Bakıda sürücülük öyrənmək istəyənlər üçün şəhərin mərkəzində xüsusi təlim meydançaları açmaq olmaz ki...

Tarix: 28.07.2016 / 02:44
Bölmə: Sosial

Kamran Əliyev: "Nərimanov, Nizami rayonlarında və digər ərazilərdə təlim üçün xüsusi yerlər var"

"İlk dəfə sükan arxasına keçənlər qapalı meydançalarda sürməyi öyrənir, daha sonra hərəkətin intensiv olmadığı ərazilərdə müəyyən təlimlər keçir"

Avtomobil sahibi olmaq hər kəsin arzusudur. Ancaq onu idarə etmək də bir uşağın əlifbanı öyrənməsi qədər çətindir. Bunun üçün sürücülük kurslarına getmək birinci şərtdir. Orada istənilən nəticə əldə edilməzsə, növbəti variant təlim maşınlarıdır.

Paytaxtın müxtəlif yerlərində 1 saatı 20 manata təlim maşını tapa bilərsiniz. Bununla avtomobil idarə etməyi nəzəri deyil, praktiki şəkildə öyrənəcəksiniz. Burada sizin bacarığınız qədər təlimçinin təcrübəsi də önəmlidir.

Maşın sürmək həvəsində olanlar çətinlik çəkmədən təlim avtomobili tapa bilər. Təlim maşınları adətən "Gənclik" və "Nəriman Nərimanov" metrostansiyalarının kənarında dayanır. Həmçinin, onu da nəzərə almaq lazımdır ki, hazırda internet dövründə yaşayırıq. İnternet vasitəsilə təlim mərkəzlərinə müraciət edib kursa yazılmaq olar. Onu da qeyd edək ki, bu gün kişi təlimçilərlə yanaşı, qadın təlimçilər də var. Avtomobil sürməyin xırdalıqlarını ona qadın sürücünün öyrətməsini istəyənlər "Qadınlar üçün sürücülük" kurslarına müraciət etməlidir. Təlimin 1 saatı 20 manatdır, 5 dərsin qiyməti endirimlə 80 manatdır. Sürücülük kurslarının elanlarında qeyd olunur ki, onlar "Nəriman Nərimanov", "Elmlər Akademiyası", "Gənclik" və "Nəsimi" metrostansiyalarının yaxınlığındakı ərazilərdə təlim keçir.

İlk dəfə sükan arxasına keçənlər istəyər ki, onlar boş bir ərazidə maşın sürsün. Şəhərin içərisində maşınların sıx olduğu ərazilərdə ilk dəfə sükan arxasına keçənin avtomobil idarə etməsi çətindir. Təlim üçün təcrübə meydançalarının olmaması və ya azalması sürücülərin və təlimçilərin işini çətinləşdirir.

Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Kamran Əliyev "Bakı-Xəbər"ə açıqlamasında paytaxt ərazisində təlim mərkəzlərinin mövcud olduğunu dedi: "Bu gün sürücülüyün sirlərini öyrənmək istəyənlər təlim mərkəzlərinə müraciət edir. Həmin təlim mərkəzlərinin də xüsusi avtomobilləri olur. İlk dəfə sükan arxasına keçənlərə qapalı meydançalarda sürməyi öyrədirlər. Daha sonra hərəkətin intensiv olmadığı ərazilərdə müəyyən təlimlər keçilir".

K.Əliyevin sözlərinə görə, Nərimanov, Nizami rayonlarında və digər ərazilərdə təlim üçün xüsusi yerlər var. Bu gün bəzi şəxslər şəhərin mərkəzi hissələrində təlim keçmək istəyir: "İnsanlar çalışır ki, evlərinə yaxın ərazilərdə təlim keçsin. Şəhərin mərkəzi hissəsində təlim meydançası yaratmaq düzgün deyil".

Həmsöhbətimiz söhbət əsnasında təlim maşınlarının qəza hadisəsindən danışdı. Təlim maşını ilə qəza hadisəsi baş verərsə, məsuliyyət təlimçinin üzərində qalır: "İnsanlar təlimçiyə qəza baş verməsin deyə müraciət edir. Təlimçi cavabdeh şəxsdir. Təlim maşınları xüsusi mexanizmlə təmin olunur. Yəni həmin avtomobillərin xüsusi tormoz pedalı və güzgüsü olur. Həmçinin, təlimçilərin 5 illik təcrübəsi də olmalıdır. Hər maşın sürən təlimçi kimi fəaliyyət göstərə bilməz. Təlim avtomobillərinin üzərində təlim üçün fəaliyyət göstərdiyini sübut edən yazı qeyd olunmalıdır. İstənilən yol-nəqliyyat hadisəsi baş verərsə, ona təlimçi cavabdehdir".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...