Azərbaycandan Türkiyəyə bu mövsümün turist axınında nələr dəyişə bilər?...

Tarix: 19.07.2016 / 02:05
Bölmə: Sosial

Nahid Bağırov: "Türkiyəyə gedəcək turistlərin sayında heç bir dəyişiklik olmayacaq"

Akif Əlizadə: "Biletlərin qaytarılması ilə bağlı tərəddüd xarakterli müraciətlər olur"

Bahadur Bilalov: "Son hadisələr Türkiyə turizminə ciddi şəkildə təsir edəcək"

Havaların isti keçdiyi dönəmdə bir çox ölkələrin sakinləri böyük həvəslə Türkiyəyə üz tutur. İstirahəti sevənlərin sevimli məkanlarından biri Türkiyə sayılır. Bir neçə gün öncə Türkiyədə baş verən məlum hadisələr həmin ölkədə turizmin vəziyyətinə də təsir edib.

Məlum olduğu kimi, iyulun 16-da Türkiyədə hərbi çevrilişə cəhd edilib. Hərbi çevrilişə cəhdin qarşısı alınarkən xeyli sayda polis, hərbçi və mülki şəxs həlak olub, yüzlərlə yaralı var, müxtəlif rütbəli hərbçilər həbs olunub.

Türkiyədə baş verən son olaylardan sonra azərbaycanlı turistlərin həmin ölkəyə getməsində hansı problemlər ola bilər? Ümumiyyətlə, bu hadisə Türkiyə turizminə necə təsir edəcək?

Turizm şirkətinin meneceri Akif Əlizadə bildirdi ki, hələlik biletlərin qaytarılması ilə bağlı tərəddüd xarakterli müraciətlər olur: "Yəni zəng edib maraqlanırlar ki, biletlər qaytarılsa, cəriməsi nə qədər olacaq? Amma satışlar davam edir. Hələ ki, heç kim bileti qaytarmayıb".

Azərbaycan Turizm Assosiasiyasının prezidenti Nahid Bağırov "Bakı-Xəbər"ə açıqlamasında bildirdi ki, Türkiyədə baş verən son hadisələr azərbaycanlı turistlərin həmin ölkədə istirahətinə təsir etməyib və etməyəcək: "Çünki Türkiyənin istirahət şəhərləri var. Azərbaycanlı turistlər daha çox Türkiyənin Bodrum və Antalya şəhərinə uçur. Həmin şəhərlərə gedən turistlərin sayında hər hansı dəyişiklik yoxdur".

Həmsöhbətimizin dediyinə görə, hadisələr baş verən gün Türkiyəyə getməsi nəzərdə tutulan təyyarə uçmadı. Turistlərin həmin gün Türkiyəyə getməməsinin səbəbi təhlükəsizlik tədbirlərinin gücləndirilməsi ilə bağlı idi.

Assosiasiya sədrinin fikrincə, Türkiyəyə gedəcək turistlərin sayında heç bir dəyişiklik olmayacaq: "Tək yerli turistlər deyil, digər ölkələrin vətəndaşları da Antalya, Bodrum, Çeşmə və digər ərazilərdə istirahət etməyi sevir. Demək olar ki, turistlər terror və ya digər xoşagəlməz halların olmasına öyrəşib. Türkiyə turizminə maraq yüksəkdir".

Turizm sahəsi üzrə ekspert Bahadur Bilalov bizimlə söhbətində bildirdi ki, türistlərin təhlükəsizliyi hər zaman qorunub. Turistlər sağlamlığına, onların əmlakına zərər verilən bilən yerlərə heç vaxt getmir.

Həmsöhbətimizin dediyinə görə, artıq müəyyən müddət idi ki, rusiyalı turistlər Türkiyəyə gəlmirdi: "Onların həmin ölkəyə gəlişi yenidən bərpa edilmişdi ki, məlum hadisə baş verdi. İyulun 16-da baş vermiş çevrilişə cəhd hadisəsi zamanı Rusiya və digər ölkələrdən gəlməsi nəzərdə tutulan turistlərin təyyarə reysləri ləğv olundu.

Son hadisə Türkiyə turizminə ciddi şəkildə təsir edəcək. Arzu edərdim ki, Türkiyədə çevriliş cəhdinin nəticələri tez bir zamanda aradan qalxsın".

Günel CƏLİLOVA

DİGƏR XƏBƏRLƏR

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

Tarix: 29.09.2026 / 16:14

Lənkəranda zəlzələ olub

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır