Yol qəzalarında ölüm sayına görə Azərbaycan dünyanın öncülləri arasında?

Tarix: 17.08.2016 / 02:34
Bölmə: Sosial

Şahin Camalov: "Hesab edirəm ki, ölümlə nəticələnən bu cür qəzalar magistral yolların standartlara cavab verməməsi ilə əlaqədardır"

"Sürücülərin elementar qaydalara əməl etməməsi buna gətirib çıxarır"

"Bizdə yol qəzalarının sayı və qəzalarda həyatını itirənlərin statistikası ilə bağlı vəziyyət çox acınacaqlıdır. Hər 100 avtomobil qəzasında 33-36 nəfər ölür. Adama elə gəlir ki, yollarda müharibə gedir".

Bunu millət vəkili Rafael Cəbrayılov yol hərəkətinin təhlükəsizliyi ilə bağlı keçirilən tədbirdə deyib. Onun sözlərinə görə, bu sahədə maarifləndirməyə ciddi ehtiyac var: "Təsəvvür edin ki, İsveçin əhalisi təxminən bizim ölkənin əhalisi qədərdir, amma avtoqəzalarda ölüm sayı cəmi iki faizdir. Avstriyada 2,5, Türkiyədə 5 faizdir. Mən bir neçə il əvvəl bu statistikanı araşdırdım və məlum oldu ki, bir neçə il əvvələ qədər hər il yol qəzalarında 1200-dən artıq insan həyatını itirirdi. Heç Qarabağda aktiv döyüşlər gedəndə bu qədər adam ölmürdü. Bura xəsarət alanları da əlavə etsək, vəziyyətin çox acınacaqlı olduğunu görə bilərik. Sevindirici haldır ki, ötən il aparılan maarifləndirmə işlərindən sonra bu göstərici bir qədər aşağı düşdü".

R.Cəbrayılov deyib ki, bunun qarşısını almaq üçün xeyli iş görülməlidir. Eyni zamanda əlavə edib ki, maarifləndirmə işinin aparılmasında mətbuatın üzərinə böyük vəzifə düşür. "Mətbuat bütün məsələləri obyektiv işıqlandırmalı, yollarla bağlı analitik materiallar dərc etməlidir".

Mövzu ilə bağlı ekspertlərin fikrini öyrəndik.

Məsələyə münasibət bildirən "Təhlükəsiz Yol" Alyansının koordinatoru Şahin Camalov bunun səbəbini bir sıra amillərlə əlaqələndirdi: "Hər yüz qəzada 36 vətəndaşımız ölürsə, bu, vəziyyətin dramatik olmasından xəbər verir. Bu çox ciddi narahatlığın göstəricisidir. Bunun bir neçə səbəbi var. Əvvəl deyirdilər ki, müasir tələblərə cavab verməyən avtomobillərdə baş verən qəzalarda daha çox ölüm qeydə alınır. Ancaq son dövrlər baş verən avtoqəzalar göstərdi ki, daha çox ölüm bahalı avtomobillərin timsalında özünü göstərir. Bu da həyəcan siqnalı üçün əsasdır. Hesab edirəm ki, ölümlə nəticələnən bu cür qəzalar magistral yolların standartlara cavab verməməsi ilə əlaqədardır. Digər tərəfdən, yüksək sürət buna gətirib çıxarır. Ən nəhayət, sürücülərin bir qisminin kifayət qədər səriştəsiz olması buna zəmin yaradır. Sürücülərin elementar qaydalara əməl etməməsi buna gətirib çıxarır. Yəni sürücülük mədəniyyətinin aşağı olması bu cür ağır nəticələrə gətirib çıxarır. Bütün bunlar kompleks şəkildə belə acınacaqlı mənzərənin yaranmasına zəmin yaradır".

Vidadi ORDAHALLI

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...