Qafqaz Universiteti ilə bağlı qərar təhsil sisteminə necə təsir göstərəcək?

Tarix: 22.07.2016 / 02:04
Bölmə: Sosial

Fazil Mustafa: "Qafqaz Universitetinin Ali Neft Məktəbinin tabeliyinə verilməsi indiki şəraitdə ən düzgün qərardır"

"Bu ali məktəb artıq sağlam təhsil ənənəsi yaratmış bir təhsil ocağı kimi tanınır"

Məlum olduğu kimi, Qafqaz Universitetinin Bakı Ali Neft Məktəbinin idarəçiliyinə verilməsi barədə qərar qəbul edilib. Qəbul edilən qərar universitetin idarəçiliyinin effektivliyini artırmaq məqsədi daşıyır. Elmar Qasımov Bakı Ali Neft Məktəbi ilə yanaşı, müvəqqəti olaraq Qafqaz Universitetinin də idarəçiliyinə rəhbərlik edəcək. Ali təhsil müəssisəsinin pedaqoji heyəti fəaliyyətini, tələbələr isə təhsilini davam etdirəcək.

Qeyd edək ki, Qafqaz Universitetinin təsisçisi Təhsil Nazirliyinə müraciət edərək universitetin bağlanmasına dair qərar qəbul olunduğu barədə məlumat verib.

Məlumat üçün onu da qeyd edək ki, Qafqaz Universiteti Azərbaycan Respublikası Xalq Təhsili Nazirliyinin nəzdindəki Dövlət Ali Ekspert Komissiyasının 1 may 1993-cü il tarixli, 11/1 saylı qərarı ilə fəaliyyətə başlamış, Azərbaycan Respublikası Nazirlər Kabinetinin 11 sentyabr 1995-ci il tarixli, 203 saylı Qərarı ilə dövlət qeydiyyatından keçmişdi.

Daha sonra mövcud qaydalara əsasən, 20.08.2002-ci il tarixdə Azərbaycan Respublikası Təhsil Nazirliyi tərəfindən lisenziya verilməsi ilə universitetin statusunun qanunauyğunluğu bir daha təsbit olunmuşdu.

Ümumilikdə sözügedən universitetin bağlanması ölkə təhsilinə necə təsir göstərəcək?

Məsələyə münasibət bildirən millət vəkili Fazil Mustafanın fikrincə, indiki şəraitdə belə bir addımın atılması doğru qərardır: "Qafqaz Universitetinin Ali Neft Məktəbinin tabeliyinə verilməsi indiki şəraitdə ən düzgün qərardır. Yüksək bal toplayan əksər abituriyentlər bu məktəbi seçirsə, onların seçimini şübhə altına qoymaq ədalətsizlikdir.

Ali Neft Məktəbi artıq sağlam təhsil ənənəsi yaratmış bir təhsil ocağı kimi tanınır. Qafqaz Universitetinin mövcud keyfiyyətli bazasını bir sıra özəl "bazar" universitetlərinə "yedirtməmək" üçün məhz Ali Neft Məktəbinin tabeliyində olmasını faydalı hesab edirəm.

Bir şeyi unutmaq lazım deyil, Türkiyədə baş verən hərbi çevrilişi bütün səmimiyyətimizlə qınayırıq, orada rolu olan hər kəsin cəzalandırılmasını haqlı sayırıq, Türkiyədən gələn müəyyən mesajlara da Azərbaycan iqtidarının həssas yanaşmasının yerində olduğunu düşünürük, bununla belə, bəzən unuduruq ki, bu hərbi çevriliş Türkiyədə baş verib.

Məhz bu çevrilişdə aktiv rol almış "Gülən camaatı"nın bir çox üzvlərinə görə vaxtilə onların açdığı məktəblərdə təhsil almış məzunları şübhəli şəxs kimi görmək, tanıtmaq doğru davranış deyil. Məsuliyyət fərdidir, günah işləyənləri, qanunsuz işlər çevirənləri, Türkiyədəki hadisələrdə rolu olanları ayrı-ayrılıqda tanıdın, ifşa edin, göstərin.

Ancaq məktəbləri bağlamağa çağırmaq, bir məktəbin bağlanmasına sevinmək ziyalıya yaraşan davranış deyil və minlərlə günahsız insanın haqqına girməkdir. Bu arada sevindirici xəbər aldım ki, Azərbaycanda Atatürk Türk Liseyinə də nəhayət lisenziya verilib. Ən yaxşı məktəblərimizdən biri də Türkiyə Dəyanət Vəqfinin açdığı liseydir.

Bu alternativlərin hamısı Azərbaycana lazımdır. Yüksək təhsil, tərbiyə verən məktəbin açılışı hər zaman sevindirir, bağlanışı isə, hansı nöqtədən baxarsınız baxın, kədərlidir".

Vidadi ORDAHALLI

DİGƏR XƏBƏRLƏR

Tarix: 15.11.2026 / 18:43

Ağstafada sursat partladı - ölən və yaralanan var...

Tarix: 15.11.2026 / 16:26

Təhsilin rəqəmsallaşmasındakı ciddi geriliyin əsas səbəbi məmur məsuliyyətsizliyidir - İlham Əhmədov yazır

Tarix: 14.11.2026 / 11:46

İrəvandakı Göy məscidin mərasim zalına erməni şairin adının verilməsi narahatlıq doğurur - BƏYANAT

Tarix: 14.11.2026 / 10:58

Gənc əsgərlərlə görüşə müvəqqəti məhdudiyyət qoyuldu - RƏSMİ

Tarix: 13.11.2026 / 21:05

Əlil şəxslər “keçiddə” bir beçə aylıq müavinətdən niyə məhrum olsunlar?!

Tarix: 13.11.2026 / 20:13

Məzuniyyətin pulla əvəzlənməsi - İşçi özü istəyirsə, pisdir?

Tarix: 13.11.2026 / 19:15

İşdə məhəbbət macərası - DOST Agentliyinin müdir müavini buna görə işdən azad olundu

Tarix: 13.11.2026 / 16:55

İrandan Almaniyaya 29 kq-dan çox metamfetamin aparanlar Naxçıvanda yaxalandı

Tarix: 13.11.2026 / 16:40

Ev təsərrüfatlarının uçotunun arxasında nələr var - Şayiələr baş alıb gedir, bəs həqiqət harada?...

Tarix: 13.11.2026 / 13:29

Deputat Elm və Təhsil Nazirliyini tənqid etdi - valideynlər, müəllimlər həyəcan təbili çalır...

Tarix: 13.11.2026 / 13:24

Görmə məhdudiyyəti maneə deyil, əlçatmaz mühit maneədir!

Tarix: 13.11.2026 / 13:20

Gələn il bu müavinətlər artırılacaq...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 12.11.2026 / 21:39

Azərbaycan üzərindən Ermənistanla ticarət dayan(dırıl)ıb - İrəvan adekvat ola bilmir...

Tarix: 12.11.2026 / 19:56

İrəvanda Göy məscid murdarlandı, Azərbaycandan başqa heç bir qonşu müsəlman ölkə səsini çıxarmadı...

Tarix: 12.11.2026 / 15:00

Saatlıq maaş sisteminə keçirik, pullar yeni qaydada hesablanacaq...

İki ildən çoxdur azad sahibkarlıq yeni Rəqabət Məcəlləsi ilə tənzimlənir...