabah onun pensiya pulu ola bilər". S.Əliyevə görə, problem ondan ibarətdir ki, şəhadətnamələrin bir neçə ildir verilməsinə baxmayaraq, hələ də işləmir. "İndi bəziləri bir neçə yerdə işləyir. Amma həmin ödənişlər DSMF-də onların adına açılmış hesaba köçürülmür". Ekspert əlavə edib ki, şəhadətnamələrdə işçinin adı ilə yanaşı, qeydiyyat nömrəsi olacaq ki, bu nömrənin əsasında da həmin insan haqqında məlumat toplanacaq: "Burada həmin insanın aldığı maaş, nə vaxt işə daxil olması və işdən çıxması, ödənişlər haqqında məlumat öz əksini tapacaq. Fərdi uçota əsaslanan pensiya sistemində imtiyazlı pensiyalar da nəzərə alınacaq. Bu baxımdan da əmək kitabçaları mahiyyətini itirir. Artıq əmək kitabçalarının dövriyyədən çıxarılmasının vaxtıdır".

Günel CƏLİLOVA

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...