Bakıda dənizkənarı çimərliklərə sadə girişi pulla sat(dır)an inhisarçılar...

Tarix: 24.08.2016 / 01:42
Bölmə: Sosial

Oqtay Haqverdiyev: "Bazar iqtisadiyyatı dəniz sahilinin pullu olması demək deyil"

Eyyub Hüseynov: "Azərbaycandakı çimərliklərin ən ciddi çatışmazlığı girişin pullu olmasıdır"

Son günlər havaların isti keçməsi paytaxt sakinlərinin çimərliklərə üz tutmasına səbəb olur. Ancaq hər kəs isti yay günlərində çimərliklərdə sərinləyə bilmir. Səbəb isə çimərliyə girişin pullu olmasıdır.

Avtomobillə çimərliyə daxil olanlar maşın üçün əlavə olaraq 10, adambaşına isə 2 və ya 5 manat məbləğində pul ödəyir. Qeyd etdiyimiz bu məbləğ xidmət haqqına aid deyil. Tək giriş üçün çimərliyə gələnlərdən müəyyən məbləğdə pul tələb olunur. Giriş pulunu vermək istəməyənlər isə çimərliyə buraxılmır. Tək dənizdən və qumdan istifadə edəcəyini bildirsə belə, vətəndaşlardan giriş üçün pul tələb olunur. Bu hal şəhərin istənilən çimərliyində mövcuddur.

Qeyd edək ki, bir ara Bakı Şəhər İcra Hakimiyyəti çimərliklərə girişin pulsuz olmasını bildirsə də, buna əməl olunmur.

Məsələ ilə bağlı fikir bildirən Azad İstehlakçılar Birliyinin (AİB) sədri Eyyub Hüseynov bizimlə söhbətində qeyd etdi ki, Azərbaycandakı çimərliklərin ən ciddi çatışmazlığı girişin pullu olmasıdır: "Bununla bağlı Bakı Şəhər İcra Hakimiyyətinin qərarları olsa da, qadağalara əməl edilmir. Ən pisi də odur ki, istehlakçılardan qapıdaca giriş pulu alınan zaman heç bir kassa çeki də vermirlər. Beləliklə də vergi qanunvericiliyini pozmuş olurlar. Bütün bunlar isə Azərbaycanda turizmin inkişafına mənfi təsir göstərir. Burada söhbət təkcə giriş pulu alınmasından da getmir, əvəzində çek vermədikləri üçün istehlakçıların hüquqlarını pozmuş olurlar".

İqtisadçı-ekspert Oqtay Haqverdiyev isə qeyd etdi ki, bazar iqtisadiyyatı dəniz sahilinin pullu olması demək deyil: "Mən ayrı-ayrı ölkələrdə olmuşam və orada pulsuz olan ictimai çimərlikləri görmüşəm. Onlar çətir, duş və soyunma kabinaları, xilasetmə xidməti və tibb məntəqələri, həmçinin təmizliyə baxan işçilərlə təmin edilir. Əlbəttə, bunlarla bərabər daha yüksək səviyyədə xidmət növləri olan çimərliklər də var. Burada isə xidmətlər pulludur. Bu, bazar iqtisadiyyatının qanunudur. Başqa məsələdir ki, bizim sahibkarlar göstərdiyi xidmətlərin keyfiyyətini qaldırmaqdan çox, fikrini yüksək gəlirin alınmasına yönəldir. Çimərliklərdə şlaqbaum quraşdıraraq camaatı pulsuz içəri buraxmırlar. Halbuki, xidmətlərin ödənişi onları təqdim edən zaman olmalıdır. Qiymətlər məni sadəcə təəccübləndirir. Bazar iqtisadiyyatını bəhanə edərək nə istəyirlərsə, onu da edirlər. Hər xidmətin də öz maya dəyəri var. Sadəcə onu saymaq lazımdır. Gəlirlilik 15-20 faiz arasında saxlanmalıdır. Lakin bəzi hallarda çimərliklərdə bizə təklif edilən xidmətlərin qiyməti bir neçə dəfə maya dəyərindən çoxdur. Biz vergi ödəyiciləri olduğumuzdan, təbiətin bəxş etdiyinin, həmçinin dəniz çimərliklərinin sahibiyik. Heç kəs də bizim hüquqlarımızı məhdudlaşdırmaq ixtiyarında deyil".

Günel CƏLİLOVA

DİGƏR XƏBƏRLƏR

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

Tarix: 29.09.2026 / 16:14

Lənkəranda zəlzələ olub

Tarix: 29.09.2026 / 15:52

Xətainin heykəlinin üzərindəki yazı ilə bağlı araşdırma başladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır