Məleykə Abbaszadənin pullu imtahanlar layihəsi birmənalı qarşılanmadı

Tarix: 15.07.2016 / 09:33
Bölmə: Sosial

Əjdər Ağayev: "İmtahan verənlərin ödənişli imtahana buraxılması qətiyyən qəbuledilən deyil"

Vurğun Əyyub: "Bu, dünya təcrübəsində də var, bəzi ölkələrdə vətəndaşlar özü, bəzilərində isə sifarişçi qurumlar ödəniş edir"

Dövlət İmtahan Mərkəzinin Direktorlar Şurasının sədri Məleykə Abbaszadə imtahanların pullu olacağı anonsunu verib. Belə ki, o mətbuata açıqlamasında bundan sonra Azərbaycanda imtahanların keçirilməsi üçün xərcləri dövlətin deyil, abituriyentlərin özünün ödəyəcəyini bildirib.

Onun sözlərinə görə, bu, dövlət qulluğuna imtahanlar da daxil olmaqla, bütün səviyyələrdə qəbul imtahanlarına aiddir. Yalnız buraxılış imtahanları istisna təşkil edəcək, çünki ölkədə orta təhsil pulsuzdur.

Hazırda Azərbaycanda qəbul imtahanlarında iştirak etmək üçün abituriyent 2 manat həcmində rüsum ödəyir. M.Abbaszadənin sözlərinə görə, yenilik bu il imtahan verənlərə şamil edilməyəcək, onlar ancaq hazırkı tarif üzrə dövlət rüsumunu ödəyəcək. Lakin o, qəbul imtahanlarında iştiraka görə ödəniləcək məbləği və bu ödənişin ali məktəbə və ya ixtisas qrupuna görə dəyişib-dəyişməyəcəyini açıqlamayıb.

Bu arada təhsil naziri Mikayıl Cabbarov sözügedən məsələyə münasibət bildirib. Nazir jurnalistlərə bildirib ki, bu məsələ müzakirə olunmalıdır: "Burada bir neçə məsələ var. Birincisi bundan ibarətdir ki, Dövlət İmtahan Mərkəzi müstəqil və yeni yaradılan qurum, publik hüquqi şəxsdir. Təbii ki, onun fəaliyyətinin həyata keçirilməsi üçün zəruri imkanlar olmalıdır. Eyni zamanda, həmin mərkəzin göstərdiyi xidmətlərin hər hansı bir şəkildə maliyyələşdirilməsi məsələsi qoyulur. Lakin burada başqa bir məsələ də var. Təhsilalanlar üçün xidmətlərin sifarişçisi kimi dövlət çıxış edir. Bəs həmin xidmətlərin ödənişi kim tərəfindən həyata keçirilməlidir? Dövlət büdcəsindən, yoxsa başqa mənbələrdən?"

Maraqlıdır, bəs təhsil ekspertləri buna necə yanaşır?

Məsələyə münasibət bildirən Azərbaycan Təhsil Şurasının sədri, professor Əjdər Ağayev qəti olaraq bunun əleyhinə olduğunu bildirdi: "Hər şeydə qazanc axtarmaq, hər şeydə pul axtarmaq nə mənəvi cəhətdən, nə də iqtisadi cəhətdən etik deyil. O ki, qaldı bilavasitə ali məktəbə qəbul imtahanı verənlərin ödənişli imtahana buraxılmasına, bu qətiyyən qəbuledilən deyil. Məleykə xanım olduqca böyük dövlət əhəmiyyətli səhvə yol verir. Çünki ali məktəbə qəbul imtahanı bir nəfərin şəxsi marağı üçün deyil. İmtahan verən şəxs ali məktəbə qəbul olunacaq, kadr kimi hazırlanacaq və ölkənin təsərrüfatının inkişafında iştirak edəcək. Yəni həmin şəxs ölkəyə xidmət edəcək. Belə çıxır ki, Məleykə xanım ölkənin inkişafının nədən ibarət olduğunu nəzərə almır, yaxud nəzərə almaq istəmir. Bu fikri nə ictimaiyyət, nə xalq, nə də hökumət qəbul etməməlidir. Belə düşüncəni ümumiyyətlə sıradan çıxarmaq lazımdır".

Digər təhsil eksperti Vurğun Əyyub isə bu təklifi məqbul hesab edir: "Mən təklif etmişdim ki, Məleykə xanımın rəhbərlik etdiyi qurum "Qiymətləndirmə qurumu" adlandırılsın. Çünki onun fəaliyyətinin mahiyyəti budur. Bu qurum maddi baxımdan nə qədər hökumətdən asılı olmasa, bir o qədər yaxşı olar. Bu, dünya təcrübəsində də var, bəzi ölkələrdə vətəndaşlar özü, bəzilərində isə sifarişçi qurumlar ödəniş edir. Ancaq yaxşı olar ki, bu xərc işçiyə və ya tələbəyə ehtiyacı olan və bununla bağlı Dövlət İmtahan Mərkəzinə sifariş verən qurumların və ya Təhsil Nazirliyinin büdcəsindən ödənilsin".

Vidadi ORDAHALLI

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...