Azərbaycan Mətbuat Şurası Beynəlxalq Təlim və Layihə Mərkəzi ilə birlikdə "Kütləvi informasiya vasitələrində mühasibat uçotu və vergi sahəsində yeni tətbiqlər və risqlər" adlı birgünlük seminar keçirəcək. Beynəlxalq Təlim və Layihə Mərkəzinin 22 iyul - Milli Mətbuat Gününə töhfəsi kimi gerçəkləşdiriləcək təşəbbüs 18 iyul 2017-ci il tarixə, saat 11.00-a nəzərdə tutulur.
Seminarda təlimçi audit üzrə mütəxəssis "Professional mühasib" jurnalının baş redaktoru Mehdi Babayevdir. Tədbir aşağıdakı mövzuları əhatə edəcək:
- Vergi Məcəlləsinə və digər normativ aktlara edilən son əlavə və dəyişikliklərin, həmçinin, "Nağdsız hesablaşmalar haqqında" Qanunun KİV-lərin maliyyə-təsərrüfat fəaliyyətinə aidiyyəti üzrə izahı (müsbət və risqli məqamlar).
- Yeni MMUS-ların KİV-lərin (TV-Radio, dövri mətbu nəşrlər, informasiya agentlikləri) maliyyə uçotuna aidiyyəti üzrə tələbləri haqqında.
- KİV-lərdə baş gəlirlərin, xərclərin, o cümlədən qarışıq ezamiyyə (səfər) əməliyyatlarının, informasiya axtarışında olanların xərclərinin uçotu və vergi risqləri.
- Dövri mətbu nəşrlərin (qəzet, jurnal, toplu, bülleten və başqa dövri nəşrlər) satışdan geri qaytarılması, saxlanması, ləğv edilərək silinməsi və bunların vergitutmaya təsiri.
- Dövri mətbu nəşrlərin (KİV məhsullarının) əvəzsiz olaraq paylanması, üzərində "pulsuz" yazılması anlayışı və onun vergiyə təsiri.
- KİV-lərdə qonorarların tətbiqi məsələləri və onun vergiyə təsiri.
- Dövri mətbu nəşrlərdə, elektron informasiya agentliklərində və TV-radiolarda reklam qiymətlərinin formalaşması.
- ƏDV-dən azad olunan əməliyyatların digərlərindən ayrı aparılması.
Azərbaycan Mətbuat Şurası KİV-lərdə maliyyə məsələləri üzrə çalışan əməkdaşların (baş mühasiblərin, mühasiblərin, maliyyə menecerlərinin) seminarda iştirakını tövsiyə edir. Qeydiyyat linki http://btlm.az/Registration/
Qeydiyyatdan keçən zaman kurs / seminar / təlim bölməsinə- "KİV-vergi təlimi" yazmağınız xahiş olunur.
Əlaqə vasitələri:
050 721 15 81
012 564 13 64
050 242 09 91
in[email protected]
Ünvan Aşıq Molla Cümə küç.138, N.Nərimanov
