Üzgüçülük hovuzlarına həkim nəzarəti gündəmə gəldi

Tarix: 29.07.2016 / 01:43
Bölmə: Sosial

Adil Qeybulla: "Üzgüçülük hovuzlarında həkim nəzarətinin olması vacibdir"

"Üzmək istəyən şəxsin hansısa xəstəliyin daşıyıcısı olub-olmaması həkim tərəfindən müəyyən edilməlidir"

Yayın qorabişirən ayında istidən canını qurtarmaq, istirahətini əyləncəli keçirmək istəyənlər ya dənizə, ya da istirahət məkanlarına yollanır.

İnsanlar istirahət mərkəzlərini seçərkən daha çox həmin məkanda uşaq və böyüklər üçün hovuzun olmasına önəm verir. İstirahət məkanlarının sahibləri öz çıxışlarında bildirir ki, hovuzlar gigiyenik qaydalara cavab verir. Yəni həmin hovuzlar mütəmadi olaraq dezinfeksiya olunur.

Təklif səsləndirilir ki, üzgüçülük hovuzlarında həkimlər çalışsın. Üzgüçülük hovuzlarından istifadə edən şəxslər isə gündəlik olaraq həkim müayinəsindən keçsin. Belə bir təklifi Səhiyyə Nazirliyi Gigiyena və Epidemiologiya Mərkəzinin şöbə müdiri Ziyəddin Kazımov səsləndirib. O qeyd edib ki, üzgücülük hovuzlarının fəaliyyət göstərdiyi komplekslərin ştat üzrə bir həkimi və bir laborantı olmalıdır. Həkim üzmək üçün müraciət edən şəxsdə daha çox infeksion xəstəliklərin olub-olmamasına diqqət yetirməlidir: "Onlar gündəlik işdə olmalıdır. Həkimlər şəxsin dərisinə, yarasının olub-olmamasına, saçının tökülüb-tökülməməsinə, öskürüb-öskürməməsinə, hərarətinin olub-olmamasına diqqət yetirməlidir. Amma kiminsə ürəyində problem varsa, o artıq terapevtik müayinədən keçməlidir. Müayinədən sonra həmin həkim deyə bilər ki, bu adamı hovuza buraxmaq olar, ya olmaz. Hovuzda işləyən həkim də müraciət edən şəxslərlə bağlı bu qərarların verilməsində rol oynayır".

Z.Kazımov qeyd edib ki, hovuzdakı suyun tərkibindəki kimyəvi göstəricilər də norma daxilində olmalıdır. Hər iki saatdan bir hovuz suyunun tərkibindəki xlorun qalığı öyrənməlidir.

Mərkəz rəsmisi əlavə edib ki, üzgüçülük hovuzlarının fəaliyyət göstərdiyi komplekslər özəl sahibkarlıq subyektləri olduğundan, bu normalara riayət edilmə vəziyyətini öyrənmək üçün yoxlama apara bilmirlər.

Professor, tibb sahəsi üzrə ekspert Adil Qeybulla bizimlə söhbətində bildirdi ki, üzgüçülük hovuzlarında həkim nəzarətinin olması vacibdir: "Üzmək istəyən şəxsin hansısa xəstəliyin daşıyıcısı olub-olmaması həkim tərəfindən müəyyən edilməlidir. Üzmək istəyən şəxsdə təhlükəli və keçici xəstəlik aşkar olunarsa, o zaman həmin şəxs hovuza buraxılmamalıdır. Nə qədər hovuz dezinfeksiya olunsa da, ola bilər ki, hansısa keçici xəstəlik tək su ilə deyil, daşıyıcının təmasda olduğu nərdivan və ya hovuzun divarı ilə də digər istifadəçilərə keçə bilər. Bu səbəbdən üzgüçülük hovuzlarında həkim nəzarətinin olması mütləqdir".

Həmsöhbətimiz onu da əlavə etdi ki, ola bilsin ki, üzən şəxsin ani olaraq səhhətində problem yaransın. O an həkim həmin şəxsə tibbi yardım göstərə bilər.

Günel CƏLİLOVA

DİGƏR XƏBƏRLƏR

Tarix: 15.11.2026 / 18:43

Ağstafada sursat partladı - ölən və yaralanan var...

Tarix: 15.11.2026 / 16:26

Təhsilin rəqəmsallaşmasındakı ciddi geriliyin əsas səbəbi məmur məsuliyyətsizliyidir - İlham Əhmədov yazır

Tarix: 14.11.2026 / 11:46

İrəvandakı Göy məscidin mərasim zalına erməni şairin adının verilməsi narahatlıq doğurur - BƏYANAT

Tarix: 14.11.2026 / 10:58

Gənc əsgərlərlə görüşə müvəqqəti məhdudiyyət qoyuldu - RƏSMİ

Tarix: 13.11.2026 / 21:05

Əlil şəxslər “keçiddə” bir beçə aylıq müavinətdən niyə məhrum olsunlar?!

Tarix: 13.11.2026 / 20:13

Məzuniyyətin pulla əvəzlənməsi - İşçi özü istəyirsə, pisdir?

Tarix: 13.11.2026 / 19:15

İşdə məhəbbət macərası - DOST Agentliyinin müdir müavini buna görə işdən azad olundu

Tarix: 13.11.2026 / 16:55

İrandan Almaniyaya 29 kq-dan çox metamfetamin aparanlar Naxçıvanda yaxalandı

Tarix: 13.11.2026 / 16:40

Ev təsərrüfatlarının uçotunun arxasında nələr var - Şayiələr baş alıb gedir, bəs həqiqət harada?...

Tarix: 13.11.2026 / 13:29

Deputat Elm və Təhsil Nazirliyini tənqid etdi - valideynlər, müəllimlər həyəcan təbili çalır...

Tarix: 13.11.2026 / 13:24

Görmə məhdudiyyəti maneə deyil, əlçatmaz mühit maneədir!

Tarix: 13.11.2026 / 13:20

Gələn il bu müavinətlər artırılacaq...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 12.11.2026 / 21:39

Azərbaycan üzərindən Ermənistanla ticarət dayan(dırıl)ıb - İrəvan adekvat ola bilmir...

Tarix: 12.11.2026 / 19:56

İrəvanda Göy məscid murdarlandı, Azərbaycandan başqa heç bir qonşu müsəlman ölkə səsini çıxarmadı...

Tarix: 12.11.2026 / 15:00

Saatlıq maaş sisteminə keçirik, pullar yeni qaydada hesablanacaq...

İki ildən çoxdur azad sahibkarlıq yeni Rəqabət Məcəlləsi ilə tənzimlənir...