18 yaşına çatmayan oğlanların da ailə qurması faktları narahatlıq doğurmağa başlayıb

Tarix: 29.07.2016 / 01:53
Bölmə: Sosial

Mehriban Zeynalova: "Bəylərin erkən yaşda ailə sahibi olması ona gələcək həyatında müəyyən problemlər yaradacaq"

Könül Vaqifqızı: "Oğlanların erkən yaşda ailə qurmasının əsas səbəbi valideynlərinin istəyidir"

Məktəb yaşlı qızların erkən yaşda ərə verilməsi haqqında çox yazmışıq. Ümumiyyətlə, erkən evliliyin problemləri və gələcək fəsadları haqqında çox müzakirələr aparılır.

Ancaq bu dəfə qızların erkən yaşda ailə qurmasından deyil, 18 yaşı yenicə tamam olan və ya tamam olmamış bəylərdən danışacağıq.

Azərbaycanda rəsmi nikah yaşı 18 olsa da, bəzi hallarda erkən evlənmələrə də rast gəlinir. Dövlət Statistika Komitəsi nikahları rəsmi qeydə alınmış 18 yaşadək bəy və gəlinlərin sayı ilə bağlı maraqlı məlumat yayıb.

Məlum olub ki, təkcə ötən il evliliyi rəsmən qeydə alınmış 18 yaşadək bəy və gəlinlərin sayı 391 nəfər olub. Bunlardan cəmi 3 nəfəri yaşı 18-ə çatmayan bəy olub. 388 nəfər isə 18 yaşına çatmamış gəlinlərdir.

Rəsmi statistikadan belə məlum olur ki, 18 yaşadək nikaha daxil olanların sayında nəzərəçarpacaq dərəcədə azalma baş verib. Belə ki, 2014-cü ildə 481 nəfər (2 oğlan, 479 qız) 18 yaşına çatmadan rəsmi nikaha girib. 2011-ci ildə rəsmi nikah yaşından əvvəl evlənənlərin sayı 5149 nəfər (11 oğlan, 5138 qız) olub. 2008-ci ildə bu rəqəm maksimum həddə - 5579 (35 oğlan, 5544 qız) olub.

18 yaşa çatmamış və ya yenicə 18 yaşı tamam olan bəyləri erkən ailə qurmağa vadar edən səbəblər nədir?

Qızların erkən yaşdı ailə qurmasının səbəbi bəllidir. Onlar ailəsinin israrı və təkidi ilə erkən yaşda ailə qurur. Bəs oğlanları bu yaşda ailə sahibi olmağa nə məcbur edir? Orta məktəbi yenicə bitirmiş, hətta hərbi xidməti belə başa vurmamış bəylərin ailə qurması düzgündürmü?

"Təmiz Dünya" İctimai Birliyinin sədri Mehriban Zeynalova "Bakı-Xəbər"ə açıqlamasında qeyd etdi ki, orta məktəbi yenicə bitirən oğlanların ailə qurmasının müxtəlif səbəbləri var: "Bəzi oğlanlar düşünür ki, hərbi xidmətə yollanmazdan öncə sevdiyi qızla mütləq ailə qurub onu ailəsinin yanına gətirməlidir. Yəni oğlan əsgərlikdə olduğu müddət ərzində qızın ailəsi onu heç kimə ərə verməsin. Bəylərin erkən yaşda ailə qurması səbəbləri sırasında valideyn istəyi də dayanır".

M.Zeynalova bildirdi ki, bəylərin erkən yaşda ailə sahibi olması ona gələcək həyatında müəyyən problemlər yaradacaq: "Erkən evlənmək həm sosial, həm də ictimai münasibətlərə mənfi təsir göstərir. İstər qız, istərsə də oğlanların erkən yaşda ailə qurmaq istəyinə qarşı çıxmaq lazımdır. Orta məktəbi bitirən gənc evlənərsə, onun təhsili və karyerası sual altında olur. Həmin gəncin gələcək həyatı yalnız ailə qayğısı və övladlarını böyütməkdən ibarət olur".

Həmsöhbətimizin sözlərinə görə, bəylərin erkən yaşda ailə qurmasının iqtisadi fəsadları var: "Həmin bəylə evlənən qız belə oğlanın ailəsindən maddi asılı olur. Oğlan hərbi xidmətdə olduğu müddət ərzində onunla ailə quran qız iqtisadi çətinlik yaşayır. Bəy hərbi xidməti başa vurub qayıtdıqdan sonra həmin an işlə təmin olunmur və iqtisadi çətinlik davam edir".

Birlik sədri onu da əlavə etdi ki, oğlanların erkən yaşda evləndirilməsinin səbəblərindən biri də valideynlərin övladlarını müxtəlif təhlükələrdən qorumaq istəyidir: "Bu yaxınlarda gənc bir oğlan öz həmcinsi ilə toy mərasimi etdi. Bəzi valideynlər düşünür ki, oğlunu bu cür təhlükələrdən qorumaqla guya onun həyatını nizama salır".

Psixoloq Könül Vaqifqızı bizimlə söhbətində bildirdi ki, erkən yaşda oğlanların ailə qurmasının əsas səbəbi valideynlərinin istəyidir: "Elə ailələr var ki, onlar tez bir zamanda oğlanlarının xeyir işini görmək və nəvə sahibi olmaq istəyir. Orta məktəbi yenicə bitirən oğlanlar valideynlərinin onlar üçün seçdiyi azyaşlı qızla evlənir. Evlənəndən bir neçə ay sonra onlar hərbi xidmətə yollanır. Bəy geri qayıdanda artıq onun övladı dünyaya göz açmış olur. Biz həmin valideynlərə başa salmaq istəyirik ki, sizin oğlunuz tez yaşda ailə sahibi olarsa, sosial sıxıntı yaşayacaq. Ancaq valideyn israrla bildirir ki, yox, mənim oğlum tez evlənməlidir və mən onun ailəsini saxlayaram. Bu düşüncə ilə tək bəyin deyil, eyni zamanda qızın həyatı məhv olur".

Günel CƏLİLOVA

DİGƏR XƏBƏRLƏR

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

Tarix: 29.09.2026 / 16:14

Lənkəranda zəlzələ olub

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır