Olimpiya Oyunlarından qabaq azı 12 medal deyilmişdi, 18-ə çatdıq...

Tarix: 23.08.2016 / 02:19
Bölmə: Sosial

Aydın Mirzəzadə: "Hər olimpiadadan olimpiadaya həm kəmiyyət, həm də keyfiyyət göstəricilərimiz yüksəlməkdədir"

"Dörd ildən sonra medal göstəricilərimizi iki dəfə yüksəltdik"

Rio-de-Janeyro şəhərində təşkil olunan XXXI Yay Olimpiya Oyunları başa çatıb. Belə ki, 17 gün davam edən Olimpiadada Azərbaycan 56 idmançı ilə təmsil olunub. Millimiz Rioda 18 medal (1 qızıl, 7 gümüş və 10 bürünc) qazanmaqla, "London-2012"də göstərdiyi nəticəni yeniləyib.

Qeyd edək ki, ötən Olimpiadada millimiz 10 medal (2 qızıl, 2 gümüş, 6 bürünc) qazanıb. Bu dəfə yeganə qızıl medalı taekvondoçu Radik İsayev (+80 kq) qazanıb. Sərbəst güləşçilər Toğrul Əsgərov, Xetaq Qazyumov, boksçu Lorenzo Sotomayor, cüdoçular Rüstəm Orucovla Elmar Qasımov (100 kq), qadın güləşçi Mariya Stadnik (48 kq) və kanoeçi Aleksandr Demyanenko yalnız final görüşlərində məğlub olub və gümüş medal qazanıb. Taekvondoçu Sabah Şəriəti, Patimat Abakarov, Milad Beiqi Harçeqani, boksçu Kamran Şahsuvarlı, güləşçilər Rəsul Çunayev, Natalya Sinişin, Hacı Əliyev, Cəbrayıl Həsənov, Şərif Şərifov, kanoe və kayakda İnna Osipenko-Radomskaya isə bürünc medal qazanıb.

Olimpiadada Azərbaycan təmsilçiləri arasında komanda olaraq ən yaxşı nəticəni taekvondoçular göstərib. Yarışa bu növdə 4 idmançı ilə yollanan millimiz 3 medal qazanıb ki, bu da 75 faiz effektivlik deməkdir. Braziliyaya 14 idmançı ilə yollanmış güləş yığmamız isə gümüş və bürünc olmaqla 9 medal qazana bilib. Azərbaycan idmançıları Olimpiada tarixində ilk dəfə avarçəkmə idman növündə də medal qazanıb.

Hər halda, ümumi nəticəni qənaətbəxş saymaq olar. Oyunlar başlamazdan əvvəl Milli Olimpiya Komitəsinin vitse-prezidenti Çingiz Hüseynzadə mətbuata açıqlamasında bildirmişdi ki, idmançılar minimum 11-12 medalla qayıdacaq. Ancaq idmançılarımız XXXI Yay Olimpiya Oyunlarında 18 medal qazandı. Bu baxımdan ümumi nəticəni necə dəyərləndirmək olar?

Məsələyə münasibət bildirən millət vəkili Aydın Mirzəzadənin sözlərinə görə, həmişəki kimi, Azərbaycan bu möhtəşəm idman tədbirində fəal iştirak etdi: "Hər olimpiadadan olimpiadaya həm kəmiyyət, həm də keyfiyyət göstəricilərimiz yüksəlməkdədir. İlk dəfə olaraq daha çox idman növündə (17), daha çox idmançı (56) ilə iştirak edərək daha çox idman növündə (5), daha çox medal (18) topladıq. Ötən "London-2012" Olimpiadasında medallarımızın sayını 7-dən 10-na qaldırmağımıza çox sevinirdik. Dörd ildən sonra isə medal göstəricilərimizi iki dəfə yüksəltdik. Bəli, biz nəyinsə daha yaxşı olmağını gözləyirdik. Ancaq 18 medalın özü də çox yüksək göstəricidir. Dörd ildə Azərbaycanda idmanın inkişafı, olimpiya hərəkatının genişlənməsi üçün çox iş görüldü, dünya Azərbaycan təcrübəsindən danışmağa başladı. Azərbaycanın göndərdiyi hər üç idmançıdan biri medala sahib oldu. Azərbaycan dünya üzrə medal əyarına görə 39-cu, medal sayına görə 15-ci yerdədir. Avropa ölkələri içərisində isə biz medal əyarına görə 20-ci, medal sayına görə isə 6-cıyıq.

Nəticələrimiz gözlədiyimizdən də yaxşıdır, idmançılarımız var gücü ilə yarışırdı. 18 medal kəmiyyətinin medal keyfiyyətinə keçməsi isə elə təbiət qanunlarına görə mütləq baş verəcək. Müstəqilliyimizi bərpa edəndən sonra iştirak etdiyimiz ilk dəfə "Barselona-1992" Olimpiadasına 2, sonrakı "Atlanta-1996" Olimpiadasında isə 1 medal qazanmışdıq. Yüksəliş göz qarşısındadır və ildən-ilə daha yüksək olacaq. Buna Azərbaycanın əzmi və böyük potensialı var. Azərbaycan idmanının Prezident cənab İlham Əliyev kimi dəstəyi və rəhbəri var".

Vidadi ORDAHALLI

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...