Efirdəki tibbi verilişlərə ciddi iradlar başlayıb...

Tarix: 31.03.2016 / 01:31
Bölmə: Gündəm

Azər Həsrət: "Səhiyyə verilişləri ilə bağlı tənzimləmə aparılmalıdır"

Təvəkkül Dadaşov: "Hansısa klinikanın həkimi efirə dəvət olunarkən xəstəxananın rəhbərliyi şərt qoyur ki, bizim həkim verilişdə iştirak edəcəksə, mütləq onun çalışdığı tibb müəssisəsi reklam olunmalıdır"

Televiziya ekranlarında çal-çağırlı verilişlərlə yanaşı, səhiyyə ilə bağlı proqramlar da hazırlanır. Burada müxtəlif xəstəliklərin yaranma səbəbləri, əlamətləri, onların müalicəsi və s. haqda müzakirələr aparılır. Günün müəyyən hissəsində 1 saat və daha çox efir vaxtı kanalın müəyyən etdiyi həkim-aparıcıya ayrılır.

O, hər efir günü bir xəstəliklə bağlı məlumatlandırır, tamaşaçıların canlı efirdə verdikləri sualları cavablandırır, müraciət edənlərə həkim məsləhətləri verir.

Bu verilişləri müsbət hal kimi dəyərləndirmək olar. Çünki səhhətində problem yaranmış bütün insanlar həkimə müraciət edə bilmir. Həkim məsləhəti onların köməyinə gələ bilər.

Amma bu tip proqramları daim izləyənlər bəzi nüanslardan narazı qalır. Sağlamlıq verilişlərinin bir qismində bu tip proqramlara qonaq kimi dəvət olunan həkim və onun çalışdığı klinika reklam olunur. Həkim-aparıcılar özəl klinikaları, dövlət xəstəxanalarını reklam edir, tamaşaçıları onların xidmətindən yararlanmağa dəvət edir.

Milli Televiziya və Radio Şurasının (MTRŞ) Ekspertiza, proqramlaşdırma və analitik şöbəsinin müdiri Təvəkkül Dadaşov "Bakı-Xəbər"ə açıqlamasında qeyd etdi ki, səhiyyə ilə bağlı verilişlərdə klinikaların reklam olunması faktdır: "Hansısa klinikanın həkimi efirə dəvət olunarkən həmin xəstəxananın rəhbərliyi şərt qoyur ki, bizim həkim verilişdə iştirak edəcəksə, mütləq onun çalışdığı tibb müəssisəsi reklam olunmalıdır. Həmçinin, o cür verilişlərdə özəl xəstəxanaların reklam olunması proqram rəhbəri ilə müəyyən sövdələşmə ola bilər. O sövdələşmə verilişin hazırlanmasına dəstək mahiyyəti daşıya bilər".

T.Dadaşov onu da əlavə etdi ki, qanunvericiliyə əsasən, 10-12 dəqiqəlik klinika və digər müəssisələrə həsr olunan reklam bloku yayımlana bilər: "Reklam haqqında" Qanuna əsasən, gün ərzində 6 ticarət blokunun yayımlanmasına icazə verilir".

Media eksperti Azər Həsrət bizimlə söhbətində bildirdi ki, o cür verilişlər insanlarda sağlamlıqdan çox xəstəliklərin əmələ gəlməsinə səbəb olur: "Əhalinin sağlamlığı baxımından bu cür verilişlər olmalıdır. Amma davamlı olaraq bu işin həyata keçirilməsi insanlarda öz səhhəti ilə bağlı şübhələrin yaranmasına səbəb olur. Nəticədə psixoloji olaraq insanlar öz üzərində xəstəlik axtarmağa başlayır. O proqramlarda müxtəlif problemlər haqqında o qədər danışırlar ki, istər-istəməz, insan öz sağlamlığından şübhələnir".

A.Həsrətin fikrincə, televiziya və radio kanalları sağlamlıq verilişlərini, maarifləndirmə ilə yanaşı, gəlir əldə etmək üçün yayımlayır: "Bu səbəbdən də həmin verilişlərə dəvət olunan həkim və onların çalışdığı tibb müəssisələri geniş şəkildə reklam olunur. Hesab edirəm ki, səhiyyə verilişləri ilə bağlı tənzimləmə aparılmalıdır".

Günel CƏLİLOVA

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...