Falçılar "facebook" hegemonluğuna başlayıblar

Tarix: 17.08.2016 / 02:19
Bölmə: Sosial

Əhməd Qəşəmoğlu: "Cadugərlar sosial şəbəkə vasitəsilə özlərini reklam edir"

"Falçılar, fırıldaqçı və ya qabiliyyətli olmasından asılı olmayaraq, cəmiyyət üçün ziyanlıdır və insanlara ancaq zərər verir"

"Fala inanma, faldan da qalma" prinsipi ilə taleyini öyrənmək üçün falçılara üz tutanlar az deyil. Falçıların fırıldaqçılıqla məşğul olması, insanlara vəd verib külli miqdarda pul tələb etməsi kimi hallar dəfələrlə ictimaiyyətə açıqlanıb. Lakin bəziləri falçının onların gələcəyi ilə bağlı fikirlərinə daha çox önəm verir.

Bunun üçün əlində olan son pulu belə falçıya verməkdən vaz keçmir, yetər ki, istədiyi sözü falçıdan eşitsin.

Bəllidir ki, əvvəllər metro keçidləri, yolların kənarındakı divarlarda və ya iaşə obyektlərində falçı, baxıcı və ya cadugərlərin reklamına tez-tez rast gəlmək olurdu. Ancaq indi falçılar da müasirləşərək öz reklamını sosial şəbəkə üzərindən aparır. Bu gün "facebook" səhifəsində onlarla baxıcının reklamı yayılır.

"Cadugər, baxıcı, ekstrasens qəbulu" adlı sosial şəbəkə istifadəçisi bu adla falçılıqla məşğul olur. O öz səhifəsində bunları qeyd edib:

"1. Küsənləri barışdırıram.

2. Ayrılanları birləşdirirəm.

3. Sevənləri qovuşdururam.

4. Uzaqda olanları qovuşdururam.

5. Boşananları geri qaytarıram.

6. İstədiyin oğlanı sənə bağlayıram.

7. İstədiyin qızı sənə bağlayıram.

8. Arzu olunmayan cütlükləri ayırıram.

9. Arzu olunmayan sevgililəri ayırıram.

10. Pis niyyətlə olunan caduları təmizləyirəm.

11. Sizi ayırmaq istəyənləri pis günə qoyuram.

12. Düşmənlərinizin yolunu bağlayıram.

13. Bəxti bağlı olanların bəxtini açıram.

14. Yolu bağlı olanların yolunu açıram.

15. Səfərə çıxarkən uğur qazanmağınızı təmin edirəm.

16. Başladığınız işlərdə uğur qazanmağınızı təmin edirəm.

17. Qazanc və bərəkətinizin artmasını təmin edirəm.

18. Sıxıntılarınızın aradan qalxmasını təmin edirəm.

19. Sizə olan diqqət və qayğının artmasını təmin edirəm.

20. Məhkəmə işlərinin sizin xeyrinizə həll olunmasını təmin edirəm.

21. İmtahanlarda uğur qazanmağınızı təmin edirəm.

22. Bütün problemlərə görə müraciət edə bilərsiniz.

Təbii ki, bir az xərci olacaq.

Baxmaq 10 manat, cadu minimum 50 manatdan başlayır.

Qiymət işə görə dəyişir. Əlaqə saxlamaq istəyənlər inbox-a yazsın. Dostluq atmağı da unutmayın. Onda mesajınız tez cavablanar.

Sizə də köməyim dəysə, şad olaram!

WhatsApp: (055) ..." .

"Falçı Baba" adlı baxıcı öz səhifəsində qeyd edir ki, o baxıcıdır və hər cür dualar yazır: "Hər cür dualar yazıram, hər dərdə çarə tapıram".

"Falçı Katya" adlı istifadəçi isə ona yalnız qadınların müraciət etməsini qeyd edir: "Oğlanlar yazmasın, ailəli, sadəcə ciddi baxdırmaq istəyən xanımlar müraciət etsin. Ətraflı baxıram, məni tanıyanlar bilir ki, düz deyirəm. Ödəniş isə çox ucuzdur".

Qeyd edək ki, falçılıq islam dinində ən böyük günahlardan hesab olunur.

Sosioloq Əhməd Qəşəmoğlu "Bakı-Xəbər"ə açıqlamasında qeyd etdi ki, öncədən görmək bacarığının olduğunu bildirən şəxslər son zamanlar çoxalıb: "Falçı və ya cadugərlərə müraciət edəcək insanlar hər zaman olub və olacaq da. Falçılar əvvəllər televiziya vasitəsilə özlərini reklam edirdi. Daha sonra bu, ciddi tənqid hədəfi olduqdan sonra televiziyalarda bunların reklamı dayandı. Cadugərlar çıxış yolunu sosial şəbəkədə tapıb. Sosial şəbəkələrə nəzarətin olmamasına görə kim nə istəyir yaza və yaya bilir. Təbii ki, avam insanlar da falçıların qurbanına çevrilir".

Həmsöhbətimizin sözlərinə görə, islam dini falçılığı qadağan edir. Falçılar, fırıldaqçı və ya qabiliyyətli olmasından asılı olmayaraq, cəmiyyət üçün ziyanlıdır və insanlara ancaq zərər verir: "Burada da iki cür hadisə baş verir. Falçı dediyimiz adamların bir qisminin insanların energetik sistemlərinə daxilolma qabiliyyəti var. Onların hamısını fırıldaqçı adlandıra bilmərik. Amma falçılar bir şeyi 30 faiz bacarırsa, 70 faizi uydurmadır. Energetik qabiliyyəti olan falçılar insanların energetik dalğalarına daxil ola bilir. Onların arasında çox naşı olanları var ki, insanların energetik dalğalarına daxil olarkən orada bir çox şeyləri pozur. Biri gedir özünə "uğur duası" yazdırır. Amma bilmir ki, onu yazan adam qabiliyyətlidirsə, energetik sistemə daxil olan zaman uğur üçün bir şeyi düzəldəndə, 10 şeyi də korlayır. Müvəqqəti nəsə yaxşı ola bilər, amma sonra heç də elə olmur. O biri tərəfdən, falçıların çox hissəsi fırıldaqçıdır. Bəzilərində şizofreniya xəstəliyi var. Onlar elə bilir ki, insanları həqiqətən müalicə edə bilər. Dində falçıların işi şeytan əməli olaraq qiymətləndirilir. Falçıların bir qismi fırıldaqçıdır, qalanları isə insana neqativ enerji verir".

Günel CƏLİLOVA

DİGƏR XƏBƏRLƏR

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

Tarix: 29.09.2026 / 16:14

Lənkəranda zəlzələ olub

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır