Saat dəyişmə(mə)sinin fəsadlarına görə kimlər məsuliyyət daşımalıdır?

Tarix: 29.03.2016 / 02:21
Bölmə: Gündəm

Osman Gündüz: "Düşünürəm ki, bu çaşqınlığa cavabdeh olan qurum Standartlaşdırma, Metrologiya və Patent üzrə Dövlət Komitəsidir"

"Bu qurum saatla bağlı vaxt etalonunun müəyyən edilməsinə cavabdehdir"

Bu il Azərbaycanda yay vaxtına keçid ləğv edildi. Yəni saatların əqrəbləri ənənəvi hal kimi irəli çəkilmədi. Əslində, bu metoddan dünyanın bir sıra ölkələri uzun illərdir istifadə edir. Hökumət bu qərarı bir müddət əvvəl elan etsə də, ölkə üzrə saatların tənzimlənməməsi bir sıra dövlət və qeyri-dövlət qurumlarında iş ahənginə ciddi təsir göstərdi.

Buna səbəb vətəndaşların rejimə uyğunlaşa bilməməsi deyildi. Qəribə bir mənzərə ilə rastlaşdıq. Ölkə bir gün ərzində zaman xaosu yaşadı. Bəzi elektron cihazlarda, xüsusilə də mobil telefonlarda saatların avtomatik olaraq irəli çəkilməsi çaşqınlığa səbəb oldu. Əslində bu səhlənkarlıqdır. Mətbuatın verdiyi xəbərə görə, martın 28-i səhər tezdən AZAL aviaşirkətinə aid bütün təyyarələr uçuşlarını köhnə qrafikə uyğun reallaşdırıb. Məsələn, 07.45-də Bakı-İstanbul reysi ilə uçacaq insanlar aeroporta bir saat öncə gəlməsinə baxmayaraq, təyyarə artıq havada olub. İnsanların kütləvi etirazları əvvəlcə heç nəyi dəyişməsə də, sonradan emosiyaların qızışması növbə rəislərinin işə qarışması ilə nəticələnib. Vəziyyəti düzəltməyə çalışsalar da, baş verənlər vətəndaşların ciddi narazılığına səbəb olub. Deyilənlərə görə, bu məsələ Azərbaycan beynəlxalq səviyyədə UTC+4:00 vaxt ölçüsünə keçirildikdən sonra həllini tapacaq. Hətta metronun bir çox stansiyalarında, avtobuslarda da saatlar avtomotik olaraq bir saat irəli çəkilmişdi. Azərbaycana gətirilən yeni avtobuslarda saatların biri təzə, biri isə köhnə vaxtı göstərirdi. Avtobusda olan sərnişinlərin bir qismi köhnə saata baxaraq gedəcəyi yerə gecikdiyini, bəziləri isə təzə saatla tez çıxdığını deyir və narazılıq edirdilər. Bir sözlə, sərnişinlər də saatların hansının yanlış, hansının düzgün olduğunu ayırd edə bilmirdilər.

Bu vəziyyət niyə yaranıb və çaşqınlığa görə məsuliyyəti kim daşımalıdır?

"Multimedia" İnformasiya Sistemləri Texnologiyaları Mərkəzinin direktoru Osman Gündüz hesab edir ki, burada məsuliyyəti Standartlaşdırma, Metrologiya və Patent üzrə Dövlət Komitəsi daşımalıdır: "Azərbaycan Nazirlər Kabinetinin yay vaxtına keçidin ləğvi ilə bağlı qərarı, ümumiyyətlə isə saat məsələsinin tənzimlənməsi beynəlxalq əhəmiyyət kəsb edən bir məsələdir. Yəni qlobal dünyada müəyyən resurslar var ki, onların tənzimlənməsi artıq lokal çərçivədə yox, qlobal çərçivədə həyata keçirilir.

Azərbaycanda olan saat "Microsoft", əməliyyat sistemləri istehsalçıları kimi qlobal şirkətlər var ki, onlar üçün əhəmiyyətlidir. Proqram istehlakçıları üçün isə hansısa balaca, böyük ölkələrdəki saat məsələsi, lokal, milli resurslar var ki, bunlar əhəmiyyətlidir. Azərbaycan hökuməti yay vaxtının ləğvinin lokal əhəmiyyətli deyil, qlobal əhəmiyyətli məsələ olduğunun fərqinə varmalı idi. İnterneti qoşmaq üçün olan avadanlıqlar, yəni telefonlar, kompyuterlər, proqram təminatları və sairələr saatla bağlı məlumatı dünyada bu işlə məşğul olan bəlli bir beynəlxalq qurumun informasiya sistemindən alır. Yəni anlaşıqlı dillə desək, vahid bir baza var və onlar internet üzərindən bu bazaya qoşulub istənilən saat qurşağına daxil olan ölkənin saatını həmin məlumat bazasından əldə edir və ön plana çıxarır. Yəni bizim yerli saatla bağlı dəyişikliyi bütün dünya üzrə saat qurşaqlarının məlumatını özündə cəmləşdirən beynəlxalq qurumdakı informasiyaya dəyişiklik etməyib. Ona görə də mobil telefonlar, internet köhnə bazadan olan məlumatı üzə çıxarıb.

Düşünürəm ki, bu çaşqınlığa cavabdeh olan qurum Standartlaşdırma, Metrologiya və Patent üzrə Dövlət Komitəsidir. Bu qurum saatla bağlı vaxt etalonunun müəyyən edilməsinə cavabdehdir. Bu qərarın icrası istiqamətində həmin o beynəlxalq informasiya sistemində Azərbaycanla bağlı məlumatın yerləşməsinə cavabdeh qurum budur və məsuliyyəti də bu qurum daşıyır. Eyni zamanda, Rabitə və Yüksək Texnologiyalar Nazirliyinin də burada birbaşa məsuliyyəti olmasa da, Azərbaycandakı müəyyən qlobal şirkətlərlə ciddi maarifçilik işi apara bilərdi".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...