Aran bölgələrimizdə nikahsız doğulan uşaqlar problemi...

Tarix: 23.08.2016 / 02:10
Bölmə: Sosial

Fatimə Hacıbəyli: "Erkən nikahın ən çox qeydə alındığı ərazi Aran rayonlarıdır"

"Aran rayonlarında nikahdankənar doğulan uşaqların sayının üstünlük təşkil etməsi erkən nikahlarla bağlıdır"

Son illər ölkəmizdə nikahdankənar doğulan uşaqların sayı artıb. Azərbaycanda ötən il rəsmi qeydiyyata alınmamış nikahda olan qadınlar tərəfindən uşaqlar daha çox Aran rayonlarında doğulub.

2015-ci ildə Azərbaycanda rəsmi qeydiyyata alınmamış nikahda olan qadınlar tərəfindən 24038 uşaq dünyaya gətirilib.

Onların 9411-i şəhər, 14627-si kənd yerlərində doğulub.

Ötən il Aran iqtisadi rayonunda 6167 uşaq rəsmi qeydiyyata alınmamış nikahda olan qadınlar tərəfindən doğulub ki, bu da ölkənin iqtisadi rayonları üzrə ən yüksək göstəricidir.

Aran iqtisadi rayonunda rəsmi qeydiyyata alınmamış nikahda olan qadınlar tərəfindən doğulan uşaqlar ən çox Sabirabad (915), daha sonra isə İmişli (620) və Kürdəmir (535) rayonlarının payına düşür. Bu siyahıda sonrakı yeri Lənkəran iqtisadi rayonu tutur. Burada ötən il 4958 uşaq rəsmi qeydiyyata alınmamış nikahda olan qadınlar tərəfindən doğulub. Siyahıda 3-cü yeri tutan Gəncə-Qazax iqtisadi rayonunda 4412 uşaq rəsmi qeydiyyata alınmamış nikahda olan qadınlar tərəfindən dünyaya gətirilib.

Ötən il Quba-Xaçmaz iqtisadi rayonunda 1219, Şəki-Zaqatala iqtisadi rayonunda 1060, Yuxarı Qarabağ iqtisadi rayonunda 899, Abşeron iqtisadi rayonunda 898, Dağlıq Şirvan iqtisadi rayonunda 761, Kəlbəcər-Laçın iqtisadi rayonunda 438, Naxçıvan Muxtar Respublikasında 252 uşaq rəsmi qeydiyyata alınmamış nikahda olan qadınlar tərəfindən doğulub.

Paytaxt Bakıda isə ötən il rəsmi qeydiyyata alınmamış nikahda olan qadınlar tərəfindən 2974 uşaq doğulub ki, onların da çoxu - 583-ü Sabunçu rayonunun payına düşür.

"Vəfa" Sosial İctimai Birliyinin rəhbəri Fatimə Hacıbəyli "Bakı-Xəbər"ə açıqlamasında qeyd etdi ki, Aran rayonlarında nikahdankənar doğulan uşaqların sayının üstünlük təşkil etməsi erkən nikahlarla bağlıdır: "Yetkinlik yaşına çatmayan gənclərin ailə qurması zamanı belə nikahlar rəsmiləşdirilmir. Belə ailələrdə doğulan körpələr də nikahdankənar sayılır. Aran rayonlarında ailələr qızlarını erkən yaşda ərə verir. Hətta Sabirabad, Hacıqabul və Şirvan rayonlarında belə bir fikir var ki, qızın 19-20 yaşı tamam oldusa, demək, o qızın artıq ailə qurmaq yaşı keçib. Erkən nikahların ən çox qeydə alındığı ərazi Aran rayonlarıdır".

Həmsöhbətimiz nikahdankənar doğulan uşaqların sayının artmasının digər səbəbinin bəzi kişilərin rəsmi evlilikdən başqa, digər xanımla qeyri-rəsmi münasibətdə yaşaması olduğunu bildirdi.

Bu münasibətlərin sonu da dünyaya nikahdankənar körpələrin gəlməsinə şərait yaradır.

F.Hacıbəylinin sözlərinə görə, elə ailələr var ki, normal ailə həyatı qurduğu halda rəsmi nikahı yoxdur. Nikahdankənar doğulan uşaqlar vətəndaş və dini nikahda doğulan uşaqlardır: "Əslində insanlar nədənsə rəsmi nikahdan qaçır".

Günel CƏLİLOVA

DİGƏR XƏBƏRLƏR

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

Tarix: 29.09.2026 / 16:14

Lənkəranda zəlzələ olub

Tarix: 29.09.2026 / 15:52

Xətainin heykəlinin üzərindəki yazı ilə bağlı araşdırma başladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır