"Akademi Group" Xaricdə Təhsil Mərkəzi, hər il olduğu kimi, bu il də Türkiyə universitetlərinə ödənişsiz qəbul günləri keçirəcək. Sərgi formatında keçiriləcək qəbul günləri iki gün-avqustun 6-sı və 7-də ziyarətçilər üçün açıq olacaq.
Bu barədə müxbirimizə "Akademi Group" Xaricdə Təhsil Mərkəzinin nümayəndəsi Razi Vəliyev məlumat verib. O qeyd edib ki, Hilton Hotelində təşkil olunan sərgidə Türkiyənin onlarca universiteti iştirak edəcək, sərgi iştirakçıları ilə ünsüyyətdə olacaq, onları maraqlandıran bütün sualları cavablandıracaqlar.
"Akademi Group" tərəfindən təşkil olunan sərgidə Türkiyədə tələbə olmaq istəyənlərə buradakı yüksək keyfiyyətli təhsil imkanı, yataqxanalar, dil kursları və bu sahə ilə əlaqədar digər məsələlər haqqında ətraflı məlumat veriləcək. Qeyd edək ki, universitetlərdə təhsil almaq istəyən tələbələr yerindəcə qeydiyyatdan keçə və qəbul haqqında sənəd ala biləcəklər. Universitetlərə qeydiyyatdan keçmək istəyən ziyarətçilərin attestat, xarici passport və ya şəxsiyyət vəqisələrini gətirməsi kifayətdir.
Qeyd edək ki, iki günlük sərgi müddətində Türkiyənin Bahçeşehir, Üsküdar, Aydın və Beykent kimi prestijli universitetləri də iştirak edəcək. Sərgi avqustun 6 və 7-si tarixlərində saat 12-dən 17-yə kimi baş tutacaq. İştirakçılar Türkiyənin dövlət universitetlərinə qəbul şərtləri barədə ətraflı məlumatı "Akademi Group"un stendindən də ala bilərlər.
Xəbər xidməti
