Nazirlik saxta endirim kampaniyalarına qarşı güzəştsiz kampaniya elan etdi

Tarix: 05.03.2014 / 11:25
Bölmə: İqtisadiyyat

Mağazalarda alıcıları cəlb etmək üçün aparılan endirim kampaniyalarından yəqin ki, hər bir kəs xəbərdardır. Lakin mağazaya daxil olduqda endirim kampaniyasının saxta olması ortaya çıxır. Qeyd edək ki, bir neçə gün öncə Bakıda qeyri-dəqiq reklamdan istifadə edilməklə istehlakçıların aldadılması halları müəyyənləşdirilib. İqtisadiyyat və Sənaye Nazirliyinin mətbuat xidmətindən mətbuata verilən məlumata görə, Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən fiziki şəxs Cəfərov Seymur Teymur oğluna məxsus, Bakı şəhəri, Nəsimi rayonu, Hüseynbala Əliyev, ev 2, mənzil 1 ünvanında fəaliyyət göstərən mağazada aparılan yoxlama zamanı qeyri-dəqiq reklamdan istifadə edilməklə istehlakçıların aldadılması halları müəyyənləşdirilib. Belə ki, mağazanın pəncərələrində "Endirim 30 faiz, 60 faiz" məzmunlu elanlar yerləşdirilsə də, mağazada satışda olan malların qiymətinə endirim tətbiq edilmədiyi, malların üzərində endirimin tətbiqi barədə heç bir məlumatın (qiymətin) əks olunmadığı müəyyən olunub. Bundan başqa, qeyd olunan reklamların aidiyyəti strukturlardan icazə alınmadan yayımlandığı da aşkar olunub. Bununla əlaqədar Dövlət Xidməti tərəfindən görülmüş tədbirlər nəticəsində qanunsuz reklamların yayımı dayandırılıb. Qanun pozuntusuna yol vermiş fiziki şəxs Seymur Cəfərov barəsində qanunvericiliyə uyğun olaraq müvafiq tədbirlər görülür. Azad İstehlakçılar Birliyinin sədri Eyyub Hüseynov "Bakı-Xəbər"ə açıqlamasında qeyd etdi ki, belə hallarda alıcılar İqtisadiyyat və Sənaye Nazirliyinə müraciət etməlidirlər: "Alıcılar da saxta endirim halları ilə mübarizə aparmalıdırlar. İnzibati Xətalar Məcəlləsinə edilmiş dəyişikliklərə görə, alıcıları malın qiyməti ilə bağlı aldatdıqda həmin şəxs və yaxud mağaza 3000 manatdan 5000 manatadək cərimə oluna bilər. İstehlakçının hüququ var ki, malın bütün sənədlərinə baxsın və qanuna görə, malın üzərində möhür və maddi məsul şəxsin imzası olan qiyməti olmalıdır. İstehlakçı malın ilkin rəsmi sənədlərinə baxa bilər. İstehlakçı Azad İstehlakçılar Birliyinə və yaxud İqtisadiyyat və Sənaye Nazirliyinə müraciət etsə, onun hüquqları yüksək səviyyədə qorunar". Ekspertin sözlərinə görə, bu kimi endirim kampaniyaları ilə bağlı quruma həftədə 4-5 zəng daxil olur: "Biz bu gün həqiqətən də mağaza və ticarət obyektlərində 70-80 faizə qədər endirim elanları görürük. Yaxud istehlakçıları cəlb etmək üçün "dükan bağlanır" sözləri yazılır, lakin aylarla həmin mağaza bağlanmır. Burada istehlakçı hüquqlarının pozulması var. Qeyd edim ki, Nazirlər Kabinetinin 80 saylı qərarı var. Həmin qərara görə, malların üzərində dükanın maddi məsul şəxsinin möhürü olmaqla qiymət sənədləri olmalıdır. Bunlar isə adi kağıza yazılmalı deyil. Rəsmi bir sənəd olmalıdır, istehlakçı baxıb görsün ki, qiymət əvvəl necə olub, indi necədir. "İstehlakçının hüquqlarının müdafiəsi haqqında" Qanuna görə, istehlakçının hüququ istənilən sənədlərlə qorunmalıdır. İstehlakçının həmçinin ilkin qiymət sənədlərini tələb etmək hüquqları var. Təəssüflər olsun ki, Azərbaycanın əmtəə bazarında 95 faiz mallar üzərində belə bir qiymət sənədi yoxdur. Bu vəziyyət hazırda böyük problem olaraq qalır. Daha anormal bir vəziyyət var ki, endirim kampaniyası ilə satılmış mal istehlakçının tələbini ödəmirsə, keyfiyyətsiz olursa, qaytarılan malı qəbul etmirlər. Deyirlər ki, siz bunu endirim kampaniyası ilə almısınız. "İstehlakçıların hüquqlarının müdafiəsi haqqında" Qanunun 15.1 və 15.2 maddələrində endirim kampaniyasında satılmış malların qaytarılmaması barədə heç bir müddəa yoxdur. Bu da birbaşa istehlakçı hüququnun pozulması deməkdir".

Günel CƏLİLOVA

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...