Fəlsəfənin iflası. Fəlsəfədən superekspertizaya keçid...

Tarix: 17.08.2016 / 02:12
Bölmə: Sosial

Yer kürəsi uğrunda insandan qat-qat yüksək intellektual səviyyədə olan varlıqlar arasında fasiləsiz olaraq mübahisələr və müharibələr getmiş və getməkdədir. Onlar qalaktikalararası və planetlərarası sonu görünməyən uzunmüddətli konfliktlərdir. Yer kürəsi yüksək intellektuallar üçün bioloji robotlarin proqramlaşdırılması və sınaqdan keçirilməsi üçün çox əlverişli məkanlardan biridir.

Çünki burada həmin işlərin yerinə yetirilməsi üçün lazım olan bütün resurslar var. Bu cür planetar eksperimentlərin aparılmasının böyük əhəmiyyəti var. Qalaktikalararası anlaşmalara görə bu proqramlar törəmə ortaqlarını cinsi və klonlaşma vasitəsilə zaman və məkan daxilində təkrarlayaraq göy cisimlərinin hərəkətlərinin təhlükəsizliyinin tənzimlənməsi alqoritmləri funksiyasını daşıyırlar. Fərqli genetik kodlara malik olan Biorobotların hər birinin kainatda gedən proseslərin tənzimlənməsində öz rolu vardır. Yad planetlərdən Yer kürəsinə biorobot nümunələri gətirilsə də, onlar Yer kürəsinin enerji, cazibə, informasiya, törəmə və hüquqi ortaqlığına zaman və məkan daxilində uyğunlaşmağa məhkumdur. Əgər hər hansı bir biorobot Yer kürəsinin şərtlərinə uyğunlaşa bilmirsə, o zaman onun təkamül prosesi dayanır və məhvə məhkum olur. Başqa qalaktikalardan və Günəş sistemindən Yer kürəsini fəth etməyin müxtəlif səbəbləri var. Bəziləri Yer kürəsi biorobotlarının hibridləşdirilməsi nəticəsində öz genetik kodlarının ömrünü uzatmaqla həm proqramlarına xidmət edir, digərləri isə Yer kürəsinin sərvətindən xammal kimi istifadə etməklə bu işi yerinə yetirir. Bu məsələlərin dərk edilməsi milyon illərdir ki, üstün zəka sahiblərinin qarşısında durmaqdadır. Biz kimik, mən kiməm, bizi əhatə edən yaxın və uzaq varlıqlar nədir və onların bizimlə münasibətləri nədən ibarətdir?

Fəlsəfə, müdriklik, antik, orta əsr və müasirlik mərhələlərindən keçərək, günümüzə qədər gəlib çıxsa da, öz təyinatını və predmetini tapa bilmədiyinə görə əhəmiyyətini tamamilə itirib. Filosoflar isə müdrikliyə-sofizmə çatmaqdan imtina edərək, özlərini müdrikliyin uzaqdan sevgilisi adlandırmaqla kifayətləndilər. Fəlsəfə elm ola bilmədi, əgər o, elm olsaydı, onun qanunları olardı və qanunauyğunluqların kainatda cərəyan etdiyini formullarla sübut edərdi. Əsrlər boyu sifarişlə fəlsəfəyə anlayışlar, kateqoriyalar, qanunlar daxil edilsə də, onlar həqiqəti əks etdirməmiş və siyasi xarakter daşıyıb. Fəlsəfi kateqoriyaların əsasında zaman, məkan, səbəb, nəticə və sairə kateqoriyalar yer tutsa da, onların indiyə qədər nə olduğunu filosoflar anlamamışlar və anlada bilməmişlər. Zaman və məkanın ölçü vahidləri olsa da, nəyi və necə ölçməyi bilmədiklərindən, abstrakt yanaşma kimi yanlış metodlar meydana gəlib. Hər şey məkanda müəyyən bir zaman ərzində baş verir.

Kainatda mövcud olan nə varsa proqramdır, proqramlaşmışdır, proqramlaşdırılan proqramlar arasında olan ortaqlıq münasibətləri də proqramlaşıb HƏQİQƏTİNİ qəbul etdikdə hər bir proqramın özünəməxsus bir məkan olduğunu, zamanın da ayrı-ayrı proqramlara və onların arasında olan münasibətlərə aid olduğunu dərk etmiş olarıq. Zaman proqramdaxili və proqramlararası münasibətlərin dəyişmələrini ifadə edən ölçü vasitəsidir. Enerji, cazibə, informasiya, törəmə və hüquqi ortaqlıqlar daima hərəkətdə olduğundan, zaman və məkan əlaqəsi mövcud olmalıdır, çünki ortaqlıq münasibətləri daima optimallaşmağa doğru istiqamətlənib. Göründüyü kimi, kainatda gedən bütün proseslərin yalnız bir istiqaməti var, o da OPTİMALLAŞMAdır. Üstün zəka üçün səbəb və nəticə, zərurət və təsadüf yoxdur, olmamalıdır. Ortaqlıqlar və onların arasında olan münasibətlərin optimallaşmasına doğru istiqamət var. Yer kürəsində və kainatda olan bütün proqramlar öz kodlarına uyğun olaraq, mükəmməllər, möhtəşəmlər, müdriklər, dahilər və "filosoflar"dır. Fəlsəfəyə və filosofa xüsusi, əlahiddə və ayrıca status verməyə ehtiyac yoxdur. Müxtəlif proseslər zamanında baş vermiş kiçik həqiqətləri doğru və ya təhrif olunmuş şəkildə cümlələşdirib, informasiya məhsuluna çevirərək insanların beynini zəhərli tələ yemləri ilə yemləməyin mənası varmı?! Əgər insan öz ortaqları ilə optimal münasibət qurmaq üçün proqramlaşdığını erkən yaşlarında bilsə, kainatda və cəmiyyətdə öz potensialı daxilində yer tutmağı, özünəməxsus sözünü deməyi bacarar, əks təqdirdə kiflənmiş "fəlsəfi" fikirlərlə beynini çirkləndirib zombiləşər və öz sözünü demək hüququndan məhrum olar. Ümumiyyətlə, fəlsəfə və digər humanitar informasiya məhsullarının əsas məqsədi insanları cılızlaşdırmaq, şəxsiyyətsizləşdirmək, itaətkar qula çevirmək və seçimdən məhrum etməkdən ibarətdır. Materiya, ruh onların arasındakı münasibət kimi anlayışları özünə predmet qəbul edən fəlsəfə bunların heç birinə aydınlıq gətirə bilməyib. Bu məsələləri daha da qarışdırmış çoxsaylı "İzm"lər və həqiqəti əks etdirməyən qanunlar icad edib. Əksliklərin mübarizəsi və vəhdəti, inkarı inkar, kəmiyyət dəyişikliklərinin keyfiyyət dəyişikliklərinə keçməsi qanunları mənası olmayan zərərli informasiya məhsullarına aiddir. Kainatda əksilik, mənfi, müsbət, sıfır kimi anlayışların leksikonda yeri olmamalıdır. Əgər hər hansı bir şey vardırsa, o necə mənfi ola bilər? Kainatda proqramlar, proqramlararası münasibətlər, proqram imkanları (potensialları) və imkanlar (potensiallar) fərqi mövcuddur. Bütöv enerji və ya kainat qarşılıqlı münasibətdə olan proqramların potensiallar fərqinin optimallaşması istiqamətində hərəkət edir, buna görə də məkan dəyişir və zaman mövcud olur.

Əgər kainatda mövcudluğun və idarəolunmanın tək və bir qanunu varsa, deməli, tək və bir elm mövcuddur. Hər hansı bir elm üzrə fəlsəfə doktoru adı absurd deyilmi? Onsuz da elm adlandırılan bilgilər qruplara ayrılaraq yetərincə saxtalaşdırılmışlar. Hər hansı bir mövcudluğa-proqrama, proqramdaxili və proqramlararası münasibətlərə rəy və ya qərar vermək üçün fəlsəfəyə yox, ekspertizaya ehtiyac var. Buna görə də ekspertiza qabiliyyəti olan şəxslərə filosof yox, ekspert adı, yüksək səviyyəli ekspertiza qabiliyyəti olanlara isə superekspert adı verilməsi daha məqsədəuyğun hesab edilməlidir.