Turizm sektorunda monopoliyaya son qoyulmasının yolu onun özəl sektora həvalə olunmasından keçir

Tarix: 05.03.2014 / 11:22
Bölmə: İqtisadiyyat

Məlum olduğu kimi, turizm sahəsi gəlirli sektordur. Qeyri-neft sektorunun tərkib hissəsi olan turizm bir sıra ölkələrin iqtisadiyyatında mühüm çəkiyə malikdir. Elə ölkələr var ki, orada büdcə gəlirlərinin böyük hissəsi turizmdən gələn vəsait hesabına formalaşır. Ancaq Azərbaycanda, hələ ki, bu sahədə ciddi inkişaf müşahidə olunmur. Baxmayaraq ki, ölkənin bu sahədə potensialı kifayət qədər böyükdür. Düzdür, son illər bu sahəyə sərmayənin yönəldilməsi istiqamətində bir sıra işlər görülüb. Belə ki, bölgələrdə turizm infrastrukturunun yaxşılaşdırılması, yeni istirahət mərkəzlərinin, otellərin və digər bu sahəyə aid obyektlərin tikilməsi istiqamətində bir sıra işlər görülüb. Ancaq bütün bunlara rəğmən, ölkənin turizm istirahət mərkəzlərinin sayı elə də çox deyil. Başqa bir tərəfdən, qiymətlər kifayət qədər bahadır. O üzdən yerli turistlər yaxın qonşu ölkələrdə və yaxud da digər xarici dövlətlərdə istirahət etməyə üstünlük verir. Nəticədə qazanan biz yox, onlar olur. Azərbaycanın turizm sektorunda ciddi inkişafın müşahidə olunmaması əsasən bu sahədə mövcud olan monopoliya ilə əlaqələndirilir. Müəyyən işbazlar başqa firmaların bu sahəyə daxil olmasını süni vasitələrlə əngəlləməklə, qiymətlərin aşağı düşməsinə imkan vermirlər. Araşdırmalara görə, 2023-cü ilə qədər bu sahədə inkişaf tempi davam edərsə, turizm şirkətlərinin, mehmanxanaların, o cümlədən turistlərin sayında gözlənilməz artım olacaq. Belə ki, hazırda 170 olan turizm şirkətinin sayı 2 dəfə artaraq 350-yə, mehmanxanaların sayı isə 516-dan 1500-ə çata bilər. Ölkəyə gələn turistlərin sayının isə 4.5 milyona çatacağı proqnozlaşdırılır. Turizm sahəsindən əldə olunan gəlirlər hazırda 1.5 milyard dollara yaxındırsa, qarşıdakı 10 ildə bu rəqəmin 3 milyard dollara çatacağı gözlənir. Araşdırmalardan o da məlum olub ki, qiymətlərin yüksək olması, ilk növbədə, ölkədə turizm obyektlərində yataq yerlərinin az olması ilə bağlıdır. Digər bir problem isə rəqabət mühitinin zəif olmasıdır. Maraqlıdır, turizm sektorunda monopoliyanın qarşısını necə almaq olar? Məsələyə münasibət bildirən iqtisadçı-ekspert Oqtay Haqverdiyevin sözlərinə görə, turizm sektorunda monopoliyaya son qoymaq üçün bu sahəni özəl sektora həvalə etmək lazımdır: "Məsələ ondadır ki, Azərbaycanda turizm infrastrukturu, otellər və digər bu kimi obyektlər əsasən dövlət vəsaiti hesabına inşa olunur. Hesab edirəm ki, turizmin inkişafına yanaşma fərqli olmalıdır. Yəni ölkədə turizmin inkişafı ilə bütövlükdə özəl şirkətlər məşğul olmalıdır. Yalnız özəl şirkətlər bu işlə məşğul olarsa, o zaman turizmdə monopoliyanı aradan qaldırmaq olar. Nəticədə turizmdən gələn gəlirlər ölkə iqtisadiyyatında mühüm çəkiyə malik olacaq. Ona görə də yaxşı olardı ki, bu sahədə özəl sektorun çəkisi artırılsın".

Vidadi ORDAHALLI

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...