Bakının böyük ticarət mərkəzlərində kinoteatrlar...

Tarix: 05.08.2016 / 02:09
Bölmə: Sosial

Rəşad Həsənli: "Ticarət mərkəzlərinin nəzdində kinoteatrların olması müsbət haldır"

Bahadur Bilalov: "Ticarət mərkəzlərində kinoteatrın fəaliyyət göstərməsi turizmə müsbət təsir göstərir"

Elə insan olmaz ki, böyük ticarət mərkəzində alış-veriş etməyi sevməsin. Əksər insanlar həm alış-veriş, həm də istirahət məqsədilə ticarət mərkəzlərinə üz tutur. Bu gün paytaxt ərazisində iri ticarət mərkəzləri var. Həmin ticarət mərkəzlərində iaşə obyektləri, uşaqlar üçün əyləncə kompleksləri, kitabxanalar və sinema zalları mövcuddur.

Dünyanın əksər ölkələrində fəaliyyət göstərən iri ticarət mərkəzlərinin sinema zalı olur. Ticarət mərkəzində alış-veriş edən insanlar sonda mədəni istirahət üçün həmin mərkəzdəki kinoteatra yollanır.

Bu gün paytaxt ərazisində fəaliyyət göstərən iri ticarət mərkəzlərinin, demək olar ki, əksəriyyətində kinoteatrlar var. Həmin kinoteatrlarda müxtəlif ölkələrin, o cümlədən yerli istehsal olan filmlər nümayiş olunur. Kinoteatrlarda hər yaş kateqoriyasına uyğun filmləri izləmək mümkündür.

Azərbaycanda da geniş və müasir, dünya markalarının əksəriyyətini təqdim edən "28 MALL", "Gənclik Mall", "MetroPark", "Park Bulvar", "Port Baku Mall", "Amburan Mall" və digər ticarət mərkəzləri açılıb. Bu ticarət mərkəzləri bir-birindən qiymət, brend və əyləncə vasitələrinə görə fərqlənir. Adlarını sadaladığım ticarət mərkəzlərinə insanlar tək alış-veriş üçün deyil, həm də həmin məkanlarda fəaliyyət göstərən sinema zallarında film izləməyə gəlir.

Paytaxt əhlinin daha çox üz tutduğu "28 Mall" ticarət mərkəzində "SinemaPlus" fəaliyyət göstərir. İnsanların adıçəkilən ticarət mərkəzində fəaliyyət göstərən "SinemaPlus"a daha çox maraq göstərməsinin səbəbi şəhər sakinlərinin daha çox toplaşdığı 28 May metrostansiyasının yaxınlığında yerləşməsidir. Universitetdə dərsdən çıxan tələbələr, paytaxtımıza turist kimi gələnlər ilk olaraq bu məkana yollanır. Elə bu günlərdə "28 Mall" ticarət mərkəzində olarkən həmin məkanda çoxlu sayda turistlə rastlaşdıq. Ticarət mərkəzində alış-veriş edən turistlər Mall-ın 5-ci mərtəbəsinə "SinemaPlus"a üz tutur.

Daha sonra "Park Bulvar" ticarət mərkəzində də sinema zalı fəaliyyət göstərir. Bu məkana gələnlər də alış-veriş etdikdən sonra sinema zalında istədiyi filmi izləyə bilər.

Bu günlərdə "Amburan Mall" ticarət mərkəzində "SinemaPlus" kinoteatrı açılıb. Ticarət mərkəzi Bilgəh qəsəbəsində yerləşir. Dəniz kənarında sərinləmək üçün gələnlər istirahətini kinoteatrda davam etdirə bilər.

Paytaxt ərazisində böyüklüyünə görə seçilən ticarət mərkəzlərindən biri də "Gənclik Mall"dır. Yaxın zamanlarda adıçəkilən ticarət mərkəzində də "SinemaPlus" kinoteatrının açılması gözlənir.

Şəhərdə mövcud olan iri ticarət mərkəzlərində müxtəlif adda kinoteatrlar var. Ekspertlərin fikrincə, iri ticarət mərkəzlərində kinoteatr-əyləncə mərkəzlərinin olması ölkə iqtisadiyyatına müsbət təsir göstərir.

İqtisadçı-ekspert Rəşad Həsənli "Bakı-Xəbər"ə açıqlamasında qeyd etdi ki, paytxat ərazisində olan ticarət mərkəzləri inkişaf etmiş ölkələrdə mövcud olan ticarət məkanları stilində formalaşıb: "Ticarət mərkəzləri ən müxtəlif xidmətləri təklif etməklə insanların diqqətini cəlb etmək istəyir. Xatırladım ki, əvvəllər insanlarda kinoteatra maraq çox az idi. Amma indi vəziyyət müsbətə doğru dəyişib. Ailəsi ilə birlikdə istirahətə yollananlar uşaqların təkidi və ya mədəni istirahət etmək istəyənlər kinoteatra üz tutur. Ticarət mərkəzlərində kinoteatrın olmasının müsbət cəhəti odur ki, insanların mədəni istirahət üçün əlavə vaxt itirməsinin qarşısını alır. Bir ticarət mərkəzinə yollanmaqla müxtəlif xidmətlərdən istifadə etmək olur. Belə ticarət mərkəzlərinin olması və onların nəzdində sinema zallarının fəaliyyət göstərməsi müsbətdir".

Turizm sahəsi üzrə ekspert Bahadur Bilalov bizimlə söhbətində bildirdi ki, inkişaf etmiş ölkələrdə mövcud olan iri ticarət mərkəzlərində kinoteatrlar fəaliyyət göstərir. Həmin mərkəzlərdə kinoteatrın olması turizmə müsbət təsir göstərir: "Şəhəri gəzməyi gələn turistlər paytaxtın abidələrini gördükdən sonra alış-veriş yerlərinə getmək istəyəcək. Alış-verişini bitirən şəxs istirahət üçün həmin məkanda əyləncə mərkəzini olub-olmaması ilə maraqlanacaq.

Ticarət mərkəzində kinoteatrın fəaliyyət göstərdiyini eşidən turist sinemaya yollanıb istədiyi filmə baxmaq üçün bilet alacaq. Nəzərə almaq lazımdır ki, bu il ölkəmizə gələn turistlər arasında ərəblər üstünlük təşkil edir. Ərəblər nə qədər qapalı millət olsa da, mədəniyyəti sevirlər".

Günel CƏLİLOVA

DİGƏR XƏBƏRLƏR

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

Tarix: 29.09.2026 / 16:14

Lənkəranda zəlzələ olub

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır