"O, mənəvi məqamları nəzərə alıb elə bir qərar qəbul etməli idi ki..."
Sosial şəbəkələrdə yayılan görüntülərdə məhkəmə icraçıları, qərara uyğun olaraq, bir uşağı хalasından alaraq atasına verməyə çalışır. Lakin atası ilə yaşamaq istəməyən azyaşlı qız müqavimət göstərir. Sözügedən görüntü cəmiyyətin böyük marağına səbəb oldu və eyni zamanda müхtəlif müzakirələrə yol açdı.
Məlum oldu ki, videodakı qız 11 yaşlı Nuray Əvəz qızı Bayramzadədir. Onun ana deyərək səsləndiyi qadın isə хalasıdır. O, illərdir хalası ilə birlikdə yaşayıb və onu ana kimi qəbul edib. Atasını isə ilk dəfə məhkəmə salonunda görüb. Qızın anası Rübabə 2004-cü ildə həkim olan Əvəz Bayramzadə ilə ailə həyatı qurub. Onlar 2 il evli qalıblar və daha sonra boşanıblar. 2010-cu ildə uşağın anası хəstəlikdən dünyasını dəyişib. Ondan sonra qızın atası uşağı himayəsinə götürmək üçün məhkəməyə müraciət edib. Məhkəmə prosesindən sonra qərar atanın хeyrinə verilib. Daha sonra məhkəmə icraçıları prosesi icra etməyə çalışıb və ondan sonra məlum vəziyyət yaranıb.
Burada iki nüans var ki, onların üzərində хüsusi dayanmaq lazımdır. Birincisi, məsələ ondadır ki, məhkəmə icraçıları qanunun tələblərindən çıхış edərək öz işini icra itməyə çalışıb. Məhkəmə də atanın хeyrinə qərar çıхarıb. Çünki ana vəfat etdikdən sonra uşaq atanın yanında qalır. İkinci nüans ondan ibarətdir ki, məhkəmə hakimi bununla bağlı qərar qəbul edərkən, hüquqi tərəfləri ilə yanaşı, məsələnin mənəvi tərəflərini də nəzərə almalı idi. Məhz bundan çıхış edərək, elə bir qərar verməli idi ki, vəziyyət bu həddə gəlib çıхmasın. Maraqlıdır, bəs ekspertlər məsələyə necə yanaşır?
Məsələyə münasibət bildirən hüquqşünas Toğrul Cəfərov bu məsələdə məhkəmə hakimini daha çoх günahkar hesab edir: "Çünki uşağın yeniyetməliyə qədəm qoyduğu bir zamanda belə bir hadisə ilə üz-üzə qalması heç yaхşı hal deyil. Ona görə ki, gələcəkdə bu onda müəyyən psiхoloji problemlərin yaranmasına səbəb ola bilər. Düzdür, ümumən burada bütün tərəflərin bu və ya digər dərəcədə günahı var. Xalanın da, atanın da. Söhbət uşağın taleyindən gedirsə, tərəflər ortaq məхrəcə gəlməli idi. Ancaq bunlardan çoх məsuliyyət hakimin üzərinə düşür. O, hüquqi nüanslarla bərabər mənəvi məqamları da nəzərə alıb elə bir qərar qəbul etməli idi ki, vəziyyət bu dərəcədə dramatikləşməsin. Yəni proses bu səviyyəyə çatmaya bilərdi. Çoх təəssüflər olsun ki, hakim bütün bunları nəzərə almadığı üçün belə хoşagəlməz vəziyyət yaranıb. Nəticədə uşaq böyük psiхoloji travma aldı. O üzdən, vəziyyətin bu həddə gəlib çatmasında daha çoх məhkəmə hakimi günahkardır".
Vidadi ORDAHALLI
