ADA Azərbaycan universitetləri arasında ilk tələbə kreditlərinə başladı

Tarix: 05.08.2016 / 02:46
Bölmə: Sosial

Məlahət Mürşüdlü: "Baloniya sisteminin prinsipləri baxımından təhsil kreditlərinin verilməsi çox əhəmiyyətlidir"

"Yaxşı olardı ki, bütün ali məktəblər bu işdə fəal olsun"

ADA Universiteti 2016/2017-ci tədris ilindən başlayaraq təhsil haqqına yeni güzəştlər və yeni tələbə krediti imkanları təklif edir. Universitetdən bildiriblər ki, bu barədə ali təhsil ocağında abituriyentlər və onların ailə üzvləri üçün təşkil edilən "açıq qapı" günlərində məlumat verilib.

Diqqətə çatdırılıb ki, ADA Universiteti Azərbaycanın aparıcı banklarından olan "PAŞA Bank"la birgə ali təhsilin kreditləşməsi proqramını həyata keçirəcək. Bakalavriat və magistratura pillələrində təhsil alan tələbələr semestr üzrə təhsil haqqını uzunmüddətli (bakalavrlar üçün doqquz, magistrlər üçün beş ilədək) sosial kreditlər vasitəsilə ödəmək imkanı əldə edəcək. Bir sıra parametrlərlə yanaşı, tələbənin akademik göstəricilərindən də asılı olan 30 faiz ilkin ödənişlə verilən milli valyuta kreditlərinin illik faiz dərəcəsi 7 faiz təşkil edir. "PAŞA Bank"la tərəfdaşlıqda hazırlanan bu təhsil krediti proqramının məqsədi universitetin tədris etdiyi ixtisaslara ölkəmizin bütün regionlarından ən istedadlı gənclərin cəlb edilməsidir.

Vurğulanıb ki, universitet qəbul imtahanlarında yüksək bal toplayan tələbələri həvəsləndirmək məqsədilə qəbul balına əsasən təqaüd proqramını da elan edib. Belə ki, Tələbə Qəbulu üzrə Dövlət Komissiyası tərəfindən keçirilən imtahanlarda 690-700 bal toplamış abituriyentlərə 100 faiz, 660-689 bal toplamış abituriyentlərə 40 faiz, 640-659 bal toplamış abituriyentlərə 30 faiz, 620-639 bal toplamış abituriyentlərə isə bir semestr müddətinə təhsil haqqına 20 faiz güzəşt olunacaq. Təhsil müddətinin növbəti illərində də universitet tərəfindən tələbələrə maliyyə dəstəyi davam edəcək. Belə ki, semestr üzrə orta qiymət balı 4.0 (əla) olan tələbələr növbəti semestrin təhsil haqqına 100 faiz güzəşt alacaq. Orta qiymət balı nisbətən aşağı olan tələbələr də (3.00-3.89) müxtəlif məbləğlərdə güzəşt əldə edəcək.

Göründüyü kimi, ilk təşəbbüs ADA Universitetindən gəldi. Hər halda bundan sonra digər ali məktəblər də buna start verəcək. Ekspertlər bunu necə dəyərləndirir?

"Azad Müəllimlər Birliyi"nin sədri Məlahət Mürşüdlünün fikrincə, tələbə kreditlərinin verilməsi aztəminatlı tələbələr, sağlamlıq imkanları məhdud olanlara böyük kömək və qayğıdır: "Yaxşı haldır ki, artıq ali məktəblərdən biri belə bir addım atır və təşəbbüslə çıxış edir. Elə tələbələr var ki, qəbul imtahanları zamanı yüksək bal toplasalar da, seçdikləri ali təhsil müəssisəsinin illik haqqını ödəyə bilmədiyi üçün təhsildən imtina edir. Ölkə gələcəyin savadlı kadrını itirir. Bəzi belə ailələr övladının ali təhsil almaq ümidini qırmamaq üçün banklardan yüksək faizlə kredit götürməyə məcbur qalır və bununla da öz vəziyyətini daha da ağırlaşdırır. MAARİFÇİ Tələbə Kredit Fondunun təsis edilməsi vətəndaşlara güzəştli şərtlərlə kredit götürüb təhsilini davam etdirmək üçün şərait yaratdı.

Baloniya sisteminin prinsipləri baxımından təhsil kreditlərinin verilməsi çox əhəmiyyətlidir. Tələbələrimizə maddi cəhətdən geniş imkanlar açılır.

Tələbə kreditlərinin verilməsi təhsilin keyfiyyətinə müsbət təsir edəcək. Təhsil kreditinin yeni tətbiq olunmasına baxmayaraq, bununla bağlı müraciət edənlərin sayı çoxdur. Məlumata görə, artıq üç yüz nəfərə tələbə krediti verilib. Yaxşı olardı ki, bütün ali məktəblər bu işdə fəal olsun".

Vidadi ORDAHALLI

DİGƏR XƏBƏRLƏR

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

Tarix: 29.09.2026 / 16:14

Lənkəranda zəlzələ olub

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır