Üç yaşadək atılan uşaqların say artımı narahatlıq doğurmağa başlayıb

Tarix: 24.08.2016 / 02:10
Bölmə: Sosial

Könül Vaqifqızı: "3 yaşında olan uşaqların valideynləri tərəfindən imtina edilərək körpələr evinə verilməsi olduqca acınacaqlıdır"

Aytəkin Kamranqızı: "Təəssüf ki, atılan uşaqlar arasında 3-4 yaşında olan körpələr üstünlük təşkil edir"

Övlad ailənin sütunudur. Heç təsadüfi deyil ki, boşanmalar daha çox sonsuzluq səbəbindən baş verir. Kimlərsə övlad acısına görə göz yaşı tökdüyü halda, kiminsə övladı valideyni onu atdığına görə göz yaşı tökür.

Təəssüfləndirici olsa da, Azərbaycanda da təzə doğulan və azyaşlı uşaqlar valideynləri tərəfindən atılır. Kimisi yeni doğulan körpəni küçəyə, xəstəxananın həyətinə, kimisi isə zibilliyə, yol qırağına atıb gedir.

Açıqlanan rəsmi məlumatlara əsasən, körpələr evinə 3 yaşınadək verilən uşaqların sayı artıb.

Dövlət Statistika Komitəsindən (DSK) "Report"a verilən məlumata görə, ötən il körpələr evində 3 yaşadək olan uşaqların sayı 57 nəfər olub ki, onlardan 43,9 faizini qızlar, 56,1 faizini isə oğlanlar təşkil edib.

2014-cü ildə körpələr evində olan 3 yaşadək uşaqların sayı 45 nəfər olub. Onlardan 46,7 faizini qızlar, 53,3 faizini oğlanlar təşkil edib.

2013-cü ildə bu rəqəm 62, 2012-ci ildə 64 nəfər olub.

2011-ci ildə körpələr evində 3 yaşadək olan uşaqların sayı 55 nəfər olub ki, onların da 52,7 faizi oğlan uşaqları olub.

Qeyd edək ki, körpələr evləri kimsəsiz uşaqların saxlanması üçün nəzərdə tutulub.

Mövzu barədə fikir bildirən psixoloq Könül Vaqifqızı bizimlə söhbətində qeyd etdi ki, 3 yaşında olan uşaqların valideynləri tərəfindən körpələr evinə verilməsi olduqca acınacaqlıdır: "Çünki o yaşda olan uşaqlar valideynlərini tanıyır. Onun ana və ya atasının kim olduğunu bilir. Birdən-birə uşaq valideynləri tərəfindən tərk olunur. O an uşağın həyatı və psixologiyası mənfiyə doğru dəyişir. Uşaq dərk edir ki, artıq anası və ya atası onu istəmir. Gələcəkdə valideyn o uşağa sahib çıxmaq istəsə belə, nə vaxtsa valideyni tərəfindən atıldığını unutmayacaq".

Psixoloq qeyd etdi ki, uşaqlar bizim gələcəyimizdir. Onları sağlam, savadlı, təminatlı böyütmək hər bir valideynin mənəvi borcudur. Hər bir ana körpəni dünyaya gətirmək üçün həm mənəvi, həm maddi cəhətdən hazır olmalıdır. Çünki uşaqlar psixoloji cəhətdən valideynlərinin səhvlərinin cəzasını çəkir. Elə valideynlər var ki, onlar həyatda etdikləri məsuliyyətsizlik ucbatından dünyaya övlad gətirir, daha sonra ya ailələri onları qəbul etmir, ya da mənəvi cəhətdən övlad böyütməyə hazır olmadıqları üçün onları atırlar. Uşağa kənar yerdə göstərilən münasibət nə isti ana qucağını, nə də ata qayğısını əvəz edə bilməz: "Atılmış uşaqlar ömür boyu bu psixoloji zədədən yaxa qurtara bilmir. Daim özlərini zəif, özgüvənsiz, cəmiyyətdən təcrid olunmuş hiss edir, atalı-analı uşaqlara həsəd hissi ilə yanaşırlar. Bu da onların qeyri-adekvat davranışına, pis vərdişlərə yiyələnməsinə, intihar etməsinə gətirib çıxarır. Çünki onlara nəzarət edən, daim qayğı ilə yanaşan, etdikləri kiçik bir səhvi düzəltməyə çalışan valideynləri yoxdur. Bu səbəbdən atılan uşaqlar stresə düşür, nevrozluqla üzləşir və ömür boyu bunun fəsadlarını yaşayırlar. Belə uşaqların özünə inamı aşağı səviyyədə olduğundan, onların həyatda mövqe tutmasında müəyyən çətinliklər və uğursuzluqlar yaşanır. Özünü dərk edən hər bir şəxs həyatı ilə bağlı məsuliyyət daşımalıdır ki, onların cəzasını uşaqlar çəkməsin. Bu cür hallar atılmış uşaqların gələcəyinə, sosial fəaliyyətinə mənfi təsir göstərir".

Sosioloq Aytəkin Kamranqızı təəssüf hissilə bildirdi ki, atılan uşaqlar arasında körpələr və 3-4 yaşında olan uşaqlar da olur: "Valideynlərin övladlarından imtina etməsinin səbəbləri müxtəlifdir. Elə ailələr var ki, maddi çətinlik içərisində yaşayır və fikirləşirlər ki, uşağa baxa bilməyəcəklər. Yaxud da planlaşdırılmamış hamiləlik olur, ana fikirləşir ki, valideynləri, qohumları bilsə ki, uşaq dünyaya gətirib, müxtəlif problemlər ola bilər. Bu cür analar zorlanma faktından sonra da uşaq dünyaya gətirə bilər, yaxud da nikahdankənar kiminləsə yaşayıb və körpə doğulub. Nəticədə çıxış yolunu onda görür ki, uşağı küçəyə atsın, heç kimin bundan xəbəri olmasın".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...