Ekologiya Nazirliyi Girdimançayda günlərdir axan suyun doğurduğu narahatlıqları aydınlaşdırdı

Tarix: 24.08.2016 / 02:14
Bölmə: Sosial

Mətanət Avazova: "Nazirliyin Ətraf mühit üzrə milli monitorinq departamentinin əməkdaşları Girdiman çayında suyun keyfiyyətinin pisləşməsi ilə bağlı monitorinq keçirir"

Adil Qeybulla: "Suyun insan sağlamlığına təsiri çirklənmə səviyyəsindən asılıdır"

İsmayıllı və Ağsu rayonlarında əhalinin içməli və suvarma suyu kimi istifadə etdiyi Girdiman çayında təhlükəli vəziyyət yaranıb. Belə ki, 10 gündən artıq müddətdir Girdiman çayının suyu naməlum səbəbdən yaşıl rəngə boyanıb.

Çaya çirkli maddələrin axıdılması səbəbindən, suyun rəngi və dadı dəyişib, sudan qeyri-adi qoxu gəlir. Hətta çayın içərisindəki daşlar da yaşıl rəngə boyanıb. Bu təhlükəli vəziyyət çayın suyundan istifadə edən İsmayıllının Gəraybəyli, Xəlilli, Eyyubbəyli və Ağsunun Külüllü, Pirhəsənli, Padar, Nəmirli, Gursulu, Kəlağaylı, Sarvan, Qasımlı, Bəyimli, Mustafalı kəndlərinin və Ağsu şəhərinin sakinlərinin narahatlığına səbəb olub.

Məlumatlara görə, Gəraybəyli kəndində 15-ə yaxın sakin mədə-bağırsaq problemi, qusma əlamətləri və dəri xəstəlikləri ilə bağlı həkimə müraciət edib. Sakinlərin media nümayəndələrinə verdiyi açıqlamaya görə, sudan istifadə etmək mümkünsüz hala çevrildiyindən, onlar suyu almaq məcburiyyətindədir. Məsələnin ciddiliyini nəzərə alıb aidiyyəti qurumlara və mütəxəssislərə müraciət etdik.

Ekologiya və Təbii Sərvətlər Nazirliyinin Ətraf mühit üzrə milli monitorinq departamentinin direktor müavini Mətanət Avazova "Bakı-Xəbər"ə açıqlamasında qeyd etdi ki,

İsmayıllı və Ağsu rayonlarının əsas su mənbəyi olan Girdiman çayında suyun keyfiyyətinin pisləşməsi ilə bağlı Ekologiya və Təbii Sərvətlər Nazirliyinin Ətraf mühit üzrə milli monitorinq departamenti regional ekologiya şöbəsinin əməkdaşları ilə birgə ərazidə kompleks monitorinq keçirir: "Monitorinq departamentinin əməkdaşları xüsusi cihazlar vasitəsilə ölçü işləri aparır. İlkin göstəricilərdə neqativ hər hansı bir hal aşkar olunmayıb. Bildirim ki, artıq çaylarda azsululuq dövrünün ən pis vaxtıdır. Çayda suyun hərarəti 30 dərəcəyə qalxıb. Hərarət yüksələn kimi, su nə qədər təmiz olsa da, yosunlarda yaşıllaşma mütləq olur".

M.Avazovanın dediyinə görə, hələ ki, antropogen təsir aşkar olunmayıb: "Adıçəkilən çayın üzərində hər hansı bir obyekt də yoxdur. Ola bilsin ki, yol kənarında olan xırda obyektlərdən çirkab su axıdılsın. Ancaq xırda obyektlərdən axıdılan çirkab sular belə fəsad verməməlidir. Bu, mövsümi xarakter daşıyır. Temperaturun yüksəlməsi, axının azalması suyun keyfiyyətinə təsir edən amillərdən biridir".

Tibb sahəsi üzrə ekspert, professor Adil Qeybullanın sözlərinə görə, Azərbaycanda, eləcə də dünyada başlıca problemlərdən biri içməli su məsələsidir: "Çünki dünyada içməli su ehtiyatlarının azalma tendensiyası var. Ümumiyyətlə, Azərbaycanda tam standartlara cavab verən su yoxdur. Müəyyən dərəcədə standarta cavab verən Kiçik Qafqazın suyudur. Azərbaycanın su ehtiyatları bərabər paylanmayıb, yetərli deyil. Ona görə də bu məsələ çox ciddi şəkildə müzakirə olunur.

Su ehtiyatlarımızdan biri hesab olunan Araz çayı Ermənistan ərazisindən keçdiyindən, Ermənistanın xeyli zavodlarının tullantıları ora axıdılır. Bu çirklənmə səviyyəsi yəqin yüksək olaraq qalır: "Suyun insan sağlamlığına təsiri çirklənmə səviyyəsindən asılıdır. Suyun tərkibində sərbəst radikallar, maddələr mübadiləsini korlayan başqa dərmanlar və s. ola bilər. Bütün bunlar suyun tərkibində aşkar oluna bilər. Bir də suyun bakterioloji təmizliyi var. Hesab edirəm ki, krandan birbaşa su içməmək, suyu müxtəlif filtrlər vasitəsilə təmizləmək ən azı məişət şəraitində vacibdir".

Günel CƏLİLOVA

DİGƏR XƏBƏRLƏR

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

Tarix: 29.09.2026 / 16:14

Lənkəranda zəlzələ olub

Tarix: 29.09.2026 / 15:52

Xətainin heykəlinin üzərindəki yazı ilə bağlı araşdırma başladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır