Ovçuluq turizmi yolunda ilk addım Şamaxıda atıldı

Tarix: 16.07.2016 / 01:41
Bölmə: Sosial

Mahir Hümbətov: "Ovçular üçün otelin inşa olunması ov turizminin inkişaf etməsinə səbəb olacaq"

"Ov həvəskarları üçün nə qədər əlverişli şərait yaradılsa, bu turizm növünün inkişafına bir o qədər böyük zəmin yaranar"

Zəngin mədəni-tarixi irsə və əlverişli təbii şəraitə malik olan Azərbaycan turizm sahəsində böyük inkişaf perspektivlərinə malikdir. Ölkəmizdə turizmin əksər növlərinin - müalicə-sağlamlıq, ekoloji, mədəni, sosial, kommersiya, idman, xüsusi maraq kəsb edən və s. inkişafı üçün geniş imkanlar mövcuddur.

Son illər inkişaf edən turizm növlərindən biri də ovçuluq turizmidir. Məlumat üçün bildirək ki, Azərbaycanda ovçuluq turizmi 1963-cü ildən fəaliyyət göstərir. Son illər bu sahəyə maraq daha da çoxalıb. Hazırda ölkədə müxtəlif ovçuluq növləri mövcuddur. Bunlardan quş və dağ keçisi ovu daha çox inkişaf edib. Bu sahənin daha da inkişaf etməsi üçün ovçular üçün şərait yaradılacaq. Belə ki, Şamaxı rayonunun Dəmirçi kəndində ovçuluq turizmi üçün şərait yaradılır. Dəmirçi kənd ərazi nümayəndəsi Gəray Hüseynov fins.az-a açıqlamasında bildirib ki, kəndin ərazisində yeni otelin tikintisinə başlanıb. Bu oteldə ovçular üçün hər bir şərait yaradılacaq. Həmçinin dağlara qalxaraq müəyyən heyvanların ovunu edəcək insanların hərəkəti üçün də yol çəkilir. Həm yerli, həm də xarici turistlər ov mövsümündə burada istirahətini istədiyi şəkildə təmin edə biləcək.

Qeyd edək ki, Dəmirçi kəndi Şamaxı rayonunun mərkəzindən 31 km uzaqlıqda yerləşir.

Məsələ ilə bağlı fikir bildirən ovçuluq sahəsi üzrə ekspert Mahir Hümbətov bizimlə söhbətində qeyd etdi ki, turizmin ən gəlirli sahələrindən biri də ovçuluqdur: "Turizmin digər növləri ilə yanaşı, ovçuluğa hər zaman maraq olub. Ov həvəskarları üçün nə qədər əlverişli şərait yaradılsa, bu turizm növünün inkişafına bir o qədər böyük zəmin yaranar. Çünki ovçuluqla təkcə yerli əhali deyil, ölkəmizə səfərə gələn xarici vətəndaşlar da çox maraqlanır. Bildirilir ki, ovçuluqla məşğul olanlar üçün otel tikiləcək. Həmin oteldə ova getmək istəyənlər rahat şəkildə istirahət edə biləcək. Bəllidir ki, əvvəllər ovçuluqla məşğul olanlar ya meşəlikdə, ya da kənd evlərində gecəni qalmalı olurdu. Amma artıq onların belə bir çətinliyi olmayacaq. Çünki ovçuluqla məşğul olanlar üçün xüsusi şərait yaradılır. Onlar oteldə rahat şəkildə istirahət edə biləcək. Bu həm də ovçuluqla məşğul olmayanların da diqqətini çəkəcək. Əvvəllər ovçular öz dostuna, ya tanışına ova getmək barədə təklif etsə idi, o adam harada qalmalı olacağını soruşurdu. Əksər hallarda insanlar meşəlikdə kampda qalmaqdan ehtiyat etdiyi üçün bu təklifi dəyərləndirmirdi. Ancaq indi onlar könül rahatlığı ilə ovçuluqla maraqlanacaq". Həmsöhbətimizin fikrincə, ovçuluqla məşğul olanlar üçün xüsusi otel tikilməsi xarici turistlərin də diqqətini çəkəcək. Turistlər tək gəzməyi deyil, eyni zamanda, adrenalini də sevir: "Zənnimcə, bu olay ov turizminin inkişaf etməsinə səbəb olacaq". M.Hümbətovun fikrincə, ovçular üçün nəzərdə tutulan otel tək Şamaxı rayonunun Dəmirçi kəndində deyil, digər bölgələrdə də yaradılmalıdır.

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...