Yurd yeri

Tarix: 19.07.2016 / 01:37
Bölmə: Sosial

Kərki və kərkililərin sorağı ilə...

Rəvayət və həqiqətlərə doğru

1-ci yazı

Tejgar dağının sirləri və möcüzələri

Kim ki, doğulduğu yurd yerlərini sevmir, tanımır, axtarmır, öyrənmir, onun vətənpərvərliyinə şübhəm var. Yəni hər kəsdə bu hisslər formalaşmalıdır. Ailəsini, nəslini, kəndini, obasını, yurd-yuvasını sevməyən kəs xalqına, Vətəninə bağlı ola bilər?!

Məncə də doğulduğun yurd-yuvanı sevmək üçün onu tanımalısan. Tanıyıramsa, sevəcəyəm. Tanımıramsa, necə sevim ki? Ona görə də illərdir ayrı düşdüyüm doğma Kərki kəndimin tarixini vərəqləmək, axtarmaq, tapmaq, toplayıb bir araya gətirərək, indiki və gələcək nəsillərə tanıtmaq üçün əlimə qələm aldım. El-obamdan perik düşmüş kərkililəri soraqladım. Sorağını aldığım kərkililərimizlə görüşdüm, ətrafımıza onları toplamaq, müvəqqəti də olsa (müvəqqətiliyin ömrü də yamanca uzandı haa), itirdiyimiz, erməni daşnaklarının işğal edib yer üzündən sildiyi Kərki kəndi ilə bağlı xatirə, əfsanəyə bənzər hadisə və rəvayətləri dinləyərək onları kitab halına gətirməyi qarşısına məqsəd qoyanların köməkçisinə çevrildim.

Beləliklə, ilk məni ağrıdan məsələ Vətənimizin işğal edilmiş ərazilərinin sırasında rəsmi olaraq Kərkinin adının az-az çəkilməsidir.

Tejgar dağını Kərki camaatı, təbii ki, daha yaxşı və yaxından tanıyır. Mən Kərki kəndi, onun hər daşı, qayası haqqında sizlərə məlumat vermək istəyirəm. Tejgar dağı Naxçıvan Muxtar Respublikasının Sədərək rayonunda yerləşən Kərki kəndinin ərazisindədir. Bu dağın hələ yazılmamış qədim tarixi var. Rəvayətə görə, bu dağda Habil və Qabil adlı qardaşlar məskən salıbmış. Habil-Qabil qardaşlarının rəvayətini bilirsiniz yəqin ki... Qabil öz qardaşı Habili qısqanclıq üzündən öldürür, amma meyitini nə edəcəyini bilmir. Elə bu an iki qarğanın savaşını görür. Qarğalardan biri o birini öldürür, sonra da caynaqları ilə yeri qazıb ölü qarğanı torpağa basdırır. Qabil də bunu görüb eyni qayda ilə qardaşını torpağa gömür. Beləliklə, Habilin gömürdüyü yer bu dağ olur. Əslində, "Tejgar yox", "Tez gor" olub bu söz.

Amma nənə-babalarımızdan eşitdiyimə görə, bu, Habil-Qabil dağıdır (ocağıdır). Bu dağda balaca daş qalağı var. İnsanlar ziyarətinə gedər, niyyət edib daş atardılar. Niyyətləri qəbul olundusa, daş daşa maqnit kimi yapışardı. Bu dağdan yaş ağac qırmaq olmazdı. Deyərdilər ki, ağac qan ağlayır. Yaralanan yerdən qan çıxır.

Bu dağın müqəddəsliyi də bundan irəli gəlib. Hər cümə axşamı dağda ocaq üç dəfə yanıb sönərdi. Lakin bu odu yalnız ürəyi təmizlər, dürüst insanlar görə bilərdi. Həqiqətən də bu belə idi. Çünki canlı şahidi olmuşam. Amma çox təəssüf edirəm ki, bu müqəddəsliyin sirrini öyrənib qələmə alan kimsə olmadı. O zamanlar uşaq idim. Ürəyimə və yaddaşıma yalnız bunları yaza bilmişəm.

Kəndimiz haqqında eşidib-bildiklərimi sevimli oxucularla bölüşməyi özümə borc bilirəm. Hətta bu kəndin özünəməxsus adət-ənənələri olub və bu gün də var. Onlar haqqında da ayrıca yazılarım olacaq, inşallah...

Allahın köməkliyi və oxucularımızın dəstəyi ilə bu kənd haqqında ensiklopedik kitab hazırlanacaq. Əziz oxucular, bu məqaləni yazmaqda da məqsədim var, sizlərin diqqətinizi və vətənpərvərliyinizi istəyirəm. Vətənin hər bir qarışı əzizdir bizə. Belə müqəddəs torpaqlarımızın düşmən tapdağı altında olması yalnız utanc verir bizə. Onun tarixini, etnoqrafiyasını, mədəniyyəti və burada formalaşan folklor nümunələrini toplamaq hər birimizin vətəndaşlıq borcudur.

Mətanət DUYĞULU,

Naxçıvan MR Sədərək rayonunun

Kərki kəndindən məcburi köçkün

DİGƏR XƏBƏRLƏR

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

Tarix: 29.09.2026 / 16:14

Lənkəranda zəlzələ olub

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır