Təhsil Nazirliyi bəzi övladlığa verilmə qərarlarının sonradan ləğv olunmasının səbəblərini izah etdi

Tarix: 06.08.2016 / 02:07
Bölmə: Sosial

Təhsil Nazirliyi İctimaiyyətlə əlaqələr sektoru: "Təhsil Nazirliyi bu prosesdə yalnız müəssisələrlə vətəndaş arasında əlaqələndirməni həyata keçirir"

"Övladlığın ləğv edilməsi ilə bağlı övladlığa götürənlər məhkəməyə müraciət edərkən valideyn-övlad münasibətlərində qarşılıqlı anlaşma olmadığını əsas gətirir"

Övladı olmayan ailələr uşaq həsrətinə övladlığa uşaq götürməklə son qoyur. Lakin bu proses olduqca çətindir. Övladlığa götürülən 3 yaşına qədər uşaqlar Səhiyyə Nazirliyinin, 3 yaşdan yuxarı uşaqlar isə Təhsil Nazirliyinin nəzdindəki müəssisələrdə yaşayanlardır.

Hansı yaşda olan uşağı övladlığa götürmək istəyənlər yuxarıda adlarını qeyd etdiyim aidiyyəti qurumlarla yanaşı, məhkəməyə də müraciət etməli olur. Bu günlərdə belə bir məlumat yayıldı ki, övladlığa verilən 200 uşaq geri alınıb. Övladlığa verilən uşaqların bəzən hansı səbəblərdən geri alınması ilə bağlı Təhsil Nazirliyinə sorğu göndərdik. Nazirliyin ictimaiyyətlə əlaqələr sektoru sorğumuza cavab olaraq bunları qeyd etdi: "Azərbaycan Respublikasında uşaqların övladlığa götürülməsi ilə bağlı məsələlər Azərbaycan Respublikasının Ailə Məcəlləsinin 117-135-ci maddələri və Azərbaycan Respublikası Nazirlər Kabinetinin 20 sentyabr 2000-ci il tarixli, 172 nömrəli Qərarı ilə təsdiq edilmiş "Valideyn himayəsindən məhrum olan və övladlığa götürülən uşaqların uçot Qaydaları, uşaqları övladlığa götürməyi arzu edən şəxslərin uçot Qaydası və Azərbaycan Respublikasının vətəndaşı olan uşaqların övladlığa götürülməsini arzu edən əcnəbilərin və vətəndaşlığı olmayan şəxslərin uçot Qaydası" ilə tənzimlənir. Qeyd olunan qanunvericilik aktlarına əsasən, valideyn himayəsindən məhrum olan uşaqların ilkin uçotunu yerli icra hakimiyyətlərinin qəyyumluq və himayə orqanları, mərkəzləşdirilmiş uçotunu 0-3 yaşına qədər uşaqlar üzrə Azərbaycan Respublikasının Səhiyyə Nazirliyi, 3-18 yaşarası uşaqlar üzrə Azərbaycan Respublikasının Təhsil Nazirliyi, ümumi uçotunu isə Azərbaycan Respublikasının Ailə, Qadın və Uşaq Problemləri üzrə Dövlət Komitəsi həyata keçirir. Bu səbəbdən də övladlığa verilmiş, həmçinin, mərkəzləşdirilmiş qeydiyyata alınan uşaqlar barədə məlumatlar 3 və 5 nömrəli formalara əsasən, hər ildə 3 dəfə olmaqla, Təhsil Nazirliyi tərəfindən Ailə, Qadın və Uşaq Problemləri üzrə Dövlət Komitəsinə təqdim olunur.

Övladlığa uşaq götürməyi arzu edən Azərbaycan Respublikasının vətəndaşı ilkin qeydiyyata alınmaq üçün Azərbaycan Respublikasının Nazirlər Kabinetinin 20 sentyabr 2000-ci il tarixli, 172 nömrəli Qərarına əsasən, müvafiq sənədləri toplayaraq qeydiyyatda olduğu şəhər (rayon) icra hakimiyyətinin qəyyumluq və himayəçilik komissiyasına müraciət edərək uçota götürülür. Həmin orqan tərəfindən qeydiyyata alındıqdan sonra övladlığa 0-3 yaşarası uşaq götürmək istədiyi təqdirdə vətəndaşa məxsus sənədlər Səhiyyə Nazirliyinə, övladlığa 3-18 yaşarası uşaq götürmək istədiyi təqdirdə isə Təhsil Nazirliyinə göndərilir.

Övladlığa 3-18 yaşarası uşaq götürmək tələbi olan vətəndaşın sənədləri Təhsil Nazirliyinə daxil olan kimi övladlığa uşaq götürmək arzusunda olan vətəndaşların siyahısına daxil edilir. Təhsil Nazirliyinin övladlığa verilməsi mümkün olan uşaqların mərkəzləşdirilmiş siyahısı ilə tanış olduqdan sonra seçim etdikləri təqdirdə vətəndaş ərizə və özünə məxsus sənədlərlə şəhər(rayon) məhkəməsinə müraciət edir.

Uşağın övladlığa verilməsi barədə məhkəmə tərəfindən verilən qərar onun övladlığa götürülməsi üçün əsas hesab edilir. Eyni zamanda, övladlığa verilmənin ləğvi də bu barədə məhkəmə tərəfindən verilən qərara əsasən həyata keçirilir. Uşağın övladlığa verilməsi ilə bağlı işə baxan məhkəməyə müvafiq şəhər (rayon) icra hakimiyyəti orqanı övladlığa götürülmənin uşağın mənafeyinə uyğun olması barədə rəy təqdim edir. Bununla yanaşı, Azərbaycan Respublikası Ailə Məcəlləsinin 124.3-cü maddəsinə əsasən, uşağın övladlığa götürülməsinə azyaşlıların yaşadıqları müəssisələrin rəhbərləri də yazılı razılıq təqdim edir. Məhkəmənin iclasında yerli icra hakimiyyətlərinin qəyyumluq və himayə orqanlarının, uşağın yaşadığı dövlət uşaq müəssisəsinin (uşaq evi, internat məktəbi) nümayəndələri və Ailə, Qadın və Uşaq Problemləri üzrə Dövlət Komitəsinin məsul əməkdaşı da iştirak edir.

Təhsil Nazirliyi bu prosesdə yalnız müəssisələrlə vətəndaş arasında əlaqələndirməni həyata keçirir.

Qeyd olunanlara əlavə olaraq bildiririk ki, 2013-cü ildən bu günədək övladlığa verilmiş, 3 nəfər oğlan və 1 nəfəri qız olmaqla, 4 nəfər (10-12 yaşarası) sağlam uşağın övladlığı məhkəmənin qərarı ilə ləğv edilərək dövlətin himayəsinə qaytarılıb.

Övladlığın ləğv edilməsi ilə bağlı övladlığa götürənlər məhkəməyə müraciət edərkən əsasən uşaqların tərbiyə olunmasında çətinlik çəkdiklərini, valideyn-övlad münasibətlərində qarşılıqlı anlaşma olmadığını əsas gətirir".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...