Bu il testlərdə hətta "sıfır" bal nəticə göstərənlər oldu

Tarix: 27.07.2016 / 01:56
Bölmə: Sosial

Əjdər Ağayev: "Qəbul imtahanlarında bu cür nəticənin ortaya çıxmasına görə hər bir tərəfin üzərinə məsuliyyət düşür"

"Yüksək nəticə göstərən abituriyentlərin repetitor məktəblərinin yetirməsi olması acınacaqlı haldır"

Bu il Azərbaycanın ali təhsil müəssisələrinə cari ilin məzunları üçün I və IV ixtisas qrupları üzrə keçirilən qəbul imtahanının statistik göstəriciləri məlum olub.

IV ixtisas qrupu üzrə imtahan verən 5340 abituriyentdən 2823 nəfər 200 baldan yuxarı nəticə göstərərək müsabiqədə iştirak etmək hüququ əldə edib. Müsabiqə şərtini ödəyə bilməyən 2517 abituriyent 0-200 bal toplayıb. Qeyd edək ki, bu il IV ixtisas qrupu üzrə 3310 plan yeri ayrılıb, onlardan 1970-i Azərbaycan, 155-i rus, 1185-i isə birgə müsabiqə üçün nəzərdə tutulub. Qəbul planından 1405-i dövlət sifarişli yerlərin payına düşür.

İmtahan nəticələrinə əsasən, I ixtisas qrupu üzrə keçirilən imtahanda müsabiqə şərtini ödəyə bilməyən 19991 nəfər isə 0-200 bal toplayıb.

Ümumilikdə, bu il ali məktəblərin I və IV ixtisas qrupları üzrə keçirilən qəbul imtahanlarında 36 737 abituriyent iştirak edib. Onlardan 14229-u 200 baldan yuxarı nəticə göstərərək müsabiqə şərtini ödəyib. Hər iki qrup üzrə 22 508 abituriyent isə müsabiqədə iştirak etmək üçün 200 balı toplaya bilməyib. Bu da imtahanda iştirak edən abituriyentlərin 61 %-dən çoxunu təşkil edir.

Xatırladaq ki, I və IV ixtisas qrupu üzrə qəbul imtahanlarında 6 abituriyent ona təqdim olunmuş bütün test tapşırıqlarına düzgün cavab verərək maksimum nəticə - 700 bal toplayıb.

I və IV ixtisas qrupları üzrə imtahan verən abituriyentlərin 62 faizinin 0-200 bal toplaması ekspertləri narahat edir.

Təhsil sahəsi üzrə ekspert Əjdər Ağayev bizimlə söhbətində bildirdi ki, qəbul imtahanlarında bu cür nəticənin ortaya çıxmasına görə hər bir tərəfin üzərinə məsuliyyət düşür: "Son illər təhsildə müəyyən islahatların həyata keçirilməsinə baxmayaraq, abituriyentlərin ortaya qoyduğu nəticələr görülən işləri kölgədə qoyur. Bu gün Azərbaycan təhsili repititor məktəblərin əlində əsirə çevrilib. Danmaq olmaz ki, xüsusilə şəhər məktəblərində 9-cu sinifdən sonra şagirdlər məktəbə getmir. Yəni deməyim odur ki, yüksək nəticə göstərən abituriyentlər də repetitor məktəblərinin yetirməsidir. Əslində bu olduqca acınacaqlı haldır. Çünki ümumtəhsil məktəbləri mühitində şagirdlər təkcə bilikli insan kimi deyil, həm də vətəndaş kimi yetişir. Ona görə də biz məktəblərimizi inkişaf etdirməliyik".

Onun sözlərinə görə, təhsildə inkişafa nail olmaq üçün təhsil idarələri tamamilə Təhsil Nazirliyinin tabeliyinə verilməlidir: "Etiraf etmək lazımdır ki, bu gün Azərbaycanın təhsil sistemində faydalı islahatlar həyata keçirilir. Bunun nəticəsidir ki, artıq təhsil sahəsində mövcud olan bəzi neqativ hallar aradan qaldırılıb. Ancaq biz bu sahədə tam müsbət nəticədən danışa bilmərik. Çünki təhsil elə bir sektordur ki, burada həyata keçirilən islahatların nəticəsi dərhal hiss olunmur. Digər tərəfdən, təhsil idarələrinin işinə təhsilə aidiyyəti olmayan şəxslərin müdaxiləsi var. Bu müdaxilələr aradan qaldırılmalıdır. Yəni sözügedən qurumlar yalnız Təhsil Nazirliyinin göstərişi əsasında fəaliyyətini qurmalıdır. Nəticədə orta məktəblərdə həm nizam-intizam, həm də müəllimlərin öz işinə məsuliyyəti artar".

Günel CƏLİLOVA

DİGƏR XƏBƏRLƏR

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

Tarix: 29.09.2026 / 16:14

Lənkəranda zəlzələ olub

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır